ياصبايا مشان الله حاسي حالي رح طق ماعم اقدر اتحمل ولا استوعب جوزي من النوع يلي يلي بيعجبو بيعملو ولا مابيعجبو مابيعملو من فترة تخانقنا وحط اختي السبب وضليينا شي اسبوعين الوضع مو زابط وحط الحق كلو ع اختي مع انو والله ماعملت شي هي او شي جوزي تركي وانا سورية واهلي مابيعرفو تركي ف هو بترجم الحكي ع كيفو مابعرف من وين بلش اهلي رح يروحو ع سورية بعد فترة واختي رح تضل هون المهم لا بخليني اطلع ولا بخليني فوت وازا اختي بدا تجي بسمع الف كلمة بعد.اخر خناقة اختي معد اجت لعندي وهو صرلو معطل من شغلو شي كم يوم وماعندو شغل وانا طقيت بالبيت كل يوم بدقولو رفقاتو من ١ الضهر لل٧ المسا وانا بجن لحالي بالبيت وقت بيجي بطلب منو انو يحكيني نتساير اي شي غير جو بسحب من تمو الكلام سحب اليوم فقت فطرت وعملت كل شي قلت بلكي بياني ع اختي جوزها بالشغل كمان ولو تشوفو كيف جن علي وماخلاني وماخلى كلمة علي او ع اختي وانا كان فيني عقل وطار بحكيه بالمنيح مابيمشي الحال هالمرة قمت وماخليت طلعت كلشي بقلبي صرت ارجف وانا حامل بالشهر الثامن نفسيتي زفت كل يوم بالبيت نفس الروتين يعني قلت ع القليلة ازا ماعندو شغل اطلع شوي والمسا بياخدني ومارضي وانا والله كل كم شهر بروح مرة ع اختي مع انو بيتها قريب بروح كل اشبوع مرة ع اهلي ولا يقلي ابي عم يقلي مرتك مابتفهم بالاصول كل اسبوع بتروح مرة انا هون جنيت اكتر انو وازا كل اسبوع بنات رح طق لسا في كتير حكي كاعم اعرف كيف بلش فحم قلبي من البكي انا قلت رح يصيبني شي ع قد ما انقهرت احكولي شو اعمل بدو ياني ضل بالبيت شهور وممنوع قلو دايق خلقي او مليت ازا حدا وصل بالقراءة لهون امانة يحكي شي ماعم اقدر وقف بكي ولا عم اعرف اعمل شي جربت كل شي ما فاد