قصة #عروس_من_بغداد
من كتابات زهراء العراقية
1
قبل ما ابدي بالقصة احب انوه انها لا تمثل محافظة باكمل وانما تمثل اشخاص ،، القصة حقيقة لكن اكرر لا تمثل محافظة بأكمل وانما اشخاص وتحية طيبة الى اهالي ذي قار ...
گاعدة بغرفتي او بالاصح غرفة امي بالليل وغرفتنا احنه البنات بالنهار !!!
وافكر اشلون اخلص من هاي المصيبة والدي مصر براسي يريد يكبر بيته ... ما كفاه دمرني اخر سنتين من الكلية مخلي عليه ابنه عواد يحرسني لا بعد يريد يزوجني ابن اخوه والله العظيم ان صار الامر جدي الا انتحر واجيب العار الهم ..تكدرخاطري من اذكرت اخر رساله من رافد كال الي اذا ما صرت نصيبة ينتحر .. ضحكت بداخلي اشو ازوج وعاش حياته ..واني الي ضليت عايشة بدوامه احاول انساه بس مكدر لا وبعد مرته وياي بنفس الجامعة اووف جانت ايام صعبة من اشوفها تداوم وهو يوصلها
كنت اتمنى لو بابا ما رفضة وقبل وصرت اني من نصيبة شاب متخرج جان كان من نفس القسم بس هو اكبر مني بسنتين صار بينا تعارف من گعدنا يمه اني والكروب مالتي حتى يلخص النا مادة كان شاب خلوق وصاحب نخوة بيه كل الصفات الي احلم بيها مدري هي اخلاقه خلتني اشوف كل صفاته اني اريدها واحبها ..
كذا لقاء جماعي حسيت نفسي اميل اله الا ان تطورت علاقتنا و صرت احبه من تخرج گبل اجه تقدم الي هو ابن ناس كلها واصله بالدراسة وعنده محل تلفونات اصلا هو كان يشتغل ويدرس وحالته متوسطة ما تصورت ينرفض
العضوة: 378864 , منذ 5 سنوات
والسبب ان ابوية ما يريد ينطي مرة لأهل بغداد يگول عمامكم اولى بيكم ! تخلف بتخلف بعدين اكتشفت ان عمي الي بالريف هو الي دا يمول ابوية افلوس بيتنا الجديد .. احنه گاعدين ببيت أجار ضيق مابيه بس غرفة نوم وحده واستقبال و هول ومطبخ وممر ضيق يفصل بين المطبخ والهول .. واحنه كبرنا اخواني اكبر مني اثنين ولد و خواتي ثلاثه اصغر مني بالمتوسطه والاعدادية وعندي اخ اخير عمرة 10 سنوات يعني 7 اولاد عده بهذا البيت الضيق من اكول لأمي اشعدج خلفتينا لعد تخزرني ما تقبل ...هي ودوم تشكي من قلة المال و العيشة المحتسرة وبنفس الوقت تخلف ... المهم من ضل رافد يتقدم الي رغم الرفض وبعد ما اهلي عرفوا هو خريج جديد من نفس كليتي ربطوا الموضوع وبابا شبعني كتل كانه عرف بينا علاقه حب ... بأحد لحظات ضعفي اعترفت لأمي واه من امي راحت گالت لابوية واكدت اله شكوكه اني على علاقه مع واحد ..رغم علاقتنا مكانت غير رسائل بالتلفون بسيطه بغزل عذري ومحترم . و هو صاني لحد ما تقدم الي .. لكن اهلي عنفوني بذيج الفترة . الحمدلله اخواني ما عرفوا سبب كتل بابا والا الاخوان ما تنسى وراح اشبع كتل منهم عاد بابا من فات وكت على السالفه رجعني اداوم مع حراسه اخوتي ... وكملت والبارحه كان حفل تخرجي وبقى بس امتحن واني دمعتي بعيني ...