شامة جزء الاول بس يا امي اسكتي… هس يا حبيبتي… يا امي اسكتي يا روحي  يا ربي دخيلك البنت رح تروح من بين ايدي السخونه ما عم تنزل  ياااارب ما الي غيرك يارب…. يارب  و فجأة سمعت سهام صوت باب البيت… ركضت سكرت الباب ع بناتها الخمسه و قالتلهن يا امي كرمال خاطري لا تتحركو من هوووون  و رجعت شالت بنتها الرضيعه الي حرارتها ما عم تنزل و رح تفرط من البكي…  عابد: جهزتي البنت؟  سهام: ليك ازا بتموت ما رح اعطيك بنتي ولك انت شووو شيطاااان؟  هجم عليها عابد و سحب البنت من بين ايديها و ضربها برجلو  توجعت سهام كتيرررر و وقعت عالارض و صارت تبكي  سهام: عابد لا تعملها… لا تعملها ببوس ايدك  عابد: بالله؟ و من وين بدي طعمي بناتك المدفوسين جوا؟  سهام: لك هي بنتك من لحمك و دمك… بلكي شغلوها بنت ليل  بلكي عزبوها  لك يمكن يقتلوها  عابد: انتي عقلك عقدك ما رح يطلع معك غير هيك.. انا رح اعطيها لرائد قلي في عيلة مرتبه ما بيجيهن ولاد و رح يشترو البنت  سهام: الله لا يوفقك يا حقيرررر…. الله لا يوفقك  عابد: انا رايح اعطيه البنت و راجع… نيمي هالثرود و زبطيلي سهرة ظريفه… يخرب بيتك من لما شفتك ما شفت الا الفقر  طلع و قفل الباب.. ركضو بناتها عليها و صارو يسالوها وين اخد اختنا وين اخد اختناااا  ماما قومي… قوومي شو صرلك  جلست سهام حالها و حطت ضهرها على الحيط…  غمضت عيونهاااا و شدت بناتها لحضنهاااا  سهام: يمكن لو ضلت بحضني كانت ماتت بين ايدي… ما رح يلحقو يبيعوها لحدا… رح تموت قبل ما توصل لايدهن  يااااارب تلهمني الصبر يارب….  عابد ع باب البيت اعطى البنت لرائد..  رائد: لك هالبنت متل القمر  عابد: لكن شو مفكر… معطيك بضاعه نظيفه انا  رائد: الخانوم رح يطير عقلها بالبنت  عابد: ما بهم يطير ولا لا… اصلا ماعندها عقل مين بدفع هالمبلغ ليشتري شقفة بنت ههههه  رائد: هي شقفة البنت الي مو عاجبتك رح تعيش بنعيم لا انت و لا كل اهلك بيحلمو في باحلامهم!! ..  ---------------------------------------------------  في عام 2010… بعد مرور20 سنة على الحادثه…  شامة: ماما بدي السيارة الحمرا هي  ام شامة: سيد تحسين اعتمدنا السيارة الحمرا  تحسين: امرك يا خانوم… اسبوع و منبعتلكن ياها تكرم عينكن  شامة: شووو اسبوووع؟ … بس انا عندي طلعة مع رفئاتي و بدي السيارة اقصى حد بكرا تكون عندي  تحسين: شامة خانوم هي السيارة من برا يعني في اوراق لازم نخلصهن قبل ما تطلع من الوكالة  ام شامة: خلص بنتي في ست سيارات بالفيلا خدي اي وحده منهن  شامة: عنجد انكن ناس فاشلين…. هلا بروح على وكالة تانيه و مناخد شي احسن من هالسيارة المأنشحة الي بدها اسبوع  ام شامة: لك بنتي عيب الرجال بعمر ابوكي احترمي  شامة: مو ليكون هو محترم بالاول؟  في شب كان جاي بالوكالة و سمع الحديث…  استفزو كتير غرور و عجرفة شامة و زعل عالبياع تحسين كيف خاف و خجل انو بنت قد بناتو عم تبهدلو  و قرر يتدخل… يتبع. ..