منذ شهر
  • مرحلة مابعد الولادة
هلا بنات بسولف لكم .. انا ولدت من شهر تقريبا ونفست في بيتي سويت استقبال وكلمت اهل زوجي يجون واهلي طبعا لحد يسالني عن ( امك وابوك ) لانهم منفصلين وماعرف شي عنهم كل احد ف بلد .. عندي ٣ عمات وجدتي بالعدة جدي متوفي الله يرحمه ومكمل ٣ شهور عماتي قالو مانقدر نجي مالنا خلق نكشخ ونوقف حرفيا كذا قالوا بالحرف الواحد هل طبيعي ؟ تفشلت قدام اهل زوجي سالوني وين عماتك وانا لحالي بدون اهل بالاستقبال مره حزت بخاطري قررت اعذرهم وقلت بيني وبين نفسي انهم يمكن لسا زعلانين على وفاة جدي لكن بعد ٣ ايام من استقبالي عرفت انه مسووين عزيمة كبيره في بيت جدتي وعازمين كل احد طبعا قررت بعد هذا انه بما انهم ما فكروا يتجملون معي عند اهل زوجي ويوقفون لي ف انا ماعاد اجامل ابد ولا اوقف لهم بشي وسحبت نفسي تماما من كل شي.. هل موقفي صح ولا غلط ؟ مع العلم اني تربيت عند جدتي بالبيت وانا يشوفوني غير عن كل الاحفاد المفروض لاني تربيت عندهم بالبيت ف عشان كذا انا مره حاز بخاطري

5 تعليقات

العضوة: 1325679 , منذ شهر

عديها على خير ياقلبي و اذا رحتي بيت جدتك رحتي عشانها مو عشانهم و الي م يجملك لا تجمليه☺️👍🏻👍🏻.الناس تنعرف في المواقف الصعبه و انتي احتجتي اهل قدامك و م حصلتي الله يعوضك و يغنيك عنهم بس جدتك لا تخليها

العضوة: 1744127 , منذ شهر

اعذريهم يمكن فعلاً ماكان لهم خاطر يقابلون احد خصوصاً الاستقبال وناس بعيد عنهم يعني لازم يكشخون وكذا ، عموماً بشكل عام لاتكلفين نفسك فوقق طاقتها مع الجميع سوي اللي يرضيك بدوون مايتعبك او تضغطين ع نفسك

العضوة: 283807 , منذ شهر

من حقك تاخذين موقف وش كان بيضرهم لو زاروك و جلسوا كم ساعة بس ! لكن جدتك لا تقاطعينها و هم حسسيهم انك ماخذه بخاطرك عليهم

العضوة: 1564697 , منذ شهر

ياقلبي انتبهي يدخل بليس بينكم ادري انك ماخذه بخاطرك بس بالاخير هم اهلك . تذكري مواقفهم زينه راح تنسين انهم ماحضرو الاستقبال ..ترى الموضوع جد عادي اهم شي اهتمي بصحتك فتاميناتك والبيبي ربي يغنيك عن الناس 🤍🤍

العضوة: 1760731 , منذ 4 أسابيع

لو هم ما جاملوك انتي جامليهم عشان جدتك ولا تنسين صله الرحم وربي لك اجرر عظيم إذا هم ما قدروك انتي قدريهم لانه صله الرحم واجبه اتركي لك عمل خير للاخره انتي ادعي وادعي لا تتركي الدعاء والله جنبك إذا اهل مش جنبك الله يوفقك ياارب