#رحم_الحرب_بقلم_هلاغرابلي لكي تحضر هذه المسرحية ليس عليك ان تدفع ثمن التذكرة لانها مجانية و ليس عليك ان تكون فقيه بالفن او الادب او ان تكون مثقف لانها تخاطب الجميع ،لا تتسائل عن نوعها فقد تكون هزلية الى حد ما و قد تكون واقعية نوعا ما ،الاهم انك جزء منها و بغير ارادتك. اسلوب القصة جديد يعتمد الاسلوب الدائري المتعدد و المقصود ان من سيقوم برواية القصة شخصيات متعددة ،و ستقذف دفة الرواية من شخصية الى اخرى بسلاسة و بشكل دائري و بدون اي فواصل و هنا ستكمن مهمة القارئ بتحديد هوية الشخص الذي يروي الان . تمنياتي بالقراءة الممتعة ملاحظة :اي استفسار او اي شي ما مفهوم اعملولي منشن لجاوب و القصة بدا شوية تركيز و اتبعت هالاسلوب لنشوف القصة من زوايا مختلفة #الجزء الاول: قعدت على الكرسي و انا حاملة وردة بين ايدي و عم قطفلا اوراقا ورقة ورقة ريتا:بتخلص ...ما بتخلص ....بتخلص ....ما بتخلص ....بتخلص ..بتخلص حسام:بسسسست ريتا :يييي رعبتني حسام :ههههههه شو عم تعملي ،ييه ما حرام عم تنتفيا لهل الوردة ريتا:عم اسالا حسام :ايوا عم تقليلا بحبني ما بحبني و اكيد طلعت بحبك ريتا :لاااا ما حذرت ،انا ما سالتا هيك لانو بعرف و متاكدة انك بتحبني بس كنت عم اسالا من الشي يلي ما متأكدة منو ؟ حسام :و شو هاالشي يلي ما متاكدة منو؟ ريتا:الحرب ،بتخلص ولا ما رح تخلص ؟ حسام:ليش في شي بهالدنيا ما بيخلص بس شكلنا رح نخلص قبلا هههههه ريتا:هههههههه صدقت حسام:كل شي على هالارض فاني ريتا:الا حبي الك،مستحيل يخلص سكت و اطلع فيني حسام:عنجد ريتا،عنجد رح اضلي تحبيني لو شو ما صار ريتا:حسام شو هالسؤال بعد كل هالسنين سوا حسام:انا متقصد اسالك اياه لانو .... ريتا:ايه؟؟؟!! حسام:خلص تأجيلي و ما بقا بقدر اجل اكتر من هيك و رح التحق بالخدمة بعد 15 يوم ريتا:عنجد ؟بهالسرعة ؟ حسام:ايه هاي تخرجت ،ما بقا الي اي عذر ريتا:...... حسام:شبك،ما عجبك الخبر ريتا:لا ابدا ، خايفة عليك كتير حسام :ما تخافي ،الشاب بيطلع رجال من العسكرية ،لتكوني زعلانة على شعراتي ،ما رح تشوفي ولا شعرة على راسي بس اجي شوفك مرة تانية ريتا:بربك ،شو بدي بشعرك ،كيف ما صرت رح ضل بنظري حسام يلي بحبو و ما بشوف احلى منو بس ..... حسام:متلي متل كل هالشباب ريتا:ايه ايه بس ما بهالوضع حسام: يلي الله كاتبلو عمر يعيش يا ريتا ما بتهينو شدة ريتا:ايمت رايح؟ حسام:قلتلك شي 15 يوم انشالله بلتحق ،قيمينا من هالسيرة هلأ و قومي بدي طعميكي بوظة ريتا:ما الي نفس حسام:طيب انا باكل و انت وقفي تفرجي علي قمنا انا و حسام و طلعنا من الحديقة انا و شاردة و عقلي ما معي ،اشترى كورنيه ايس كريم و اجا لعندي ،صار يمد لسانو ويجاكرني حسام:دوقيه دوقيه ريتا:ما رايقتلك حسام:بكرا بتصيري بتغنيلي عسكوري يا عسكوري هههههه ريتا:هلا من كل عقلك شاري واحد الك بس حسام:لا الي و الك ،شراكة ريتا:لا بدي واحد الي حسام:بعرفك مفجوعة ،قلت بعقلي اكيد ما رح تقبل بعدين انت على اساس ما الك نفس ريتا:و لهلا ما الي نفس بس قلت بجاملك حسام:لا حياتي الكورنيه صار حقو 300ليرة اذا ما على بالك ما تجامليني انا ما بزعل ريتا:ما ابخلك ولو ،(بعصبية)روح جبلي يلا واحد و هلأ كمان حسام:حاضر حاضر مولاتي ريتا:اوف يا ،عنجد انتو ما بتنعطو عين كنت حابسة ضحكتي وقت طقت جملتي بدانو و برم ضهرو حسام:شو هو ؟ ريتا:هههههههههه ولاشي ولاشي روح تابع طريقك ،هات الكورنيه تبعك امسكلك اياه لبين ما ترجع حسام:خدي،ما ارجع شوفك اكلتيه ريتا:ما بضمنلك ،انا ما في شي عندي مضمون اطلع فيني نظرة غريبة ما قدرت افهم معناها حسام:هاي الجملة الها ابعاد ريتا:طب امشي و بلا فلسفتك كلنا الايس كريم و قضينا كل النهار سوا و رجعت على البيت ،اول ما فتت شفت اختي ثريا عم تشتغل عاللابتوب ريتا:مسالخير ثريا:مسالنور ،وينك لهلأ؟،ما شايفة اديش االساعة ،اكام مرة قلتلك ما تتأخري برا بهالوضع ريتا:ما في شي بخوف ثريا:كنت مع حسام ؟ ريتا:ايه ثريا:انا ماقلتلك بتقطعي علاقتك فيه لانو ما من مستوانا ريتا :ما من مستوانا !!!ليش نحن شو كان مستوانا ،لو ما تزوجك الدكتور رامي ،شو كان مستوانا ثريا:ريتا... ريتا:ليش بتحبي تسميلي بدني كل ما بتشوفيني راجعة مبسوطة ثريا:لو ابوكي و امك عايشين لهلأ ما كانو قبلو فيه ما كرمال المستوى بس و لانو هو من غير دينا ريتا:نحن الاتنين مسلمين ثريا:بس هو و اهلو ما من توبنا و عاداتنا غير عاداتن ريتا:تعرفت علين ،كتير مناح و حبابين و مرحبين فيني بيناتن ثريا:فالج ما تعالج ،طيب رح امشي معك ،ايمت بدو يجي يخطبك ؟ ريتا:ليزبط وضعو ثريا:و ايمت بزبط وضعو ؟ ريتا :هلأ بدو يروح على العسكرية ثريا:ايه ؟ ما تقليلي ليتسرح بيجي يخطبك ريتا :لا ايمت ما بدي بيجي يخطبني ،و بعدين هيدا حال كل الشباب هلأ و الاهم من كل هالشي اني انا بحبو لهل الشاب و هو وقف جنبي بظروف كتيرة ثريا:ما عاد في شي اسمو حب هالايام ،بدك دوري على مصلحتك ريتا:يلي عملتيه انت ما تفرضي علي انا اعملو كمان ،رح اخد الشخص يلي بحبو احسن ما عيش مع واحد تاني و قلبي و عقلي مع حدا تاني ثريا:....... ريتا :ثريا ....انا بعتذر ...... اطلعت فيني و غصت و التهت باللابتوب ريتا :.....وينو زوجك ؟ ثريا:....رح يطول شوي ليرجع ،عندو شوية شغل بالمشفى و مجد نايم ريتا:امممم معناها انا فايتة على غرفتي غير تيابي ثريا:كيفا جامعتك؟ ريتا:منيحة منيحة ثريا:ريتا شدي حالك ما بدي تحملي مواد هالسنة ريتا:انشالله فاتت ريتا على غرفتا و انا اخدت اللابتوب و فتت على غرفتي ،رفعت الحرام عن التخت و قعدت فيه انا و عم اتصفح على الانترنت و بعدين شردت بكلام ريتا ، و نسيت الوقت و حالي انا و عم اتذكر ذكريات كتيرة ،لوقت سمعت صوت حركة من فوق،فكرت قطة ،رجعت ركزت بالشاشة بس رجع الصوت مرة تانية و اقوى من قبل ،و انا بعرف انو فوقي سطوح ،فتحت الباب و كإنو شي عم يقلي اطلعي و الحقي مصدر الصوت ،اطلعت لفوق ،فتحت باب السطح وفتت انا و عم اطلع شمال و يمين حتى شفت منظر جمدني بأرضي ،شفت هيئة رجال واقف على حافة السطح،كان واقف و واثق من حالو و ما خايف ابدا و لا حتى عم يطلع لتحت ثريا:مين انت ،اذا بتريد انزل احسن ما توقع ........عم تقولي لواحد بدو يزت حالو و يخلص من هالعيشة ،انزل احسن ما توقع ،اي انا طالع لاوقع