هذا اول حمل لي وانا في الشهر التاسع وتقريبا في اخر اسبوع في التاسع مرا نفسيتي تعبانه ومارجعت في المستشفى طول فترة الحمل ولا سويت سونار غير مرا وحده عشان اعرف اذا كان بنت او ولد المشكله مو هنا الموشكله انو ماحس بالام ولا انقباضات ولا حاجه يعني ماكاني في الشهر التاسع وفي نهايته مافيه الام ولا تعب ولا شي حتى ماينزل مويه قبل كم يوم رحت لدكتوره قالت لي الرحم مقفل وعندك التهابات وعطتني علاج وخايفه منه اذا ماستخدمته ياترا هو ياثر او لا وعطوني حلول تفتح الرحم مرا تعبت نفسيتي خلاص ابي اولد ☹️😭💔
العضوة: 56351 , منذ 7 سنوات
احمدي ربك ان الولادة ما جتك وانتي معك التهابات .. لازم تعالجيها بسرررعه قبل الولادةالعضوة: 73222 , منذ 7 سنوات
اخذي العلاج الافضل تعالجيهاالعضوة: 76992 , منذ 7 سنوات
الله يهديك ويصلح بالك !!!! وين عقلك انتي ! كيف تجيك قوة القلب ذي ماتطمنين ع جنينك وهذا وهو طفلك الاول والمفروض مهتمة بأدق تفاصيله !! وعندك التهابات وتوك تدرين ؟ رحمة من ربي انك ماولدتي وفيه التهابات ولا كان صار بالبيبي شي ! لازم تعالجين نفسك من الالتهابات فوراً فوراً ! تنتظرين ايش الله يصلحك ولازم تشيكين ع وضع البيبي ووضعك لا تسكتين كذا !! والله مصدومة جداً من كلامك .. الله يصلح بالك بس ..العضوة: 42903 , منذ 7 سنوات
@user-43712 احمدي ربك ما جتك الولاده و انتي عندك التهابات لازم تعالجيه فورا احسن ما تولدي و يصير في البيبي شيالعضوة: 43712 , منذ 7 سنوات
@user-76992 بس الاتهابات الي معي مو قويه ومضره مرا يعني ماتجيني حكه ولا فيها ريحه ولها لون ابيض بسالعضوة: 76992 , منذ 7 سنوات
@user-43712 طيب عادي انا كنت زيك بس هذي على الولادة تأثر ع البيبي وتضره ، لازم تجيبين لك غسول طبي زي " بيتاسبت " وتتشطفين فيه مرتين يومياً وتنشفين المنطقة تماما وتكون جافة وتلبسين فوط يومية وتبدلينها كل ماتدخلين الحمام ، وقبل النوم فيه كريم مهبلي للالتهابات الخفيفه اسمه افوسين لون علبته وردي ونسبته 2% يجي معاه زي الاقلام ، قبل ماتنامين تثبتين القلم براس الكريم وتضغطين الكريم جوا القلم لين يمتلي كامل ، وتدخلين القلم كاملاً الله يكرمك بالمهبل وتضغطين راس القلم وتتإكدين ان الكريم داخل للمهبل وترمين القلم الي استخدمتيه اول مره ويومياً تسوين هالروتين قبل النوم لين تخلص الاقلام الي بالعلبة وتكون المنطقة نظيفة وتستخدمين الكريم ذا وقت النوم بس وابداً مايأذي البيبي ولا يوصله اصلاً وراح تروح الالتهابات لما تستخدمينه ، الحامل تلقط الالتهابات بشكل اسرع من غيرها لان المنطقة تكون حساسه جداً لاي ميكروبات وجراثيم عشان كذا لازم تكون عنايتك مستمرة لا تهملين فيها ابداًالعضوة: 43712 , منذ 7 سنوات
