مدري من فين ابدا حرفيا انا صارت تجيني ضيقه وحزن وبكي لي سنتين ونص على نفس الحال ما تغير اي شي وبعد وفاة امي اللع يرحمها كانت صدمة للعايله كلها وزادت عصبيتي والبكي بزيادة وخصوصا مع زوجي صار يومي ما يمر الا وانا متهاوشه معه وكل تفكيري تغيرت صرت قليل اكون معه رايقه يعني وش زيني معه قبل وفجاه ومني تغير اسلوبي كل شي معه صرت مو انا شخصيتي الاولى اللي كانت تضحك ولا شي يقدر يخرب يوم كله كنت سعيده والان حرفيا تعيسه فجاه يتغير مزاجي وما صرت افرح بالشي زي قبل حتى الطلعات ما صرت احبها تجيني ضيقه لطلعت ع طول خاطري ارجع للبيت عندي ثلاث اطفال الاول ٤ سنين ونص والثاني باقي كم اسبوع وتكمل سنه والثالث جديد له ٢٨ يوم لان طبعا حملت بعد ال٤٠ بشهر وكانت غلطتي وثقت بالمانع الطبيعي وما اخذت احتياطي لانو ما كنت اهتم واكلتها ومن غير كمان قبل ولادتي بشهر طحت من فايروس جلس معي اسبوعين طايحه بالفراش ومن غير تعب اطفالي منه قبل ومن غير الزايده على حملي وبشهر الثامن وسويتها وتعبت تعب مو طبيعي وبعدها ولادتي ولدت وارتحت لاكن لساتها الضيقه والحزن فيني على حالي ومن الاشخاص اللي حولي صرت مو انا اللي قبل انسانه ثانيه حاولت اخفف من العصبيه والهوشه على نفسي ومع زوجي ابد كل مالها تزيد مع انه للامانه ما كان يتكلم ولا كان يزيدني ويتهاوش معي يسكت او يهدي فيني وما بيقصر وجايب برضو عامله بالشهر وكمان انتظر عاملتي الاساسيه بس تاخرت وللامانه على قد حاله سوا اللي يفدر عليه عشاني بس كيف اقولكم اشوفه قدامي خلاص ع طول اتهاوش معه تعبت حرفياً لو غيره والله سحب ولا تمشكل معي وترك وراح 🥲 ما ادري هو صدمة الحمل وتعب الحمل والوحام وراء هو اللي سبب لي هالحاله اللي مو راضيه تطلع مني ولا قدرت اكون سعيدة ما صرت اعيش اللحظات مهما كانت سعيدة وقتي اساسا كله قبل يروح على الصغار ما يمدي اسافر بو قريب ما يمدي اخرج لو شوي يعني كل شي صعب الان وحقيقي احتاج اتنفس وارفه عن نفسي بس نا اقدر نفاس واخذو كمان زكمه من اهلي لما زاروني وبس قلت افضفض باللي اقدر واللحين وربي حالسه اصيح ع الوضع اللي انا فيه من حفره لحفره مو قادره اطلع منها ابد وبزيادة كاره هالحمل الثالث اللي فجاه وما حسبت الف حساب له وب اخذ كل احتياطي بالايام الجايه ولو بكيفي اسافر برا وما برجع الا بعد شهرين بس الحمدالله ع كل حال🥲 اعذروني طولت احد مر بعالفترة وطلعت منها حزنت على حالي