زممان ماكتبت منشور .. طمنوني كيفكم مع الحمل جميعاً !! رحت موعد لي امس الاربعاء ف مستشفى حكومي طبعاً بالعاده اروح خاص و لكن اكلونا اكلل ، قلت اخذ موعد من مستوصفي و اروح حكومي بما انو دخلت ف شهري عشان الولاده و فعلا رحت و سويت موعد و كان امس المهم انو دخلت و سألتني اسئله متى و كم حمل و الخ ،.. اللي جنن مخي تقولي البيبي صغير و هيا تضغط ف بطني و كشفت عليا سونار عادي قالت لازم تفصيلي حابه اعرف اكثر الوزن و المقاسات و الخ .. و ع طول دخلوني و صلحت السونار قالت وزنه 2 كيلو و 100 تقريباً و قليل المفروض اكتر !! و غير كدا انتي متأكده من دورتك قلت اقرب شي قالت لي البيبي نفس التاريخ بس برضو صغير و متى كان موعد الولاده ف اول سونار قلت 5/11 قالت جيبي معاكي اول سونار سويتيه ف 6 اسابيع و بعطيك موعد مع استشاريه هيا تشوفك افضل ، و عطتني كمان ورقه قالت لي احسب فيها حركات البيبي من اول م اصحى لحد م انام لازم تكون 10 حركات ف 12 ساعه ، و لو نزل مويا او جاكي طلق ع طول تجي طواريء .. حركات البيبي احسها كويسه يعني مو بطاله بيتحرك تمام بس اقلقتني و صرت احسها قليله غير كذا خربطت لي الحساب ع الدوره انا دحين ف اول يوم ف 36 و بحساب السونار لمن كشفت تقولي وزنه يعطي اصغر ب ثلاث اسابيع و دكتورتي ف الخاص مره سويت سونار قالت اصغر ب اسبوعين بس عادي احنا نمشي ع الدوره ،. و اختكم احتارت يابنات و ذلحين كيف الطريقه ؟ < مقطع التيكتوك 🤣> المهم امشي ع كلام مين ! ايش رايكم انتو افيدوني ! 🥹💗..