العضوة: 2091360 , منذ 3 أسابيع

اولاً الله يهون عليك وتقومين بالسلامة انتي والبيبي ثانياً انا من خبرتي بعد قيصريتين في امور لازم تتبعينها: 1 قبل العمليه بكم يوم اقطعي الخبز والسكريات والغازيات والتزمي باكل صحي طبعا بيخلونك تصومين قبل العمليه حتى مويه ما تشربين بس لازم اللي ذكرت قبل عشان ما تتعبين بالاخراج بعد العملية 2 اختاري بنج نصفي وبعد العمليه ما تنامي على مخده عشان ما يجيك صداع 3 طبعا بعد العمليه بكم ساعه بيجيبونلك عصاير وتقدري تشربي سوايل زي عصير التفاح او شوربه دجاج او لحمه خفيفه وشاهي كمون ويانيون عشان الغازات وابتعدي عن الحليب ومشتقاته 4 اذا فك البنج لازم تمشين وترا اصعب شي لان الوقفه مؤلمه والمشي مع المسكنات بسالله يكتب اجرنا وحاولي شوي شوي ترفعي ظهرك وانتي تمشين عشان العمليه وكل ما قدرتي تمشين اكثر راح تتعافين اكثر بعد العملية 5 طبعا حلو تاخذي علك بعد العمليه عشان ينشط الامعاء واخيرا اهتمي باكلك وابعدي عن الخبز ومنتجات الالبان اول كم يوم عشان الغازات مرره تؤلم بعد العملية واحرصي على الرضاعة الطبيعيه وكثري سوايل والتزمي بالابر والعلاجات الموصوفة ولا تشيلين شي اثقل من البيبي ولا تسحبين او تجرين شي بعد العمليه وارجعي للرياضه شوي شوي 6 بالنسبه لجرح القيصريه يكفيك تعقمينها بمسحات طبيه وعرضيها للهواء كثير وبتعدي انك تسكرين ع الجرح وتجيه رطوبه وباذن الله راح يلتئم خلال اسبوعين الى 3 اسابيع خارجياً فقط 7اطلبي الدعم من اهلك وزوجك لانك بوضع تجتاجين فيه هالشي جداً وكل وحدة تولد حتى لو طبيعي وان شاء الله الباقين ما يقصرون اذا نسيت شي

العضوة: 1958551 , منذ 3 أسابيع

@user-2091360 الله يسعد قلبك ام حور كفيتي ووفيتي الله يجزاك الجنه ونعيمها ووالديك يارب