لأن بابا كان ينتظرني اكمل واصلا هو عارضني على ابن اخوه سافطني سفط فد كرهت نفسي وكرهت عائلتي والله والا الوم اعتزاز من عيرتني مرة .. اذكر من جنت بالإعدادية .. اني ما اكول ابد اصولنا من الناصرية وجدي شيخ وعمي الجبير وارثها منه ابد ما اگول اني بت عشاير من ذي قار ...اصلا بابا من اسنين صار خلاف ويه والده قوي من غير ذكر أسباب لأن احسها شي صعب ينذكر المهم جدي طرد والدي واجه بابا اهنا اتهجول بالمدينة ... عمي الجبير من غير مايدري ابوه ساعد والدي بمبلغ مادي ... من اتوفى جدي طلع ما ناسي الدگه الي سواها والدي بيام شباب و طيش . هو باني لبناته يمه كلهن واعتبرهن حصصهن منه وجهلة خلاه يسجل كل ورثه لابنه الجبير وابنه الوسطاني ابويه الاخ الاصغر كلشي ما اله وعماتي بس الابيوت الي بناها بحياته كل تفكيرة شسون بالحلال يروح للرجولة !؟...عمي الوسطاني مكانت علاقته بابا قوية ولا انعرفه اصلا بابا مطرود من العشيرة بس قبل سنين عمي الجبير يحب بابا صالحه على العشيرة وعزمالعضوة: 378864 , منذ 5 سنوات
الجبير يحب بابا صالحه على العشيرة وعزم شيوخ و كذا وحاول يرجعه بس بابا واحنه تعلمنا على المدينة واصلا ماما بغدادية رافضه اتروح لهناك اني انولدت اهنا ببغداد بحي شعبي بسيط .. نرجع لسالفه اعتزاز الي من عرفت اني اصلي من الناصرية عيرتني بيهم فد ضجت واتعاركت وياها وكلت الها يشرفوج اني بت اشيوخ ودواوين ..بس بداخلي كارهتهم مدري ليش ما احب اصلي ودوم اكول اني من بغداد وبس ! لا شايفة الناصرية او ذي قار ولا اعرف عنها شي حتى من بابا يحجي عنها اتلافه السمع عنها وعند بابا بعض الكلمات اني اصيحها معيدية ما اطيق اسمعها منه ابد .حتى ماما ما اتحبه من يكولها ... هذا ملخص الماضي البعيد من قصتي استطرقتها بشكل سريع لانها مو مهمة بقدر الي راح يجي الي والي اشوفه .. ... اني نشوى عمري 24 سنة وتوني اتخرجت من كلية علوم إسلامية ماما الي اصرت نكمل واثرت على بابا والا هو اهم شي عنده البنت بالبيت اساعد امها منا من يجي نصيبها ..ابوية جان فلاح ومن اجه للمدينة احتار شنو يشتغل واشتغل حارس ليلي باحد المدارس منا من كبر وتركها هسة بعد ما عمي صالحه على العشيرة صارت أحوال ابوية غير . اشترة قطعه ارض و دا يبني بيها و اجر محل فتحه للأنشائيات واخواني وياه يشتغلون ... الامر الي خلاني ابصم بالعشرة بابا لوك لعمي وسفطني سفط لابنه الي ما اعرفه وذاك كيف وكال شراي .. اني مو طويله ولا قصيره حيل طولي 162 و شعري قصير والسبب التقصف و يتساقط بكثرة خفيف اعيوني بني داكن بيضة على والدتي لكن عندي وحمه يم حنجي على شكل كبدة جوزية اووف هاي هم مأساتي اكرهها على رغم اني من اطلع اطوخها بقلم كحل اسود ودورها اصير كأنها حسنه كبيرة ومحد مكتشفها من الزملاء هي مجرد وحمة بائسة امنيتي من يصير عندي افلوس اضربها ليزر اخفيها من وجهي .. بعد الكعده الطويلة بالغرفة صاحتلي امي اعزل وياها المسواك ابوية جابة .. رحت واني كارهه طاري ابوية . حتى لحفل تخرجي ما خلاني اروح يكول مصاريف زايده اااه اشكد اتمنى لو هو مو والدي مرات اتمنى اصير بمكان احد الزميلات والدها محاضر بالكلية واشكد شخصيته متحضره ومتفاهم اووف لو بابا مثقف !! .....