ياجماعه انا رح طق بتمنى حدا يساعدني فيكم . أنا عمري 18 سنه تزوجت من سنتين من ابن خالتي وعندي طفل واحد لما تزوجت كان شرط زوجي اني اسكن بريف كرمال شغلو .ف رضيت اهلي بقيو بالمدينه ونا رحت مع زوجي عريف المدينه نفسا . انا جيت عهل مكان مالي حدا ومابعرف حدا ومحدا موجود معي غير زوجي بعد سنه بدأت اتأقلم بس كتير لاقيت صعوبه . المشكله هي . اني معي فوبيا من لاماكن الضيقه أو لأبواب المقفوله . مرا كنت متخانقه مع زوجي وقلت له اني رح اتركك واخد ابني وروح لأهلي ف قلي هاتي المفتاح يلي معك ورح اقفل الباب عليكي حطو عهل جمله الف خط .. ف لما سمعت هيك لفلفت المشكله وفقشناها بنفس الوقت . مع العلم انو انا ساكنه ببينايه فيها طابق واحد وفوق سطوح ومن تحت في باب للبيانيه . .صار عندي هوس كل يوم بنزل لتحت وبشوف باب البيانيه اذا مقفول أو مفتوح وإذا مردود بفتحو للآخر وكل يوم بس ينزل زوجي عشغل بنزل بعد مايروح بطمن عالباب اذا مقفول أو لا ووقت بجيني تفكير اني انزل شوف الباب بضيق صدري وبصير تنفسي سريع وبتجيني متل نوبه هلع ياجماعه انا رح طق كل يوم بنزل وبطلع شي 10 مرات انا تعبت ومن كتر معم اختنق من هل موضوع صرت عطول متوترة وهلق عم نق عجوزي اني ياانا يا السكنه بهل مكان واني ماعاد اقدر اكمل حياتي هون بعيداً عن أهلي ومالي حدا مع العلم جوزي مابيعرف ولا حدا بيعرف بهل موضوع يلي متعبني حدا يساعدني ..وزوجي دوامه كتير طويل بيطلع ب 10 ما بيرجع للبيت لساعه 11 ونص لمسا 💔