العضوة: 1114249 , 2 years ago

@user-1788335 اهلا واش راكي واش مع الكريشة بخير انا مريضة تعبت خلاص شحال راكي دورك

العضوة: 1788335 , 2 years ago

اهلا عيدك مبارك كيراكي وولادك كيراهم كي عيدتو أنا بالمرات كي نخدم الشغل بزاف ننغبن وكي نكون مرتاحة نمرض الشهر لي فات ماتت مرت خالي فوتنا 15 يوم فالموت وراكي عارفة التعب مرضت وضهري وجعني ومبعد صبت روحي والسمانة هذي سلفتي زيدت معاينا فالدار فات علينا تعب كبييير راني مفتتة ونتي كيفاش من واش مريضة ربي يقدرك يارب ويتمملك بالخير يادرا أكدتي مع الجنس أنا رحت عندي بالاك 10 أيام ملي رحت وأكدتلي بلي بنت وكل شي قاتلي راه بخير الحمد لله يامس دخلت الشهر السادس

العضوة: 1788335 , 2 years ago

@user-1114249 وينك

العضوة: 1114249 , 2 years ago

@user-1788335 اهلين حبيبتي ينعاد عليك بلخير ربي يرحمها الف مبروك حبيبتي تسلكي بخير وتقر عينك بيها انا ثاني عندي 12 يوم ملي روحت قاتلي بيبيشة هههه المشكل الجرح تخبط فيه بعد برجليها وجعني وزادت عليا رجلي منقدرش نوقف انا ثاني دخلت الامس السادس قاتلي 4 اكتوبر سيزريان اذا كنتي مريضة واذا شفتك لباس 12 اكتوبر

العضوة: 1788335 , 2 years ago

ياعمري ماشاء الله ربي يجيبها بخير شفتي كي بدات تكبر ةلات تضغطلك على للسيزاريان 😢 نتي ثاني حاولي على روحك واستحفظي ماترفديشالثقيل على الجرح وعلى رجليك ربي يقدرك ويقدرنا ويفرحنا بشوفتهم قدامنا يارب مادام سيزاريان تقدملك موعد الولادة نورمال ان شاء الله منا لذلك الوقت يكون كل شي بخير وكي تجي ساعتهم يتولدو🥰

العضوة: 1114249 , 2 years ago

@user-1788335 امين حبيبتي ربي يحفظك وانتي وقتاش تزيدي نشاء الله نتي تولدي طبيعي

العضوة: 1788335 , 2 years ago

آمين يارب التطبيق راه مادلي 16 أكتوبر الولادة واه زياداتي في زوج طبيعي ان شاء الله هاذ الخطرة ثاني يكون طبيعي🤲

العضوة: 1114249 , 2 years ago

@user-1788335 ايه الحمد الله ربي يسلكك علي خير يارب كشما وجدتي الاسم البنوتة

العضوة: 1788335 , 2 years ago

آمين ولك بالمثل مابقاشبزاف ونولدو بخير يارب والله مازال قالي أنا نسمي ومازال ماقتارحش عليا الأسناء أبار فالأول قالي اسم مياسين بصح كي بحثنا على معناه ماعجبنيش وأنا قتله جوري ماعجبهش هههههه

العضوة: 1114249 , 2 years ago

@user-1788335 ايه مبقاش نشاء الله انا ثاني بغيت جوري ولا مليسا راجلي محبش بغا سبأ الرحمان .انا معجبنيش

العضوة: 1788335 , 2 years ago

واش معناه سبأ الرحمن🤔 سبأ نورمالمو قبيلة فاليمن والملكة تاعها بلقيس بصح واش علاقة الرحمن بسبأ ؟ نقدرو نقولو هبة الرحمن ولا آية الرحمن بصح سبأ الرحمن ماعندهاش علاقة حسب رأيي قوليله يخمم مليح والله حتى أنا احترت فالاسم شانسمي هههههه سلفتي عندها قريب 15 يوم ملي زيدت تصدقي ماكانوش مقررين على الاسم اختارو بزاااف وتلفتلهم حتى كي زادت سقسيتها قتلها شاسميتي قعدت تضحك قاتلي راني نستنى فيه يجي ويقرر هههههه وفالأخير سموها رغد هاذ الاسم ماكانش مامبا ضمن الاختيارات تاعهم سبحان الله آخر لحظة اسم جا

العضوة: 1114249 , 2 years ago

@user-1788335 شتي صح كل وحدة واش كتبلها ربي تتسما انا همسة كان كونتر علي الاسم هذا قالي مستحيل نتقبلو هو بغا عليا منبعد مكتوب تسمات همسة جات الفرملية هههه تكتب في الاسامي قتلها همسة ههههه قبل ميجي هو😅😅 الحق شتيت ميليسا منعرف المهم يقبل جوري ولا ميليسا

العضوة: 1114249 , 2 years ago

@user-306435 ارواحي طمنيني عليك زيدتي

العضوة: 1788335 , 1 year ago

والله ذوك دخلت كتبتلك فالخاص وقلت ندخل نكتبلها هنا لقيتك مخليتلي ميساج ألف مبروك ليك تتربى في عزكم نورمالمو راكي زيدتي 😍 كي سميتي الأمورة أنا كان الإحتمال بين ليان أو جوري وفالأخير سميناها ليان🥰 راه عندها ذوك شهر و17 يوم زيدت فالأسبوع 37 بسيف لحقتها مالأسبوع 35 وأنا فالسبيطار الكول مفتوح والحمد لله لحقت وقتها وزيدت ونتي احكيلي😍

العضوة: 1912169 , 1 year ago

اذا غذاء صحي فهاذا مفيد ليك وللجنين اما اذا ريجيم قاسي راح تنظري بزاف