العضوة: 378864 , منذ 5 سنوات
اووف لو بابا مثقف !! ..... مرت ايام ومحد مستطرق موضوع زواجي ااااه يافرحتي ... راسلت صديقتي هديل ... وكلت الها غلسوه على الموضوع هاهاهاي هديل كالت الي ولج ثولة اشبيج كارهه ابن الشيخ اووف والله من اذكر سالفتج تجي بالي قصص الشيوخ والفصليات والنهواتالعضوة: 378864 , منذ 5 سنوات
شو دسكتي انت ما تالف عقلج غير هاي القصص التافهه الي تقريها ولج نشوى يختي اقضي وقت ههههههه اكولج الامتحانات على الابواب شدي حيلج اووك.. جاوبتها واني متكدرة اووف ششد بابا سد نفسي من فتح عليه باب اني بغنى عنه.. هههههههه والله اشوفج مثل نهوة **** راح تتهنين بواحد معضل لابس شماغ ...اكولج جربي واقري قصص من الوات باد والله مراح اتخسرين ضحكت على عقليتها اكرب ... وامتحنت و نجحت وهذا كان المتوقع وصار تخرجي رسمي سنة 2015 بيوم دا اقلب بالفيس وشفت منشور واصل فوق الثلاث آلاف اتعجبت حييل شنو هاي على مود قصه اويلي لا والي يقتلك الاف على قصة وحده اسمها****** شدني العنوان لأن عرفته من العنوان بيها زواج بالغصب من ابن الاعم مثل حالاتي .. ومن قريت القصة الي كنت اكول عنها تاااااافه ما احب العراقي اقرة بس قصص ادبية او خواطر نثريه .. بس من قريتها والمشاهد القوية الي بيها رغم عمري مو صغير وايضا فاهمه وعاقلة لكن ما انكر حركت شي بداخلي غريزي من قريت اشلون ابن العم الوسيم ابن الشيخ نهى على بت عمه وهي اتكرهه مثل حالاتي وصارت اتموت عليه المصيبة الضرب و القسوة كاتبيها بطريقه حبيتها .. من يومها نزلت الوات وصرت مدمنة قصص ... !!العضوة: 378864 , منذ 5 سنوات
وصرت مدمنة قصص ... !! مرت اشهر وموضوع زواجي انسى ....لكني اذا امي جابت طاريه ادعي كون مثل القصص يطلع رجل بمعنى الكلمة ... واشوية تقبلت الموضوع على امل احبة بيوم ويحبني وعلى راي امي اهم شي ابن ناس نعرفهم اوادم ...اني شايفه عمي واعرفة ... لكن اهله لا .. ...................... بيوم كعدت على خبصة بالبيت تالي اكتشفت ان عمي مخابر ابوية كلت لاختي نجوى عمرها 17 هاي اتصال هيج كركب حالكم ولج يكول الجمعة الجاية يجي هو والعمام يخطبوج ويجيبون سيد نسيبهم يعقد هم يلهووووي يا ليش هيج مستعجلين غير اشوف الولد.واتعرف فرت ايدها نجوى وكالت دسكتي ياتعرف هذا انت بطرانه .مو زين مراح ياخذوج لهناك .. ضحكت من اتخيلت ازوج واحد ما اعرفه ولا شايفني واروح لهناك ما يرضى ياخذني اوويلي ورة ايام احرك كلبه واخليه يموت عليه ..هزيت راسي ناكثة هاي الافكار الهزلية القصص خلتني استخف على داريتي هي كلها كذب وخيال بس يمكن عيشت نفسي بيه حتى اطلع من حالة الخذلان ...يعني خلاص راح ياخذني شخص غريب غير رافد اااه يا كلبي حباب لا تفكر بيه راحت اختي واني طلعت اطقس اشوف شنو كال عمي بالضبط ..العضوة: 378864 , منذ 5 سنوات
