حبيت افيدكم بما ان لاحظت كثير يستفسرون ع طريقة عمل خلطة الخوا جوا اللي تنحط ع جرح خياطه منطقة العجان٠٠
طريقتها سهله مررره ...بس نحتاج زيت زيتون ع حسب الكميه اللي نحتاجها ...ونجيب من العطار حاجه اسمها ((خوا جوا )) ...
نبدأ بسم الله🙄✌
بالنسبه للخوا جوا ....توني مجهزتها لي قبل شوي استعداد للولاده باقي بس استناها تبرد واحطها بالعلبه
المهم ندخل بالموضوع🙇♀️❤
طريقتها ....تاخذين علبه زيت زيتون او نص علبه((حسب الكميه اللي تبينها)) وتحمينها ع النار وبعدها فتتي الخوا جوا عليها ..وخليهم يغلوون ع نار هاديه لين يصير اللون احمر(( ماتطول مررة يادوب من خمس لعشر دقايق ))
وبعدها انتظريها لين تبرد ..وحطيها بعلبه عصير بلاستيك او علبة مويه ..وخلي العلبه بالحمام
واذا دخلتي الحمام عزك الله...وغيرتي الكوتكس صبي شوي من العلبه بدون تسخين على الكوتكس ..او ادهني المنطقه بشاش احسن من القطن عشان ماينشب لك بالخيوط
ومعها استمري على مرهم ميبو مع مرهم ((مضاد فيوسيدين ،،عليه صورة اسد )).. واذا تبين تتنقعين بماي وملح بس مو دايم عشان ما ينشف المنطقه وتشد وتعورك او تنقعي افضل بمغطس فيه بيتادين مخفف بمويه ..وخليك مستمره كذا لين تطيح الخيوط ..بعدها ممكن تتنقعين بالمره
وبس....
اتمنى اذا استفدتوا من هالطريقة تتركون تعليق تحت❣😘
العضوة: 633665 , منذ 4 سنوات
..عادي اسويها من اللحين باقي شهر ع موعد ولادتي بإذن الله؟ ..واستخدم الخواجو كل يوم الى ان تطيح الخيوط؟ ..والبيتادين كل يوم اتنقع فيه الى ان تطيح الخيوط؟العضوة: 633665 , منذ 4 سنوات
لازم من كريم المضاد؟العضوة: 581731 , منذ 4 سنوات
لا بدري من الحين...سويها ببداية التاسع وخليها بالثلاجه لين تولدين ..بعدها خليها بدورة المياه اي استخدميها كل يوم لين تطيح الخيوط.. البيتادين حلو مطهر من البكيتريا وكثير قالو يريحهم من الالم ..ويعقم الجرح لانه معقم وممكن قبل النوم تتشطفين فيه يوميا او تتنقعي فيه بمغطس بعدها تنشفين المنطقه كويس وتستخدمين ع راسك اصبعك شوي من الميبو مخلوط مع الفيوسيدين ابو اسد.. بس ممكن تستمرين لمدة اسبوع او اسبوعين ((واستشيري الصيدلي افضل))لان الجروح مو زي بعض ..بعضهم غرزة او غرزتين وبسرعه تطيب وبعضهم خياطه داخليه وكبيرهالعضوة: 581731 , منذ 4 سنوات
طبعا افضل لك عشان ما تلتهب خياطتك وتسبب لك الم ..بس مو كريم اسمه مرهم فيه فررق مرهم فيوسيدين عليه صورة اسد ابحثي عنه وخذي فكره وترا فيه انواع ...اطلبي الدكتورة تكتبه لك او اطلبي من الصيدلي قولي مرهم فيوسيدين لخياطة الولاده الطبيعيهالعضوة: 610161 , منذ 4 سنوات
ممكن اعرف فائدتها ؟ والمره اللي ذكرتيها بالأخير تقصدين منقوع المره العادي يعني مويا ومره للتشطيف الخارجي او في لها طريقة ثانيهالعضوة: 581731 , منذ 4 سنوات
تخلي الجرح يلتئم .. ممتازة للجروح والحروق يعني تنفع للخياطه بإذن الله ..بس وقت تكون الخيوط فيه بعد ماتطيح الخيوط تبدين بمنقوع المره وتتوضين فيه عادي او تتنقعين والمويه والملح برضو بعد ما تطيح خيوطك لان المره والملح تنشف المنطقه وتشدها وتفك الخيوط بدون ما تلم الجرح ويلتئم فالمفروض بعد ماتطيح الخيوط تستخدمين مغطس المره والملح اما محلول البيتادين حلو يعقم وينظف المنطقه من البكيترياالعضوة: 638558 , منذ 4 سنوات
رفعالعضوة: 164584 , منذ 4 سنوات
جزاك الله خيراالعضوة: 733919 , منذ 4 سنوات
ابشركم ولدت ولله الحمد ، عقبالكم يارب يفرحكم ، بس بسالكم انا بكرية ، فتره النفاس كيف تكون ايش الاشياء اللي اسويها و اللي اتجنبها ، و انواع الاكل والاعشاب افيدونا بخبراتكم اللي لها تجرررربه من قبل ، الله يسعدكم يارب 🥰🤱🏻العضوة: 610161 , منذ 4 سنوات
@user-733919 حطي موضوع منفرد خاص فيك بيفيدوكِ اكثر وبيشوفه عدد اكبر من الامهات انا بكرية مثلك وحابه استفيد او كنت بفيدك وألف الحمدلله ع سلامتك ومبروك ماجاكم❤❤العضوة: 81876 , منذ 4 سنوات
@user-733919 أنا الان نفاس ولادتي الثانيه طريقتي سويت الخوا جوا الي قالتها الأخت وأساسيه عندنا المهم سويت تمره معجونه مع حلبه اتقهوى عليها لمدة ١٠ ايام فطور الساعه ٣ الفجر عريكة او الي تحبين اهم شيء يكون دقيق يمسك البطن من الجوع الساعه ٨ او ٩ اصحى اتقهوى وافطر فطور عادي واحيانا كراث وجرجير مع خبز والساعة ١٢ الغداء مرقوق وسلطه بدون إضافات. فترة الظهر عاد تبغين تنامين ع راحتك العصر مصابيب او محلى او خلية مع القهوة والمغرب اخذي لك شاهي اعشاب او شاهي كمون ويانسون طبعًا شاهي الكمون ضروري الاسبوع الأول لانك بتتعبين من الغازات والعشاء الساعة ٩ ع حسب خبزة جنوبيه مع مرق اللحم والخضار او خبز مسح مع كشنة الطمام واهم شيء خلطة الخوا جوا عشان ماتشمين وتتعب خياطتكالعضوة: 581731 , منذ 3 سنوات
رفعالعضوة: 581731 , منذ سنتين
رفعالعضوة: 581731 , منذ سنتين
رفعالعضوة: 588203 , منذ سنتين
الحين مافهمت احط الخواجوا والميبو والمرهم مع بعض مره وحده عادي ؟