انا بدى معي الامساك من الشهر الخامس لما صرف لي الدكتور الحديد وحاولت بكل الطرق اني اتفادى الامساك اولها غيرت حبوب الحديد لحبوب فيرومين ممتازه ماتسبب امساك اذااخذتيها عند النوم وتراي استشرت الدكتور فيها تركت الخبز والسكريات والكافيين الشاي والقهوه حتى فيتاميناتي تركتها وهذا غلط بدى جسمي يعورني زي الانفلونزا لكن عشت عالمويه الحاره عالريق وجربت زيت الزيتون عالريق وعند النوم والبرتقال عالريق يعني ماخليت شي ماجربته كانت المشكله في الاخراج وانتم بكرامه كأنه مافيه فتحه او ان الشرج متشنج جربت اقعد بمويه دافيه ومافادني ولا كان يمشي بطني الا( بتحاميل الجلسرين) وكنت خايفه اعتمد عليها عشان لايجيني كسل امعاء كنت اخذها مره بالاسبوع وباقي الايام اتصبر بالفازلين واموت مااقدر اخرج شي مره تضبط ومره لا لين صرت اخذها يوم ورى يوم و قلت بعدين اعالج نفسي لاني خفت من الولادة المبكره من الزحير والدفع وانا الان دخلت الثامن غير ان بواسيري إلتهبت والحوض واعصاب الرجول والورك صارت توجعني يوم وصلت اخذ التحميله كل يوم هنا خفت صدق اني اعتمد عليها فرجعت لعلاج عطتني اياه دكتورتي اول ماشكيت لها اسمه (حبيبات اجيولاكس) وكانت تقول حطي منه ملعقه صغيره على ملعقتين كبار زبادي وكوليه عند النوم كنت اخذه كذا بس مايفيدني انا اكلي صحي بس سبحان الله الامساك فقط في اول الفتحه بعدين يمشي وكل يوم على هالحال لين ربي ييسر لي طريقه وفرج وان شالله انه حل دائم لين اولد اول شي اخذت التحميله ثم بعد نص ساعه بدى مفعولها ومشى بطني ونمت بعدها ثم بدأت يومي بكاسة قهوه سوداء ثم اخذت الحبيبات مع الزبادي ثم شربت كاسه كبيره مويه حاره ثم انتظرت نص ساعه وافطرت ثم بعد ساعتين مشيت قد مااقدر اقل شي ١٠ دقايق وياربي لك الحمد مشى بطني اول يوم دخلت الحمام اكثر من مره وثاني يوم مرتين بدون مااحط التحميله مره ثانيه وان شالله مايرجع لي الامساك وعذابه انااول ماشفت فرج ربي حبيت افيد اللي زيي وتعبانين مثلي لانه شي ماتتمنينه ولا لعدوك غير انه سبب لي ازمه وضيقة صدر وصداع مايخف غير النفسيه وقل الحركه والاكل والحمدلله اولا واخرا على تياسيره ولاتنسون الدعاء والصدقه بهالامور