انا حامل ف الشهر الثاني والاكتئاب لاعب في نفسيتي لعب ماني طايقة زوجي وولدي ولا عملي دايماً احس اني مخنوقة ومتضايقة بسبب ومن غير سبب ولا اقدر اروح طبيب نفسي ابداً هل اقدر استخدم حبوب مضاد الاكتئاب او حبوب تحسين المزاجية من ايهيرب ف الحمل ولا فيها ضرر ؟! واذا فيه احد جربها ي ليت يكتب لي تجربته
العضوة: 1410555 , 3 years ago
اختي ليش كل هاد الاكتئاب ⁉️ اطلعي ع الأمور الحلوة بحياتك ورمي الاكتئاب بل زاوية الله يفرج همك ياربالعضوة: 762929 , 3 years ago
امين يارب بس والله مو بيدي احاول اسلي نفسي واشغلها بأي شي احبه لكن مافي فايدة ف حملي الاول كنت على وشك الطلاق لنفس السبب دايماً متضايقة لين ولدت والان رجع لي نفس الشي احس زوجي وولدي مضغوطين مني😔💔العضوة: 1412994 , 3 years ago
اذا اهلك غريب روحي عندهم فترهالعضوة: 762929 , 3 years ago
للاسف م اقدر لانو انا موظفةالعضوة: 1501093 , 3 years ago
بسم الله على روحك وسلامتك من الاكتئاب حبيبتي لا تاخذين شي بدون استشارة طبيب ابدا ابدا كل شي له جرعات محدده وانتي حامل وهرمونات بتقلب يعلم الله اني مثلك قبل كم اسبوع أخذت الثاني والثالث اكتئاب وخوف وقلق وسواس موت وامراض وببناتي وحملي ونوبات هلع اقسم بالله تصحيني من نومي اصحى ابكي لدرجه حجزت موعد مع طبيب نفسي لكن مارحت قلت بعطي نفسي فرصه اعالج النقص واشوف.. وسبق اكتئبت على بنتي الأولى والثانيه والحين اكتئبت ولكن سويت فحوصات وطلع عندي نقص بفيتامين د ومخزون الحديد وترين كلهم يدخلون بالمزاج السيئ، واحس مع العلاج تحسن المزاج الحمد لله وصرت احسن . أنتي توكلي على الله واستعيني به ووالله العظيم اني حااااااااااسه فيييييييك شي شي ما ينطاق اسأل الله العظيم ان يشافيك ويطرح السعاده والهناء والبركه عليك وعاد تحصني واقري قرآن بللي قدرتي عليه واستغفري وتصدقي بنية الشفاء وكل ماشربتي موية اقري على الكاسة الفاتحة ولا تهملين جانبك التغذوي تغذي زين وسوي تحاليل وشوفي الناقص وخذي مكملات وربي يعافيك ويسلم قلبك من ذا الاكتئاب.العضوة: 1501093 , 3 years ago
تكلمي مع زوجك واشكي له ترين زوجي ما يصدق الأشياء ذي لكن ما اسكت ارسل له رسالة يا حبيبي تكفى تراني كذا وكذا ومرحلة وهن على وهن وكلام طيب وحلو حتى لو مارد علي احس بتصرفاته أنه تعدل لان زوجي طرازه قديم ولا يؤمن بالنفسية اصلا . وصلي لزوجك بطريقة اللي تشوفينها مناسبة وبيتقبلها يتحملك شوية . الولد ماله ذنب حاولي ما تقسين عليه بالمره هو غير مدرك لوضعك اصبري واحتسبي بتعاملك معه . الله يشرح صدرك بالعافيه والصحه والسعادة وانتي اصبري هرمونات وطبيعي نمر بالاكتئاب وخاصه اذا قد مريتي فيه اول وترين نفس وضعك كنت بتطلق بحملي الأول لاني اكتئبت اكتئاب شديد وكنت أجهل السبب وزوجي مثلي لدرجه طلبت الطلاق وبهج من البيت لولا رحمة الله وأني تزكيت بأخر لحظة كنت بهرب اخر الليل ومره كنت بفتح باب السياره وهي تمشي انكتمت ولولا لطف الله .. والحين الحمدلله في وعي وادراك وانا ملكة الفله والوناسه هالحزه 🤣 الحمد لله أيام مره مرت ويعلم الله أنها سنين صابره واقول يا الله اكشف الغمه أنا وش فيني والحمد لله كشفها لي وتعالجت واموري زينه نشكر الله عشان كذا رديت عليك ما احب ارد كثير .. لاني حااااااسه فييييييك .العضوة: 1501093 , 3 years ago
