مرحبا يا بنات 🌸 حابة آخد رأيكن وتجاربكن لأن عنجد محتارة وتعبانة نفسياً. صار معي إجهاض من 32 يوم تقريباً، وبعد الإجهاض استمر معي نزيف حوالي 14 يوم، وبعدها وقف الدم. من بعد هالفترة، ، وما عدت أعرف إمتى بالضبط صار عندي تبويض. صار جماع بأيام مختلفة من أول الشهر، وكنت حاسة إنو الإباضة يمكن كانت حوالي 7 أو 9 يناير . لكن بتاريخ 14 كانون الثاني فجأة نزل معي دم غريب، مو متل الدورة، كان خفيف جداً، يبين بس وقت المسح، مرة بني، مرة وردي، ومخلط بإفرازات مائية، واستمر هالشي حتا 19 يناير يعني في نفس يوم ينزل افراز ابيض والغد يعود وبعدين وقف. من بعده صرت لاحظ إفرازات بيضا وكريمية، وأحياناً نغزات بالصدر والمبيض، ودوخة خفيفة. عملت تحليل حمل بتاريخ 21 يناير ببول الصبح، وطلع سلبي، ما بان ولا أي خط، بس خط التحكم. سؤالي: هل ممكن أكون عملت التحليل بكير؟ هل في احتمال يكون الحمل لسه ما بان؟ وهل ممكن يكون الدم اللي نزل دم انغراس أو مجرد لخبطة هرمونات بعد الإجهاض؟ أنا رح أنتظر كم يوم وأعيد التحليل بنهاية الشهر إن شاء الله، بس حابة أسمع منكن إذا في وحدة صار معها شي مشابه وطلع الحمل بعدين. دعواتكن 🤍🙏