ماعرفت وين اكتب واحكي قصتي بدون لاحدا يعرفني لقيت هون انسب مكان
انا عايشة مع اهلي اهلي اجو لعندي من سنتين بسبب سفر بابا واخوي بقيو امي واختي الكبيرة عمرها ٣٠ مو متزوجة لوحدهم وجوزي قال بيجو بتمو معنا لوقت الله يجمع شملهم ويسافرو عند بابا واخوي
جوزي كتير منيح معهم حتى لما نتزاعل انا واهلي بقلي بتقومي بتراضي امك ممنوع تزعل ببيتنا منك وعطول اختي شو بتحب بجبلها وشو ماوصته هنن عندهم بيتهم بس بيقعدو عنا مشان مايتمو وحدهم وبسافرو لبيتهم بين وقت والتاني بيتهم بعيد عن بيتي سفر ١٦ ساعة
من فترة سافرت ماما وحدها وتركت اختي معنا كل يوم اختي بعد شغلها تروح مع رفقاتها وترجع ١٠ بالليل واوقات بعد وطبعا وثقة مع رفقاتها البنات بس مع هيك جوزي انزعج وكل يوم مشاكل معه ع انو صبية شو مخليها لليل وحدها برى هو كمان عرفان مع رفقاتها البنات بس برأيو غلط وانو هيي عندنا امانة طبعا رجعت امي من شهرين ومرات تقعد تحكي ع التلفون ع درج البناية كمان زعجه قلي عيب هالقعدة حكيت معها صارت تقلي شو دخله فيني واهلي موجودين ومينو هو ومن هالحكي قلتله مادخلنا عندها اهلها هلأ ماما رح تسافر فحكيت معها قلتلها يا بتقعد اختي معنا وبتحترم قوانين بيتنا ومابصير تتأخر يا بتسافر معك صار تصيح فيني ومينكم انتو و خ.. عليكم وع قوانين بيتكم وانا ماحدا بيحكي ع بنتي وهلأ بجيب جوزك بشحطه من لسانه وبحطه تحت صرمايتي عم يحكي ع عرض بنتي وشرفها هالوسخ العر.. وصارت تحكي حكي مابينحكى قلتلها بدل لاتقولي يعطيه العافية مهتم فينا وبسمعتنا و داير باله عليكم واستقبلكم قالت منيته ع حاله نحنا اللي عم نصرف بهالبيت وماحدا الو ع صرمايتنا منية ونحنا عيلتنا عيلة مو متل عيلته النشح ويتمرجل عليكي اللي مفكر حاله زلمة مو ع اختك وعلي ونحنا من بكرى مسافرين واختي قالتلها لامي بتقوليلها ممنوع يدوسو بيتي و عم يطبقو غراضهم مسافرين من الصبح وانا حاسة رح موت من القهر والكسرة قدام جوزي بالدرجة الاولى هو بالغرفة التانية وسمع كل الحكي بس ساوا حاله ماسمعان شي انا بعرف هو مابده يغلط ع اهلي ولايطلعو من عنا زعلانين انو برأيه بنت واهلها بيتصالحو بس اذا غلطت عليه مستحيل يتصلح شي لهيك عامل حاله ماسامع شي بس انا حاسة بكسرة وقهرة وغضب جواتي نار من حكيهم انا ماقصدت اختي فلتانة ولاهو بس تصرفاتها غلط هاد كلشي حكيناه جنت امي علينا واختي بضهرها وحلفت امي تتبرا مني وماعاد تحكي معي بحياتها وانا حتى مو طالع مني صالحها كبرانة علي بعد حكيها ع جوزي لاني بعرف ادي حبهم واحترمهم وادي وقف معهم ومقررة اتركهم يروحو بس حاسة قلبي رح يوقف من القهر
العضوة: 1906591 , منذ 7 ساعات
ليش تنقهري ياروحي ..وهم معاهم بيت يروحو بيتهم ..المفروض مايجو عندش من البدايه غير زياره بس ..ومايكونو ثقيلين على زوجك ..وكثر الله خير زوجك انه استقبلهم بعضهم يرفضو قعدت الاهل عند بنتهم...واختك هي جالسه عندكم المفروض تحترم نفسها وتحافظ على سمعه البيت حتى لوكان في ثقه فيهاالعضوة: 1152083 , منذ 7 ساعات
ياروحي الله يريح قلبك ويهدي امك ماشوف تصرف زوجك غلط بس امك يمكن حست انكم تتحكمو ف اختك او تفرضو رائيكم عليها وحاولي تهدي امك واتنازلي لانها تضل امك فهميها بهدوء انه فهمتني غلط وماكنت اقصد نفس تفكيرك واعتذري لها حتى لو انتي مو غلطانه تضل امك وخليها تتسير لاتصري عليها تبقى بالنهايه انتي وزوجك لكن خصوصيتكم مارح ترتاحو بوجود اهله او اهلكالعضوة: 1312341 , منذ 6 ساعات
حكيتي يلي بقلبي ❤️العضوة: 1312341 , منذ 6 ساعات
لا تزعلي ولا تحطي بالك هن غلطو بحقك وبحق بيتك وزوجك وعيب لصهر الو احترام ومتلو متل الابن وهو احترمهم وماقصر معهم وقام بواجبهم ع اكمل وجه عيب امك تحكي عليه هالحكي لاني هاد صهر وحامي عرض ومتل ابنها وحقو يحكي هيك من باب الحرص عليها مو لانو بيتكلم ع عرضهاالعضوة: 1748115 , منذ 6 ساعات
