مسا الخير ماميز حابة افضفض شوي .. يمكن هرمونات الحمل صعبة والواحد حابب يفرغ مشاعر الحمد لله على عطايا ربنا ودائما ربنا عنده حكمة وبعطي كل انسان على حسب قدرته .. الي صار معي انه اول حمل الي كان قبل 7 سنوات، بعدها صار مشاكل بيني وبين زوجي وشلت فكرت حمل ثاني من راسي .. قبل سنتين حسيت بلشت الامور تستقر بينا وبلشنا بمحاولات الانجاب لأكثر من سنة كانت محاولاتنا تفشل، كنت اعمل فحوصات اموري تمام آخر اشي طلع عند زوجي مشكلة وهي بتمنع الحمل، انا تقبلت الموضوع وسبحان الله رجعت المشاكل بينا وانا حكيت لعله خير وانا عنجد بدي اشيل فكرة طفل تاني من بالي وحتى حكيت لزوجي قلتله انا خلص مش حابة بحمل ثاني، وبيني وبين نفسي زوجي عنده مشكلة بتمنع الانجاب، وما بصير حمل طبيعي الا هيك من ربنا وبقدرته، بس زوجي ما شال موضوع الحمل انا كنت عاملة عزل لانه عندي حساسية من الواقي واللوب وما باخد ادوية منع حمل (لعدة اسباب)، بس بالشهر الي صار فيه حمل زوجي ما احترم رغبتي وما صار عزل بهديك اللحظة مع كل تخوفاتي بس كنت احكي اكيد ما حيصير حمل، لانه في مشكلة .. بتفاجىء اني بطلع حامل، ومع اني خلال الشهر كنت افكر بالطلاق, ومع الوحام والتعب وضغط الاهل وملامة الاهل انه ليش صار حمل، من جوا تعبت بزيادة وكرهت هالموضوع وانا حاليا كثير خايفة وخايفة من المستقبل، والمشاكل مش عم تنتهي وانا نفسيتي اصعب واصعب .. بدي عبارات دعم واتطمنوني وبدي استفيد من تجارب غيري .. والي مروا بتجارب شبيهة