مين حصل لها تجربة مشابهة ، وبإيش تنصحوني ؟ في حملي الأول ما جاني طلق ، وعملت لي الدكتورة تحريض في الاسبوع ٤١ وما تغير شيء، ثم بعد التحريض بـ٣ أيام دخلت المستشفى واعطوني طلق صناعي لأن حجم البيبي كبير ولا يبون ننتظر زيادة، وولدت بعد ٢٦ ساعة من الطلق لأن عنق الرحم ما توسع بسرعة. والحين حملي الثاني ، بالاسبوع ٤٠ بدون أي طلق ، بكره موعدي عند الدكتورة، حسب كلامها راح أعمل سونار وعلى حسب وزن البيبي راح نقرر اذا ننتظر زيادة او نحولها ولادة، لأن شكل وزنه كبير. كان ودي أولد بطلق طبيعي يقولون أنه أخف من الصناعي بكثير. بس الحمدلله خيرة سؤالي ، اذا قالت لي الدكتورة بكره نعمل تحريض أوافق وانتظر الطلق الطبيعي؟ ولا أرفض ونحدد يوم اجي اخذ فيه الطلق الصناعي مثل المرة الأولى ؟ اللي جربوا الاثنين ايش رأيهم ؟ هل فعلا الطلق الطبيعي بطيء وممكن تطول الولادة ؟ ودي اتفادى القيصرية قد ما اقدر ويمكن رحمي يحتاج طلق حامي زي الصناعي عشان يفتح ، ايش رأيكم ؟ واللي عملوا تحريض ، ولدوا بعده بكم ؟