بنات مين في اول خمسه اسابيع توقف عندها الوحم ولقت الحمل مختفي او بالاحرى ما تطور لانه من قبل كان في كيس بس فاضي من غير بيبي احس اعراض الحمل عندي اختفت في اول خمسه اسابيع مع انه ما جتني اعراض قويه الحمد لله ولا غثيان قوي ما شاء الله تبارك الله بس غثيان خفيف والم في الصدر مره قوي ولما دخلت في الاسبوع الخامس كملته الالم خف شويه بس اول ما اصحى من النوم وجع كذا خفيف مين صار لها زي كذا وحملها ماشي تمام خايفه يكون تطور الحمل توقف لاني انا اشرب مثبت حمل خايفه لاني لمن رحت قبل خمس ايام ع المستشفى طلبت مني سونار مهبلي قالت لازم ونا رفضت لان بعض البنات يقولون سبب لهم اجهاض. واعطتني موعد بعد 3 ايام تقول لازم سونار مهبلي ونا خايفه ومتوتره. حسحب ع الموعد م احب السونار المهبلي مره خايفه منو 💔 وبنفس الوقت خايفه لمن اسحب على الموعد يكون الحمل غير متطور بس ابغى انتظر كمان اسبوعين وبعدين حشيك بالسونار البطني باذن الله ♥ اش تنصحوني من تجاربكم الله يسعدكم يارب
العضوة: 2327107 , 2 hours ago
حبيبتي اولا البنات الي سببلهم اجهاض السونار المهبلي ماله دخل من الاول حملهم تعبان وكان رب العالمين كاتبله ينتهي وانتهى انا رحت وعملت سونار مهبلي رغم كان ينزل عليه دم بس لا حصل اجهاض ولا شي السونار المهبلي آمن ١٠٠% واسرع واحسن من البطن ثانيا الاعراض مالها علاقة كثير بنات وحامهم خفيف او بدون وحم او يختفي فترة ويرجع جدا طبيعي ماله دخل توكلي على الله وروحي اعملي سونار مهبلي يبين وضع الجنين اوضح من سونار البطن كم نسبة هرمون الحمل عندك؟ لأن اذا اقل من ١٥٠٠ - ٢٠٠٠ ما يبين كيس الحمل حالياالعضوة: 2344746 , 21 minutes ago
ونعم بالله صادقه كل شي بما كتب ربنا الحمدلله على كل حال والله انا اول حمل ليا. عشان كذا خايفه ومدري وقسم بالله خايفه مره من السونار المهبلي 🥺يجي مغص زي مغص الدوره من خفيف الى متوسط مدري طبيعي ولا لا عشان كذا زاد الخوف عندي مع اني اشرب مثبت. زوجة عمي قبل سنتين حصل معاها. انو كانت حامل. وبعدين اعطوها مثبت للحمل. المهم المسكينه تشرب ع الدوا ع اساس كل شي اوك. الصدمه لمن راحت. على شهرين تشيك. طلع. البيبي عندها على مايقولون متحجر مدري كيف اشرحلك ان شاءالله فهمتي عليا يعني الحمل توقف. وعشان ماخرج دم سبحان الله لانها تشرب المثبت