انا بنتي عمرها سنه و10 شهور لسا صغيره وماتفهم وماتتكلم لسا بس الحمدلله يعني طبيعيه مافيها شي بس اذا حطيتها بسريرها ونامت وصحت وانا لسا نايمه تجلس تلعب مع نفسها وتصرخ وتضحك بصوت عالي ومرات تقول غاغي او بابا وتوقف شوي وترجع واحياناً تهز نفسها وتضحك نفس الشي ومرات تصحى تبكي توها من فتره بسيطه بدت تسوي هالحركات والحين لما قريت يقولون علامة توحد !!! خايفه طمنوني
تعديل:-
شكراً لكل اللي ردوا كان ودي تطمنوني بس زدتوني هم وحسستوني مقصره مع بنتي مع انها اول بيبي واحبها اكثر من كل شي بالدنيا ونفسيتي تعبانه هالفتره جداً وبمنطقه بعيده عن اهلي عشان كذا مشتته وجيت اسأل واتطمن بس شكراً لكم 🤍.
العضوة: 1309403 , منذ 3 سنوات
شوفي اذا بنتك تتواصل معاك واجتماعيه مافيها توحد ولا شئ الاطفال الى عندهم توحد يرفضوا التواصل مع الاخرين ولدي دوبه كمل السنتين صحيح ما يفهم بعض الاشياء ويضحك ويصرخ ويلعب بالعابه ويجلس يتكلم بس الامور طبيعيه اذا بنتك تقعد على التلفاز او الجوال اقطعي عنها لانه يشتت الاطفال واللهالعضوة: 584693 , منذ 3 سنوات
@user-1309403 ايه الحمدلله مع انها للحين ماتمشي بس توقف ولازم احد يسندها وديتها الدكتور قلي سليمه بس تخاف والتلفزيون احطلها والله وبطلت فتره ورجعه ابوها يقلي حرام تطفش لحالها بالمحبس والمشكله لما اطلعها منها الله يهديها شقيه ماتجلس تروح للتلفزيون وتخرب الدنيا ف اضطر ارجعها واحطلها العاب جنبهاالعضوة: 1309403 , منذ 3 سنوات
عمر سنه وعشر شهور المفروض تمشي لكن شكلك م تحاولي معاها والله انا كنت مثلك اشغل لولدي التلفزيون ويقعد بالساعات علشان ارتاح في نهايه شفت الى اصغر منه يتكلموا ويفهموا وقتها صحصحت وبنتي م عمرها قعدت على التلفزيون وعمرها سنه وتفهم اكثر من اخوها وتحاول تتكلم وتسوي كل شئ اقول لها علشان كذا اقول لك التلفزيون يخرب الاطفال وياخر نمو العقلي عندهمالعضوة: 584693 , منذ 3 سنوات
@user-438252 انا قريت انه الطبيعي الى سنتين !! تمشي اذا مسكت يدها وتوقف على الاشياء وتمشي عليها بس لحالها تخاف وتجلس واذا حاولنا فيها كم مره ترفض ترفع رجولها وتجلس ماتحرك عشان نيأس 🥲😂💔!العضوة: 584693 , منذ 3 سنوات
@user-1309403 والله حاولت انا وابوها بكل الطرق بس مره تخاف وتجلس ع طول اذا فكيت يدي وتلفزيون ماشغل لها كثير زي ماذكرت فوق وقطعته عنها فتره طويله بس للاسف الاب مدلعها يقولي حرام ومدري وش بس من الحين بحذف القنوات عشان ييأس نهائي 🥹العضوة: 584693 , منذ 3 سنوات
@user-438252 اي والله كل ماقلت لاحد ودي تمشي قالي ليش مستعجله ع الشقى ودي انها تشقيني دام كذا المهم تصير زي اللي بعمرها واصغر منها مشوا من سنه وبعضهم 9 شهور وهي اكبرهم للحين وعلى موضوع اوريها احس لسا ماتفهم حتى لو وريتها مقاطع !!العضوة: 584693 , منذ 3 سنوات