@user-76992كلامك مرا حلو وشكرا على الوصفه بس انا ماقدر اخذ تحاميل او هاذي الاشياء الي تقولينها ياعني كيف بدخلها بالمهبل مرا ماقدر احسها تالم ماقدر ماقدر ابي حبوب او اي شي بس مو هاذي الاشياء🚶🏻العضوة: 43712 , منذ 7 سنوات
@user-76992يعني ابي شي من برا برا بس مو اني ادخل اشياء في المهبل مرا اخاف وماعندي الجرئه 😭العضوة: 76992 , منذ 7 سنوات
@user-43712 يابنت الحلال الله يهديك ويصلح بالك لا تألم ولا شي ، يعني تقدرين تتحملين زوجك وماتتحملين قطعة قلم صغير 😂 الله يصلحك قولي شي منطقي 😂 وبعدين علاج الالتهابات ماينفع معها الحبوب لان الحبوب تضر اكثر مما تنفع والي كتبته لك كلام دكتورتي لان حالتي نفس حالتك وطبقت كلامها والحمدلله مافيني الا العافية ومازلت مستمره على الروتين هذا عشان مايحصل لي او للبيبي شي ، يعني مستخسرة انك تحافظين ع نظافة المنطقة وسلامة مولودك بحجة انك ممكن تتألمين ؟ الله يهديك بس مافيها الم ولا فيها اي شي ، احسن من انك تندمين بكره لا صار فيك او بالبيبي شي الله يحفظكم بالسلامهالعضوة: 43712 , منذ 7 سنوات
@user-76992اوكيه اقدر اتحمل 😂بس مو ماعندي جرئه اسويها مدري مدري كيف ☹️والله اني احاول وخواتي يحاولون فيني اسويها بس مادري ايش اسوي مرا خايفه على البيبي وفي نفس الوقت مابي اخذها مرا مابيالعضوة: 76992 , منذ 7 سنوات
@user-43712 الله يهدي بالك ، انتي تتوهمين بس ، صدقيني مافيها الم ولا خوف ولا اي شي من الي تقولينه ، هذا علاج مو لعبه ، اجل شلون بتتحملين الم الولادة والكشف الداخلي والتنظيف المهبلي بعد الولادة ؟ صلي ع النبي واستهدي بالله ، انا قاعدة اقولك هالشي لمصلحتك انتي وطفلك ، انا مو خسرانه شي انا اعطيتك الحل والعلاج من باب الاجر وقاعدة احاول اساعدك لكن انتي رافضه بحجج واهية ماتدخل بعقل الله يهديك .. استهدي بالله بالنهايه مانتي خسرانه شي ع فكرةالعضوة: 43712 , منذ 7 سنوات
@user-76992شجعتيني اقوم اسويها الحين 😢العضوة: 43712 , منذ 7 سنوات
@user-76992مرا الله يعطيك العافيه حبيبتي الله يسعدك دنيا واخرا ويقر عينك بالبيبي تبعك😍😭❤العضوة: 76992 , منذ 7 سنوات
@user-43712 لازم تحاولين لو مو عشانك عشان طفلك لا يتأذى ويتطور الوضع ويسوون لك قيصرية ! ترا الي فيها التهابات مايخلونها تولد طبيعي عشان البيبي مايتجرثم ويمرض وتضطرين غصب للقيصرية واوجاعها وخياطة وحالتك بتصير حالة ، فلييييش هذا العنا كله وانتي بيدك من الان تساعدين نفسك وترتاحين وتولدين بصحة وعافية ،العضوة: 76992 , منذ 7 سنوات
@user-43712 والله العظيم مو مخليني مصرة على اقناعك الا اني خايفة عليك وعلى طفلك ربي يحفظكم ويقومك بالسلامة وتفرحين فيه ، انا مريت بهالشي والحمدلله قاعدة اتعالج منه ومستمرة ع العلاج عشان لا يتأذى طفلي ، الضنا مافي اغلى منه والله ، مافي شي محرز تخسري راحتك وصحتك وصحة طفلك عشانه ، الله يفرحك بضناك ويفرحنا فيك بكامل عافيتك يارب 💐