كال عمي بالضبط .. ما انكر خلال هذا الاسبوع عشت بحالة رعب ما اكول الكم هو زواج غصب وكذا لا ابوية رجع سالني بس بنفس الوقت كلامة بية ترهيب يعني اشلون واحد يريد يجبر شخص يسوي شي بس غصبا ماعليه يقنعة ... نشوى انت مو فرخة كبرتي وصرتي مرة معدلة .... لا اتگولين ابوية غصبني وابوية يريد يخلص مني ... ارتاحيت وكيفت من شفته لين وياي اجيت انبس بكلمة كال بصوت اعلى من السابق بس يا نشوى احنه خير اجتافنامن اخوي وانه اتغربت اهنا ....ما اريد انطيجن للغريب يذلني عاد ابنا منا وبينا وانت اله فدى صفنت بكلامه شنو اني اله فدوة ..قابل اني ذبيحة ؟؟ شنو بابا اني ذبيحة . لو هالدرجة مو غالية عندك ؟؟؟العضوة: 378864 , منذ 5 سنوات
دلال امج يا بعد ابوج ما يفيدج خليج مرة گوية تتعارك ويه الثعابين لانه البايعج بثمن ولا انه الي مستغني عنج انه اريد اردكم لأصلكم وهمين اوليد اخوي خوش ولد فحبيت امنج عنده والمرة الحوك . رفع احواجبة من كال حوك المعدلة هي الي تفدي رجلها بروحها ....انه علمتج وربيتج وانت اعليج اترفعين راسي بيت اخوي ... بس اني خايفة .. ما اريد اضل اهناك وحدي اريد قريبة عليكم " بكيفج كتلج انه ما جابرج .... ضحكت بقلبي وابتسامتي شقت وجهي باوعلي بابا بأريحية وكال وهو يعدل بشاربة لكن اتحلمين انطيج لاغير عشير ال حفاظ ((اسم العشيرة مستعار وجميع الاسماء مستعارة )) لو تموتين اهنا وابني الج كبرج بيدج ماكو زواج زالت ابتسامتي وغيم وجهي ببؤس الحال الي وصلت اله ............ واجه يوم الجمعة واهلي من العرايس محد مهتم بيه ولا امي خلتني اروح للصالون مثل البنات اتكول اشبيج ما محتاجة شي ! بدل ما تحتار بيه احتارت بالضيوف احتارت شنو اسوي لشيخ العشيرة الي على وصول .... اجوي والدنيا مطرت علينا بشر من وصلوا .. اووف اني گلبي انقبض واتسارعت نبضاته .... من شفت النسوان وشنو لابسات ...جايات من محافظة ثانية بملابس بيت صايات لو اموت ما اطلع بيهم .. هنه بالهول دخلونهن يمكن 15 مرةالعضوة: 378864 , منذ 5 سنوات
