العضوة: 298405 , 7 years ago

كملييي

العضوة: 346966 , 7 years ago

ههههههه ياريتك سلفتي انا سلفتي الكبيرة قليلة عقل وبحسها مريضة عملتلي مشاكل خير الله من اول نهار تزوجت فيه وكرهت بيت حماي فيني والكل يعني العيلة كلن معاديني وبتعملي مشاكل دائما وبس تجتمع مع بيت حماي بتعمل القط بياكل عشاها وراحت تخرب بيتي الله وكيلك بس رب العالمين كبير حتى انا كنت حابة اطلق من وراها واخلص من العي تبع بيت الاحمى بس لما صار عندي ولاد وقفتا عند حدا وقلتلها تعي لهون بدك تسبيني رح سبك ازا حابة تقاتلي بقتلك وبخلص منك وشرشحتا وطلعت من خرجا الله وكيلك من وقتا ماعاد قربت صوبي ولو انو لحد الآن عم تستغيبني بس انا بقول دايرة كتافي والله الكافي وان شاء الله مابضيع حق مظلوم

العضوة: 258022 , 7 years ago

رفع

العضوة: 328948 , 7 years ago

رفع

العضوة: 157056 , 7 years ago

@user-346966 لك قصه هي 😜

العضوة: 157056 , 7 years ago

@user-275160 وينك

العضوة: 157056 , 7 years ago

@user-246474 وينك

العضوة: 157056 , 7 years ago

زياراتي بطلت شوف خيال وحده منن… اتصل عليهن ما يردو و عطول مشغولين اطلع لعند سمية (( سلفتي)) لاقيهن كل الوقت على هالتليفونات يتسايرو و يتضحكو قلت يا بنت اخزي الشيطان…انتي فهمانه غلط قلت ما الي الا روح زياره لعند وردة بتكون بنت حماي الكبيرة طيبه كتيررر و ما بتعرف تخبي شي يعني الي بدو يفضح حالو يحط سرو عند هالمخلوقه ايه لو هي عامله عمله بتقر على حالها عملتلها تبولة و يبرئ و هيلطيه و لفيتهن و قلت لجوزي يجي ياخدني بعد ال 9 و تركت عندو الاولاد و تيسرت..

العضوة: 157056 , 7 years ago

دقيت هالباب و فتحلي جوزها استقبلي خير استقبال ليش الكزب قلي ثواني خبر ورده… و فات هالرجال خمس دقائق… 10 ربع ساعه ايه والله خجلت لحالي.. بعدين طلعت لعندي و كانت ناشفه شوي قعدنا و صارت هالمخلوقه تبكييي و تنوح جوزي بيضرني ولادي ما بنفعو لشي علينا ديون انا رح اتطلق ما عنا شي ناكلو و انا ابكي و نوح معا.. فات جوزها و شافنا عم نبكي عم تبكي و ارتعب صار يقلنا لك شووو في حدا صرلو شي شبكنننن انا من جدبتي و البي الطيب صرت قلو الله يصلحك الله يسامحك بدك تطلئ ام ولادك.. لك كل العالم بتحلف براسك ليش ليش بتضربا لك ليش ما قلتلنا عندك ديون والله منقصر معك ما شفتا غير جمدت بارصها و صارت تضحك و جوزا مصدوم قالتلو يوووووه كنا نمزح تئبرني مافي شي و الله انا انشلشت شو هالحكي قلتلها ورده هلا كنتي تقليلي جوزي بيضرني ولادي ما بنفعو لشي علينا ديون انا رح اتطلق ما عنا شي ناكلو /مال الشام/ يتبع

العضوة: 264524 , 7 years ago

@user-157056 حكاياتك روعة كملي 👍😊

العضوة: 157056 , 7 years ago

عنا شي ناكلو /مال الشام/ قالتلي ام ايهم هلا بفهمك خلص اسكتي و لفلفت السيرة و طلعت جوزا و رجعت لعندي ام ايهم: لك شو في وردة: اختي والله هالحكي كلو كزب و انا و جوزي متل السمنه و العسل ام ايهم: لك لكن ليش هيك قلتيلي؟؟؟؟ ورده: بصراحه؟ ام ايهم: لك اي نشفتي البي شو السيرة وردة:سمية ام ايهم: شبها سمية؟ ورده: يعني والله خجلانه منك ام ايهم: لك لعيتي قلبي قولي ورده: هي سمية قالت انو عينك بتخوف… قال انكسرت رجل جوزا ووقع من ع السلم و احترقت تنورتها وقت زرتبها و قلتبلا انو حلوه و حبلت و طرحت بس قلتيلا شو حبلتي بسرعه و قال كانت تقلك عن تجارة اخوها و تاني نهار اخوها نصبو عليه و فلس و كمان كل ما تنزلك طبخه و تعجبك ما بتعود تزبط معا مره تانيه… يعني والله نحنا خفنا كتيو لا تواخذينا بتعرفي انك غاليه بس العين حق… روحي اكتبي حجاب عند شيخ مشان ما تعودي تطرئي حدا عين يتبـــع

العضوة: 346966 , 7 years ago

لا انا حقيقة هههههههه

العضوة: 157056 , 7 years ago

@user-346966 ههههههه ياعمري الله يعينك ع هـ سلفه عنجد. السلفاات مكيودات 😝😂😂

العضوة: 346966 , 7 years ago

ايه والله صح يعني القصة يلي عم تحكيها والله العظيم قبل مااتزوج كنت اسمع هيك قصص من ناس بعرفن وبصير معن هيك بس برافو كملي تسليت هههههههه

العضوة: 157056 , 7 years ago

روحي اكتبي حجاب عند شيخ مشان ما تعودي تطرئي حدا عين ام ايهم: لك العين تطرئك انتي وياها هلا انا بطرئ عيييين!! يبلاها بئتلها هالسحليه الشرنه اول شي جوزا طلع ع السلم و هو مكسور و التلو يا سلفي لا تطلع و ما رد ووقع انا شو ذنبي و هي لابسه تنورة شيفون و انا جاملتلا وقلتلا حلوه و هي نسيت المكوايه عليا و احترقت هالظالمه و ايمت حبلت عالكزابه؟؟ ما حبلت و لاشي اصلا رحت معا ع الدكتورة و قالتلها انو بدها علاج لتحبل.. /مال الشام/ فعلا انها قليلة زوق بس بسيطة محدا رح يربيها غيري وردة: صلي عالنبي لك اختي صغيرررة صغيرة ما بتنلام ام ايهم: هلا هي صغيرة الله لا يكبرا بعدين انتو ما بتعرفوني عيني مليانه و بسمي بالله دايما كيف سدئتوها… الي عمر معكن لو اني حسوده ما كان حسيتو علي الله يسامحكن عتبي عليكن انتو و طلعت من عندا و انا شياطين الدنيه عم تنط قدام عيوني فتت عالبيت و جوزي استغرب رجعتي بسرعه و ضل يسالني شبني اخر شي فرطت بكي و قلتلو كل شي قام صار يضحك و يقلي انتو النسوان ما بتبطلو هالفصول قلتلو والله ازا ما باخود حئي ما بقعدلك بهل بيت