عاملين ايه بتتخطوا ازاي خيبة الأمل و كسرة النفس لما اللي كنتو بتتمنوه ميتحققش أنا للاسف كنت حامل و ربنا قدر أنه ميكملش و ينزل أنا راضية جدا و حاسة و فاهمة لطف ربنا في القدر ده قد اي و مش معترضة اطلاقا .. بس حاسة بخيبة أمل و حاسة أن نفسي مكسورة أنا اول قيصرية ليا من تلات سنين و كان نفسي اخلف من سنة كدة بس عدم الاستقرار و السفر و جوزي هنا و انا في مصر كان مخلينا مش عارفين نخطط للموضوع خالص .. ولا نرتبله كان كله عدم استقرار لأن كنت بجيله زيارات .. و لما ربنا اكرمني و استقرينا هنا فكرت في الحمل و كانت الصدمة ربنا ما ارادش يكمل عايزة اتخطي .. مش عارفة اثق في جسمي خالص خايفة يتكرر .. بقيت احس ان جسمي هيخوني و هيغدر بيا .. احساس غريب جدا .. مخبيش عليكم أنا برضه قرار الحمل جه من ضغط اللي حواليا أن كلهم حملوا تاني بعد اول طفل و اني اتاخرت .. بس انا بتعافي في وقت أطول من غيري .. جرح القيصرية مكنتش بقدر المسه غير بعد حوالي ٦ شهور من العملية .. ازاي اقدر اعدي ده و افكر من تاني في الحمل بدون خوف و ازاي افكر اصلا أنا فعلا عاوزة الحمل و لا ده بس كان مجرد اني اتاثرت بضغط اللي حواليا عليا ؟ بس انا عارفة اللي جوايا أنا فعلا نفسي احمل ادعولي