السلام عليكم لو سمحتوا بدي مساعدتكن انا ولدت وعمر بنتي شهر و١٧ يوم خلال فترة الاربعين بنتي كانت ترضع من صدر واحد مرة ربع ساعة وتنام نومة متواصلة تقريبا ساعتين ثلاثة بس لاحظت بعد الاربعين بنتي ترضع الصدرين بأغلب المرات مو دائما واحس انو ما تشبع نومها صار قليل ساعة أو ساعة ونص بالكثير وتفيق وتتطلب رضاعة دخلتها حليب صناعي رضعة وحدة بالليل الدكتور حكالي ادخلها لو رضعة حتى تشبع وما ينقص وزنها ومرات ماتكفيها رضعة وحدة بعطيها رضعتين وانا حابة اعتمد أكثر على الرضاعة الطبيعية وخصوصا انو بنتي معها رخاوة بالحنجرة ولازم مناعتها وجسمها يقوى حتى تتحسن حنجرتها وتقسى وترتاح انا توفت امي بعد ساعتين من ولادتي لبنتي من وقت وفاة أمي الله يرحمها نفسيتي سيئة وأكلي سيء وشهيتي للاكل سيئة وحتى نومي قل لانو بنتي ما بطول بالنوم كل ساعة ساعة ونص بدها ترضع بدي نصائحكن لزيادة ادرار الحليب هل في أدوية أو اكلات لزيادة ادرار الحليب وهل في أدوية وفيتامينات للمرضعة تفتح الشهية وتساعد بادرار الحليب عم اشرب يوميا حلبة وشمر ويانسون بس عم حس معد عطاني نتيجة متل لمن كنت بالاربعين حكولي عن حبوب الحلبة بالصيدلية حدا مجربها بالسعودية واستفاد عليها تنصحوني جيبها واذا تعرفوا فيتامينات منيحة للمرضع بالسعودية حتى جيبها المهم تفتح الشهية وتزيد الحليب وبدي دعواتكن ربي يصبرني على فراق والدتي واني اكون ام منيحة لبنتي وما اقصر بحقها وسامحوني اني حكيت كثير بس حاسة حالي لحالي وخصوصا انا بعيدة عن كل أهلي