الظروف خلتنا تحت هالوضع وزوجي هلأ لما واجهته انه سمع الحكي قلي الحق عليكي مالازم شو ماصار تنهي الحديث وامك زعلانة منك بتبقى امك وانا بخجل من ابوكي يطلعو من بيتنا مكسورين الخاطر وبده مني اعتذر منهم حتى هو راح للصالون لما يفكرو زعلان منهم قام انتبرو فيه وطلعو من الصالون ع تاني غرفة وخبطو الباب وراهم فوقها ماعاد الي عين احكي معه حتىالعضوة: 1312341 , منذ 6 ساعات
والله زوجك انسان محترم ماشاء الله عليه وصاحب واجب والله عيب عليهم هالتصرفاتالعضوة: 1690343 , منذ 6 ساعات
وربي زوجك رائع الله يحفظه لك ويحميه 🤍 حتى لو تكلم على اختك حقه هي ساكنه ببيته وسمعتها من سمعتك انتي وهوه واطفالك لو احد جاب طاريها بيقول اخت فلانه الي هي انتي ما اعرف كيف ممكن تحلين الموضوع لكن الاكيد انه مفروض ما يسكنون معاكم دائماً اهلك واهله زيارات بس حتى لو بين بيتك وبيتهم ساعات طويله ما قصر تحمل سنين غيره والله ما يتحمل يوم امك للاسف غلطانه واختك جالسه تحشي راسها اكثر و اكثر لو تسامحتي منهم حاليا للاسف راح تزود اختك حركاتها اكثر كانها مراهقه تعاند بس ونفس الشي امكالعضوة: 1827996 , منذ 6 ساعات
روحو جيبو عشا مرتب وحلويات واقعدى وكلمتين حلوات منكم يبطلو يسافرو وفهموهم انو من حرصكم وانوجوزك حاسبها مقام اختوالعضوة: 1748115 , منذ 5 ساعات
والله زوجي بحبهم جدا وبيحترمهم انا خجلانة فيهم وبتصرفاتهم خايفة حتى يجي يوم و يعايرني باهلي واللي ساووه اهله بغير دولة مستحيل يجو لعنا يعني انا ماشفت حتى من اهله غلط لحتى بيوم قول متل ما اهله اهلي بشوف اهله كيف بدللوه وبيهتمو فينا عطول حتى لما نحنا نقصر بتمو يرضو علينا ويدللو ولادي وبشوف اهلي كيف عطول عندهم سخط ع كلشي منسويه ومو عاجبينهم وبشوفو زوجي دون المستوى لان مادياته ع قدها وولادي لما يزعلو مني بياخدو موقف منهم ومابعودو يقربو عليهم مع انهم توأم عمرهم سنة يعني مو فاهمين شي ماقدرانة اتخطى ولا سامح زوجي عم يسعى يراضيهم ومايطلعو حتى قام ساوا قهوة وصحلهم اجت بس امي شربتها بس انا ماحسنانة اعتذر ولا سامح حتى امي وخايفة من غضبها بس قهري ع ظلمهم لجوزي كتير حازز بنفسي بحياتي ما اتوقعت اسمع هيك حكي من امي ماقادرة سامحهاالعضوة: 1225395 , منذ 5 ساعات
معليش امك تضل امك تسامحي منها ربي يحفظها لك ولا تخلي زعل يبعدك عن امك الام غاليه ومحد يحس بغلاتها الا من فقدها نصيحه مني مهما صار من امك لا تزعلي منها ولا تزاعلينها روحي لأمك حتي لو هي غلطانه بسم الله عليها لو صار لها شي لا سمح الله راح تندمي على كل شي وتجلس الحصره بقلبكالعضوة: 1864626 , منذ 5 ساعات
دقي على ابوكي وفهيمه كل شيء واتركيها تسافر ولاتراضيها ذحينه لانها محشيه من اختك انتو ماقصرتوا معهم وواجب عليكم تنتبهوا للبنت بدل ماتشكركم على الاهتمام حاليا لاتراضيها ماراح ترضى اتركيها كم شهر وبعدها سوي اللي عليكي من يم الله وربي يصلح حالك وحال اختك ويهدي أمك ويهدي كل ضالالعضوة: 1748115 , منذ 5 ساعات
شكرا ع نصايحكم الحلوة صبايا الله يصلح الحال ويهدي الامور وتخلص ع خير كتير ريحتوني وان شاء الله لبكرى تكون انصلحت الامور ويصير كلشي احسن يارب بشكركم من كل قلبي ع كل كلمة وكل نصيحةالعضوة: 1886905 , منذ 5 ساعات
طولي بالك وانشالله الأمور بتتصلح.امك اكيد رح تراجع حالها مع الايام وتعرف قيمتك وقيمة زوجك .وانت ماغلطتي ولا حتى زوجك غلط بس صار سوء تفاهم.هلا امك معصبة لهيك ماعم تقدر تقيم القصة بس راقت وهدت رح تروق من ناحيتك .العضوة: 1890136 , منذ 3 ساعات
شكلو امك فكرت انتي وافقة مع زوجك ضد أختك وفهمت الموضوع غلط فهميها انتي واعتذري وخلص وهي اكيد مو قصدها بالحكي الي حكتو ياما نسمع حكي من الام والأب طننننشي لان دائما يصيرو حساسين من النسيب والزوجة الي بتاكلها بتنحط بالنص بين زوجها واهلها 😅 خاصا بعد ما يكبرو بالعمر اسألي مجرب هههه وهمي اكيد رح يطلعو بعد الي صار بس مش حلوة بطلعو زعلانين من عندك امك وأختك صلة رحم بالنهايةالعضوة: 1748115 , منذ ساعة
والله امي بحياتها مستحيل تشوف هيي غلطت هاد شي اكيدة منه واختي وراها وراها رح تتم لتخرب كلشي بينا اكتر