قصة #عروس_من_بغداد
من كتابات زهراء العراقية
1
قبل ما ابدي بالقصة احب انوه انها لا تمثل محافظة باكمل وانما تمثل اشخاص ،، القصة حقيقة لكن اكرر لا تمثل محافظة بأكمل وانما اشخاص وتحية طيبة الى اهالي ذي قار ...
گاعدة بغرفتي او بالاصح غرفة امي بالليل وغرفتنا احنه البنات بالنهار !!!
وافكر اشلون اخلص من هاي المصيبة والدي مصر براسي يريد يكبر بيته ... ما كفاه دمرني اخر سنتين من الكلية مخلي عليه ابنه عواد يحرسني لا بعد يريد يزوجني ابن اخوه والله العظيم ان صار الامر جدي الا انتحر واجيب العار الهم ..تكدرخاطري من اذكرت اخر رساله من رافد كال الي اذا ما صرت نصيبة ينتحر .. ضحكت بداخلي اشو ازوج وعاش حياته ..واني الي ضليت عايشة بدوامه احاول انساه بس مكدر لا وبعد مرته وياي بنفس الجامعة اووف جانت ايام صعبة من اشوفها تداوم وهو يوصلها
كنت اتمنى لو بابا ما رفضة وقبل وصرت اني من نصيبة شاب متخرج جان كان من نفس القسم بس هو اكبر مني بسنتين صار بينا تعارف من گعدنا يمه اني والكروب مالتي حتى يلخص النا مادة كان شاب خلوق وصاحب نخوة بيه كل الصفات الي احلم بيها مدري هي اخلاقه خلتني اشوف كل صفاته اني اريدها واحبها ..
كذا لقاء جماعي حسيت نفسي اميل اله الا ان تطورت علاقتنا و صرت احبه من تخرج گبل اجه تقدم الي هو ابن ناس كلها واصله بالدراسة وعنده محل تلفونات اصلا هو كان يشتغل ويدرس وحالته متوسطة ما تصورت ينرفض
العضوة: 378864 , منذ 5 سنوات
ابتسمت امي يا يمة كلشي ما افهم بس اكول اي وكملي ضحكت واهنا دخلوا علينا زلم يترأسهم عمي وخلفة ابوية .... سلم على امي واحنه جمعنا بالسلام .. وين العروس ؟؟ من سال امي اشرت عليه ... اني واكفه احتراما اله ..اتقرب عليه وباسني من راسي يا هلا بريحة الغالي ... كان عكس والدي طويل وضخم ...بوجهه هالة رهبة و اشواربة ثخان ضايفة اله شكل مخيف .. تعال مقدام سلم على عروستك انشالله اني اهنا رفعت نظري بس اريد اشوف العريس جان يتقدم واحد من الي واگفين طبعا هي هوسة صايرة و همسات واصوات عالية انواع الضوضاء بالهول الي عود هو هول اني اشوفة يصلح يكون قاعة امتحانية على وسعه ... اتقدم واحد ...طووويل طويل ورفيييع رفيع . حيل ضعيف افجوجه طالعة بگگت اعيوني واني صافنه عليه ...اجلح املح اعيونه عسلية وهو مبين مو اسمر لا وجه متيبس و بياضه على صفار مدري ليش ... هذا عريسي همست بكلبي ... لابس عكال ودشداشه مبتسم ابسرعه لمحت اسنونه صفار غاطيهم وبادي بيهن التسوس الاسود درت وجهي بوجه امي وهمست عوع يوم ندستني اسكت ..العضوة: 378864 , منذ 5 سنوات
ندستني اسكت .. ما ارديت عليه السلام وحتى لو ارد هو مايسمع من الهوسة الي يمنا ااااخ كلبي احسه ينبض بوجع هذا الي راح اشاركه حياته ؟؟؟. مرن ايام واجه يوم الحنة مالتي .. طبعا بدلتي جبتها من المدينة رحت وية حماية المستقبلي ومرته اجرت بدلات ومناك حجزت صالون .. دخلت ببدلتي الحمرة اني ولا حبيت هذا اللون بس عمتي الحت اجر هذا اللون بيوم الحنة .. فال خير حنتي بالحديقة مال بيت عمي الوسطاني الي يسموها حوش لأن البيت الشيخ مليان زلم ثاني يوم العرس ناصبين ثلاث جوادر كبال البيت من غربت الدنيا بس صوت اطلاقات النار نسمع .. مع كل طلقة كلبي يهبط.وبدا العد التنازلي واليوم راح يعلن ذبحي .. يمكن الف مرة راودتني فكرة اني اهرب من البيت واركض بفستاني ...... صبوا عشة للنسوان وصارت هوسة سفر واكل ... عبارة عن صحونة فافون كبيرة تمن وعلية لحم مسلوك ومركه طرشانه وتبسي و اهواي خير من الله الحق يقال صارفين كومة على العشا وحتى مهري اهواي وذهبي كله متن وخير من الله .. حتى غرفتي مبينه صاج اصلي متين .... خلصوا عشا وصاحوا اجه ابن الشيخ مقدام .. دخل ابوية وعمي وياه ... وهو وراهم كلهم معگلين ... اني باوعت لعريسي مخترعة وين القاط !!!!!! دخل گبل وگعد يمي ابوية ضحك غير اسلمها الك اني وغير اسلم عليها كام مخترع هااا السموحك منك عمي باسني من راسي وابوية ربت على متني وطلع والهلاهل صارت بوجه ...