اللي تقول الاهل وتقول سوي اشياء تحبينها!! ماينفع يا بنات مو اكتئاب عادي ابو يومين ثلاث وراح لا لا شي مايقدر احد يصفه الا مريض الاكتئاب أنا اكتئبت ورحت عند اهلي ما ساعدني هالشي بالعكس ماني مرتاحه ولا ابي الا السلامة . نوبات هلع مع قلق و توتر وسواس وتطور لين وصل افكار انتحارية عشان كذا لا تهملين صحتك تضاربي علشانها صحتك وسلامتك اهم شي بيتك وزوجك وعيالك مايقوم فيهم الا أنتي _محتاجة راحة بال_ اسأل الله العظيم يكتب الأجر ويعافي كل مبتلى ولا يذيقكم الا من لطفه ونعمه وبركاته واسألو الله العفو والعافية ودوام الصحة وعيش السعداء❤️العضوة: 762929 , 3 years ago
الله يسعدك سعادة م تذوقين الحزن من بعدها كلامك جبر خاطر ومريح تمنيت انك اختي او قريبة مني لانو م عندي اخوات لكن بس قريت كلامك تعدل مزاجي على ذا الصبح الله يوفقك ويكتب اجرك ويتمم لك حملك على خير يارب و إن شاء الله بحاول اعمل بنصايحك وربي م يضيع لنا تعب ياربالعضوة: 762929 , 3 years ago
@user-1501093 .العضوة: 1501093 , 3 years ago
ويسعدك يا حبيبتي انتي وجزاك الله الجنة على الدعوه الحلوه زيك .. عاد خليكِ قوية والاكتئاب راح تتجاوزينه بأذن الله. عارفه شعور ان ماعندك خوات لكن ثقي بأن الله معك ماراح يتركك. الله يسخر لك اخت ما جابتها امك الناس فيهم خير بس انتي اختلطي وونسي على نفسك وانا حاضره بأي وقت احتجتي تتكلمي ❤️ دمتي بخير وصحة وسعادة انتي وعائلتك الصغيرة.🤍العضوة: 1506261 , 3 years ago
حطي في بالك هذي هرمونات الكل والجميع يمر فيها ومنتي لحالك فيه للي يتحملها وفيه للي يتعب منها بس لا ياخذك التفكير لابعد من كذا الكل كذا وغيرك ولله بيتها مليااااااان اطفال وشغل مايخلص استهدي بلله ولا تاخذين شىء عوافي كل شىء مع الوقت بيروح من نفسه مارسي حياتك طبيعي وحاولي تطلعين تقابلين ناس تسولفين وتمشين ترا يساعدالعضوة: 581318 , 3 years ago
@user-762929 اول شي النفسيه مع الحمل تتغير وكلنا نحزن بسبب وبدون سبب ونبكي وعصبيه كله هرمونات بس اعتقد انتي ضاغطه نفسك بزياده مثلا وضيفه وبين وطفل وحمل وزوج معليش خففي شوي اتركي الوضيفه لبعد الولاده خذي اجازه ارتاحي لا تضغطي ع نفسك صحتك وعيلتك أولى انا شايفه ان الضغوطات قاعده تلعب فيك انتبهي ع نفسك وريحي حالكالعضوة: 581318 , 3 years ago
ابعدي عن الادويه لانه تضر الحمل قللي ضغوطاتك ونامي بلوقت اللي تبيه وارتاحي بلوقت اللي تبيه لا تربطي نفسك بشيالعضوة: 1517198 , 3 years ago
اتفسحي واعملي جولة على البحر بتهدي اقري كتاب عن البيبي أو القران حاولي تنامي وماتفكري باي حاجة سلبية تعكر مزاجك فليل خلي زوجك يعملك ماساج بعد الدوش يهدي يبدأ من منطقة الرقبة لحتى الرجلين مابين الاصابع جربيها وحتدعيلي وانشاء الله حيزول الهم والغم وتقومي بسلامة وتبشرينا