انا يا حلوين حملت توأم طبيعي كنت بكريه و كان حملي ماشاءلله انا والاطفال مافينا الا العافيه حملي كان ١٠٠٪؜ ممتاز وكل شي كان تمام ما كانت عندي اي مشاكل الا انو الوحم تعبني من نص الشهر الثاني الى نهاية الرابع وما كنت اكل وحصل معاي جفاف فكنت اتنوم كل اسبوعين ٣ او ٤ ايام عشان الجفاف لين حمدلله دخلت الخامس اموري رجعت من احسن ما يكون وكنت حاسه اني اخف من الريشه في يوم وليله سبحان الله ومن غير ما اعرف جاني طلق فجاه وانا ف الاسبوع ٢٥ و على ما وصلت قالوللي ولادة مبكره واحد من الاطفال ف الرحم قيدو المهم انو ما مرت ٣ ساعات الا ولدتهم طبيعي و اتوفو بعدها واحد اول يوم بعد الولاده بكم ساعه والثاني بعد يومين حصلت لهم مضاعفات بعد الولاده المهم الحمدلله و بعدها ب ٥ شهور حملت و من الاسبوع السادس و الثامن والتاسع كنت اسوي سونار موجود كيس الحمل بس مافي جنين وبعدين نوموني وقالولي انو بنعطيكي حبوب عشان ينزل الكيس و اذا احتاج نسوي تنضيف لكن حمدلله ما احتجت لا الحبوب ولا التنضيف اجهضت من نفسي ونزل كل شي الحمدلله و ودحين بعد ٦ شهور حملت و لسى من كم يوم عرفت اني حامل يعني ببداية حملي حتى لسى ما رحت سويت سونار ولا حاجه اللي حابه اساله ( اللي مرو بتجربة الولاده المبكره والاجهاض ايش سوو عشان يكون حملهم سليم ادري انو كلو بارادة ربنا وقضاء وقدر ) بس حابه اعرف التجارب وطولت عليكم سامحوني