@user-438252 اي طبيعيه صح انها متأخره بس طبيعيه تعرفني وتعرف ابوها حتى بيتنا تعرفه مثلاً الصاله تكرها لما تشوفها لاني اخليها فيها كثير ولما افتح الباب تفرح وتحسب بنطلع اول تحسبني بوديها المجلس يعني تفرح كثير واذا قلت يلا ترفع يدها وتجي معاي صح ماتتكلم كلام واضح بس تقول ماما وبابا لكن احس ماتعنيها بالحرف يعني تقولها كذا بس ماتقصدها فهمتي ؟ وتقول كلمات ثانيه غير مفهومه غاغي ومدري وش بس في اشياء كثير طبيعيه ولاحظت لما كنت اشغلها تلفزيون كثير كانت منسجمه واذا عطيتها لعبه واخذتها عادي ماتفرق بس الحين قطعته شوي وصرت اذا عطيتها شوي واخدته تبكي وتعصب تبغاه عكس قبل مادري هذا شي ايجابي ولا سلبي بس صارت اي شي اخده تصيح وتبغاه وتضرب احياناً بيدها ماتقصد لكن من البكي والحركه ان شاءالله فهمتي قصدي وحتى الاكل ماتاكل اي شي بس حليب اذا عطيتها شي ماعجبها ترمي الملعقه او تدف يدي وتقفل فمها بس تحب الشوكلاته ولا اذا شافتني اكل شيبس تصيح تبغى قلت ماشاءالله ع هذا الطفله زي امها من الحين خرابيط مافي اكل صحي😭😂العضوة: 584693 , منذ 3 سنوات
@user-438252 وبعد اذا ناديتها بنبره حلوه وهاديه تسكت ويعجبها بس اذا نافخت عليها او قلت اسمها بصوت عالي تصيح وتدري انها غلطت ف شي وعشان اسكتها لازم اقولها اسفه امزح وبكذا تسكت وتهدا🥹😂🤍🤍العضوة: 584693 , منذ 3 سنوات
@user-438252 المشكله انا اعصب بسرعه واتنرفز عكس ابوها ماشاءالله باله طويل معاها حتى لما يعصب عليها لو بس شوي تصييح لانها ماتعودت يصرخ عليها عكسي انا احياناً تبلد 😭😂بس لما اجي امشيها ترفع رجولها وتربعها بحيث تصير بعيده عن الارص فهمتي ؟ او تجلس بالغصب وماتقوم حاولت اعطيها شي يعجبها عشان تشجع لكن ماشاءالله تنزل من الوقفه وتجي تحبي ركض قلت هذي ردة فعل عكسيه 😂🫠وهي لما كان عمرها سنه مشت خطوتين وكانت تطيح ومن بعدها صارت تخاف وولد خالي نفس الشي مشى وبعدها طاح وصار يخاف بس هو للحين اصغر منها ف يمديه يتعدل ان شاءاللهالعضوة: 1150259 , منذ 3 سنوات
اشتري مشايه لها تعلمها المشي وحلوا يكون فيها العابالعضوة: 584693 , منذ 3 سنوات
@user-1150259 اشتريت وخلتها جالسه اكثر تلعب بالالعاب انشغلت ومشكلتها خفيفه لما تمسكها تطيح فيهاالعضوة: 554695 , منذ 3 سنوات
ليش تحبسينها ؟؟؟ الطفل يخرب ويكسر وبتعلم ! اما طرل الوقت محبس و تلفزيون ! حرام عليك شقاعد تسوين ؟ ومو طبيعي سنه و 10 شهور م تمشي خرجيها امنعي التلفزيون شجعيها ومشيها وانسي شي اسمه محبس نهائياً خديها معاك كل مكان خليها تخرب عليك وتلحق اللي بسنها ولا تقعدين عمرك كلو ف ندم !العضوة: 554695 , منذ 3 سنوات
اقريلها قصص كلميها سولفي عليها خليها لصيقتك ولله اتكلم من حب وحرقه انتبهي انتبهي انتبهيالعضوة: 554695 , منذ 3 سنوات
اما بالنسبه للضحك و السوالف لحالها اول م تصحى عادي طبيعي❤️العضوة: 584693 , منذ 3 سنوات
@user-554695 ليش تحسسيني اني مجرمه وكأني حابستها 24 ساعه ترا بنتي شقيه والله ودي تقعد بحضني وتلعب معي بس اسم الله عليها حركيه بزياادهه مره صرت اشك عندها فرط حركه ماتخليني امسكها ولا تجلس بمكان لازم تروح لكل شي خطر عشان كذا اضطر احطها بالمحبس ولا اكيد اطلعها والعبها شوي مو طول الوقت بالمحبس ياليتها تقعد بحضني والله ودي احكي لها وكل شي بس الله يهديها ويصلحها يارب