مرة امي اسلم عليهن هي سابقا بس مرة شايفتهن من راحوا امي وابوي لعزيمة عمي ... صاحتلي اسلم واني ما اعرف اي وحده غير ام رجلي ...مرة مشيلة واسمينة جانت وملحة رغم بياضها .!!!!!!!! سلمت عليها اشو وحده نبزت وكالت حبي ايد عجوزج يا شابة ااااخ بالكوة اخذت ايدها وبستها بخفة وودي انتزع شفتي ..وسلمت على البقية خوات ونسوان اخوان رجلي المستقبلي .. بالاستقبال بس اسمع اصواتهم مبينين هم اهواي .... ورة نص ساعة من الكعدة امي صبت الغدة لان همه دخلتهم علينا الضهر .. تغدوا واحنه نكرب نغسل مواعين ... من خلصت الساعة صارت ب3 ردت اروح اسبح حتى التعب يزول ...صاحوا الي ارتجفت من الي صاحلي اخوية يكول البسي عباية وتعاي سلمي على العمام والانسابة راح يملچون يا يمة اتفجر وتوذر واموت ولا تنعاد ذيچ اللحظة ... رحت لبست عباية .. ووكفت بالباب مترددة الزمت من ايدي .... دخلتني امي الولد وصاحت هاي العروس دخلت وارجف بس اريد المح ابوية بين ذولة الغرب .. ما ركزت بالوجوه ولا بالي يمهم هوسة بضوضاء .. كعدني ابوية وكال هذا الشيخ راح يعقد الكم ... وبدا الشيخ بالمقدمة ...... اني ببالي اكول لا مو الي هذا العقد مو اني الي راح تتزوج لا نشوى مو انت هاي هيج ... مدنگة وودي اطلع منا ....صاح الشيخ بأسمي ... اني من وحده لساني نطق حتى بس اخلص من هاي السالفة ..... ابوية اشر الي اطلع ....طلعت من الاستقبال ويه طلعتي الهلال علت ...اووف انتم لمنو تهلهون وين العريس ؟؟؟؟ العريس وين ياربي ولا شفته ولا ميزته بين العگل ... بس اذكر لمحت واحد لابس قاط كاعد يم الشيخ او السيد اااي لابس قاط جويتي اي بس ما ركزت بملامح وجه بس عاد انيق اووف اكيد هو والا منو غيرة ...العضوة: 378864 , منذ 5 سنوات
منو غيرة ... اوف شنو فايده الاناقة ابوية يكول ما مخلصين مدارس كلهم . و لا وبعد ما زاد الطين بلة من راحوا ... كعدت احقق وية اخوية الصغير مرتجى حباب شنو جان لابس خزرني اشمدريني ترة اكول لابوي وكول شنو ولك عبالك اخاف بعد هو صار رجلي زين مرتجى ضعيف سمين حباب ريح گلبي التعبان " ما ادري الخبيث ولا يقبل يحجي ... گمت ايست منه ردت اطلع من الهول نطق مرتجى ترة هو مزوج قبلج سمعت ابوي يكول لأمي بس محد گلج ههههههههه وكفت ممصدكة الي اسمعه رحت هايجة لأمي لج اشبيج تبجين يااا ضحكتوا علية دمرتوني ..بعتوني برخص ليش يمة تنطوني لواحد مزوج يا يمة اكصري الشر لا يسمعنا ابوج منو مزوج الرجال ما يعيبة اذا جان ارمل شنو ارمل ؟؟ ما اريد ما اريد اخاف عنده اطفال وهم ضحكتوا عليه ما كلتوا لا مرتة ماتت عدها فتحة بالقلب ما تخلف ... وصارله سنتين مترمل اي وشكد عمرة هالمقدام مقدام عمرة يمكن يمكن اووف نسيت بس يمكن عمرة 21 شنو شنو شنو يمة هذا اصغر مني اخاف 31 انت غلطانة بالعمر ؟؟مووو لا هو اصغر بس انه ما متاكدة 22 لو 21 همة يزوجهم اصغار يا يمة ..العضوة: 378864 , منذ 5 سنوات
