3 years ago
  • المرحلة الأولى ( اول 3 اشهر)
خواتي انا رحت المستشفى اليوم الدكتوره عطتني حبوب تثبيت لانه سابق صارلي اجهاض وهالحمل نزل مني افرازات بنيه خفيفه وقالت بعد ما اكمل 3 شهور لازم خياطة الرحم وفالاسبوع 36 بيبطلون الخياطه منو جربت تخبرني واذا بطلو الخياطه على طول تولد والا بعد انتظر ؟

11 تعليقات

العضوة: 775223 , 3 years ago

طيب ماعطتنك اسبرين كمان لنو عندك اجهاض سابق

العضوة: 1421981 , 3 years ago

اسمها عملية ربط الرحم عملية بسيطه وما تستغرق وقت الي عندهم ولادات مبكره يسونها بسبب ضعف عنق الرحم او قصر العنق او اسباب ثانيه انتي شو السبب الي الدكتوره قالت لك

العضوة: 1421981 , 3 years ago

الولادات المبكر الي تكون في الشهر الرابع وفوق تكون لها هالعمليه اما الإجهاض الي يكون بعمر ثلاث اشهر او اقل ما يسوون له ربط للرحم في حلول غير الربط انتي في اي شهر اجهضتي

العضوة: 1445409 , 3 years ago

@user-775223 عطتني حبوب تثبيت بس

العضوة: 1445409 , 3 years ago

@user-1421981 انا اجهضت الشهر الخامس قالت ضعف الرحم عندي

العضوة: 1421981 , 3 years ago

اذا بالشهر الخامس هاذي ولاده مبكره مش إجهاض اذا عملتي الربط لازم لك مثبتات وراحه وانتبهي من الالتهابات بعد الربط واذا دخلتي بالشهر التاسع راح يفكون الربط بدون بنج والم خفيف اطمني والولاده مو شرط اول ما تفك اربط انا اخر مره كملت الشهر التاسع وولدت

العضوة: 1445409 , 3 years ago

@user-1421981 اشكرج قلبي عالمعلومات الله يطمن قلبج يارب اول ما يسونها بعد البنج بيكون في الم كثير والا ؟

العضوة: 1421981 , 3 years ago

العفو يا قلبي في الم نفس ألم الدوره واحتمال ينزل دم خفيف وماده لزجه حول الاسبوع لا تخافين عقب بيروح كل هذا اول اسبوع بعد الربط حاولي ما تتحركين الا للضروره وبعدين مارسي حياتك على الخفيف وضروري الراحه لان عندك ضعف مو زين الحركه

العضوة: 1421981 , 3 years ago

باي شهر انتي الحين

العضوة: 1421981 , 3 years ago

انا نفسك عندي ضعف في الرحم وبسوي العمليه بعد نص شهر دعواتك لي

العضوة: 1445409 , 3 years ago

@user-1421981 اسفه الحين اقراء كلامج انا اليوم خلصت الاسبوع السابع .. يا عمري الله يخفف عليج وعلينا وعلى كل مسلم ويأجرنا على كل تعب تعبناه 🤲🤲