السلام عليكم خواتاتي، إن شاء الله تكوني بخير ، شكون لي زيدت سيزاغيان تقولي وينتا نرجعو نورمال وينتا نريحو، انا راني في شهر تعذبت ،بنتي ترضع صدري غي لاصقة فيه مبغاتش تبعد ،و انا ظهري قتلني ، و الفشلة و الدقديق و الليل مترقدش يا ربي قدرنا شكون زيدت سيزاغيان تنصحني في سبيل الله
الله يفرحكم
العضوة: 1558069 , منذ 7 أشهر
لازملك بعد 6شهور بأه ترجعي نورمال وغذي روحك مليح وتهلاي في روحك مديريش ف جاست باش متوجعكش بلاسة سيزاغيان وخلي سليب ديما طالع فوق الجرح انا رح نولد سيزاغيان بعد 4شهور ادعولي ربي يطلعني على خيرالعضوة: 1844883 , منذ 7 أشهر
أختى أنا درت زوج سيزريان في الاولى حكمني سطر قاري حوالي الشهر بيه وزيد عليها كنت مانكلش مليح نقصت بزاف وحكمني بزاف التعب مي بعد ٣ اشهر ال الشهر الرابع بديت نريح لازم تفكري بلي فترة وراح تجوز باش تريحي لخطرش لكان تقعدي في التعب تاعك راح يزيد عليك الحال وزيد أنا ماكنتش نرضع من صدري كنت بالقرعة تسمى انت راكي اكثر مني في التعب اشربي المغنسيوم وروحي عند الطبيب ممكن يعطيك ليزاناليز لخطرش ممكن انك عند فقر الدم ليجي ما بعد الولادة