شنو شنو شنو يمة هذا اصغر مني اخاف 31 انت غلطانة بالعمر ؟؟مووو لا هو اصغر بس انه ما متاكدة 22 لو 21 همة يزوجهم اصغار يا يمة .. زهدت الدنيا كلها بما فيها ... اصغير هذا وارمل مرت ايام وبديت اجهز بس احاول قدر الامكان انسى العريس حتى اتهنى بتفاصيل الزواج من غير تكدير واخر اسبوع انصدمت من بابا يكول عادي ورة الزواج اثبتون العقد بالمحكمة ؟؟؟؟ حاولت امي وياه يكول هو منا بينا ما ياكل حقها وكلها هاي شكليات ... عدى اخر اسبوع الي ببيت اهلي واهلي جهزوا نفسهم للعرس حتى يرحون وياي للعرس وللقادم تكملة يتبعالعضوة: 422720 , منذ 5 سنوات
كمليالعضوة: 481055 , منذ 5 سنوات
@user-378864 زينبوو كملي 😫😫العضوة: 378864 , منذ 5 سنوات
@user-481055 اوكي ولج ماكو عراقيات😅عفتهاالعضوة: 378864 , منذ 5 سنوات
عروس_من _بغداد جزء 2 استقبلونا واهناك اتعرفت على بقية العائلة اقصد بنات عمي الوسطاني وعماتي وبناتهم وهوسة من هوسة ما انكر ما حفظت اشكالهم . ناس تدخل وناس تطلع ... البيت كان كبير جدا . اول ماندخل يستقبلنا الحوش اني اصيحه حديقة بس هو شو كله مصبوب ماكو زرع بيه عبارة عن گنون دجاج وسياج يفصل بين گن الدجاج و غنم.وبقرة يمكن هاي اول مرة اشوف دواب عن قرب من طلعت وية بت عمي واخت خطيبي اشوف البيت .. الان اهنا بس النسوان الزلم ببيت عمي ابو ناجي فاخذنا راحتنا ... هاي شنو فاطمة انتم اتربون غنم و بقر اهنا ؟؟ سالتها بريبة واضحة ۔۔۔۔خلتها تبتسم وترد هذا حلال الدار . يعني من خيرة ناخذ الي نحتاجه للبيت ذني دوابي امنا هي تراعيهم ذني نعزات اصغار كبرن على اديها ها و هذا الدجاج ...اشو اهواي كله للبيت هذا دجاج نبيع منه همين لو ياخذون منه للمزرعة امي حلاله ابسرعة يخير جانت فاطمة اتبين اكبر مني شي عشر سنوات ومزوجة وعدها اطفالالعضوة: 378864 , منذ 5 سنوات
ومزوجة وعدها اطفال اخذتني لغرفة امهن نريح هوسة من هوسة بالبيت واني كلساع متعرفة على عشيرة نسوان ... منا من صار الغدة ...يبو من اكلهم بكلشي يداخل اللحم بكل اكله واني مو هلگد وياه ....بالي يم عاداتهم البالية اشوكت اشوف خطيبي .؟ ليش ما صبوا اكل سوة ومنها نتعرف على اولاد العم ؟ صار المغرب والناس هوسة بيتهم لان عدهم عرس وشيخ بعد الكل توجبة .. ادري بعد ست ايام على العرس من هسة ؟ بالليل احنه مكترات ما علينا بشي بس نتفرج اشتغلت الطاوات على النار وكلهن محزمات ويطبخن . اني عبالي راح يسون نواشف اثاري دا يحمسن للتشاريب وراس الطلي يبووو عود دخلت اجامل فاطمة الي الوحيدة كدرت اكسر حاجز الفروقات الي بينا لأن جانت لهجته مفهومه ..يمكن راح اتكولون ابالغ بس لا والله نص كلامهم ما مفهموم وحتى المفهوم منه يحجوه على السريع ما افهم منه شي . مراح اذكر احنه باي قضاء كاعدين لكن احنه كنا بالارياف وليست المدينة لهجتهم غير لكني ما اعرف اوصلها الكم ... كنت كاعدة مع امي بالهول ومرت عمي تصلي بالحجي على السريع وامي تسمع الها و تصغي همست لامي من شفت المرة انشغلت بحفيدها يوم اشلون اتفهمين كلامها صلي مو واضح ابتسمت امي