دخلن خواته وعماته يهوسن بت الشيخ لابن الشيخ جبناها وهاي الرادها وهاي التمناها ... مرت حماية الجبير وكفت جنبي "مو كتلج ناخذ نفنون ردن .هياته عمج شافج مصلخه ...باوعت الها صفح اني بيا حال ...ما كنت مرتبكة ولا خجلة ...كنت مصدومة بحالي ....من شفت عريسي لليوم اني مصدومة واليوم زادت صدمتي من صار علية واقع محتمالعضوة: 378864 , منذ 5 سنوات
طلع عمي ... بعد ما اخذ كم صورة وياي ويه مرته هم وهذا العريس اختي اكله الزم ايدها صافن عليها مبتسم ... وخجل وبس يمسح بعرقة ... انتبهت اله من كعدنا بعد ما خلصت اختي ما بيده كلنس يمسح عرق جبينه بطرف شماغة .. تأفأفت بداخلي ...... وانطيته كلنس .. اخذه ولاحظت اهنا رجفت ايده . اجتني اختي وهمست باذني امي اتكول دنكي راسج يكولون عليج ما خجلانه شو بالگوة سمعت كلامها من الهوسة هزيت ايده وضحكت ساخرة على الوضعية ..بعرسي يردوني انزل راسي بالگاع ويردون فستان مقفل .... ما يدرون كان حلمي بالماضي بهيج وقت اني وعريسي نرقص سلو لو تانغوا ... اني كنت متاثرة بالغرب بصورة مو طبيعية ...وذولة رجعوني للخلف ... مو قت تحسف هسه الي صار صار ...فعلا قسمة ونصيب .. والا اشلون رضخت واخذته ما اعرف ...... زفونا بس عشر دقايق بالسيارة ورجعنا للبيت .. صعدنا لغرفتنا ........ وين الله ويكول ما اريدج غصبوني عليج اوووف ... هو مبين خنجة من رعشة ايده والله لشيبة اليوم .. ذب العگال اول ما دخل ...العضوة: 378864 , منذ 5 سنوات
... وباوعلي وگال يلا يلا انزعي هاي الوصلة ؟؟؟ عقبت على كلامه وصلة ؟؟؟ ضل بس بالدشداشة البيضة وگعد يمي اي هاي ايي وگفت گدام المراية ونزعت الطرحة يلا حبابة ابسرعة باوعت اله بالمراية ...هذا اشبيه گعدت جنبة خلصت صگد عقجت حاجبي اشو هذا كيف وابسرعة خلع ثوبة وضل بالملابس الداخلية ... "يلا انتي همين .... ... ضل يتلبك اكلج شسمج ؟؟. اجيت انهار وابجي اهنا ياربي ناسي اسمي .. صكيت على اسناني وگلت بحزم اسمي نشوى نشوى عدته مرتين بحده واعيوني اتبث شعوري المنقرف منه حك شعر راسة "نشوة والله اأيعتذر منج ينشوة الواحد شيحفظ بهاي اللخة شنهاي النفنوف مالتج جنج كمر بيه ...يلا اخلعيه ....خل نبلش شغلنا ودي اضربة على وجهه هذا اسلوبة جدا مزعج اشماز بدني منه ضل يحاول يتقرب مني .. واني مغمضة ماسكه اعصابي لا اضربه لو اصيح ماكو قبلة ولا اي بدايات المفروض يبدي بكلام وياي حتى الين ... خلاني افقد شعوري ودفعه حيل وهو مسلعم ...العضوة: 378864 , منذ 5 سنوات
حيل وهو مسلعم ... وخر مني ... كنت ارعش ... كمت واني رافعه بدلتي ورحت وخرت الوصلة البيضه عن الصينية مال العشا واباوعت بيها زين اعيوني ادور على شي حاد اخذت سكينة الفواكه .. ورفعتها عليه "والله اقتلك اذا ادنيت يمي بهاي الطريقة .... كنت ارعش وحادة اسنوني عليه ... وهو يباوع الي مرتبك .. ..... شتهدرين يمعوده السلاح يعمي اطلع برة .... مدا اطيق شكلك يابت عمي الناس ما ترحمني تونا خشينا مقدام لا تتقرب والحسين الشهيد مراح اگرب بس ذبي رخت اعصابي اشوية من حلف .. وبديت ايدي ترتخي ووگع مني السكين ..واني وگعت خلفه حاضنة الارض وابكي ...كنت منهارة تماما كأنه محد يمي جنت ابجي على راحتي ماكو حركة ... رفعت نفسي بس ضليت جالسة على الارض .. التفتت ادور على مقدام .....شفته گاعد على طرف السرير ولابس گلابية وحاضن وجه باديه ... من سمع حسي اگوله اريد انام تعبانه ....اطلع برة اريد اغير .. باوع بوجہي بتعب جا غير انه رجلج لو جاي من الخضيريالعضوة: 481234 , منذ 5 سنوات
كملي حبيالعضوة: 357306 , منذ 5 سنوات
كمليالعضوة: 378864 , منذ 5 سنوات
حباب اطلع .. رجعن دموعي توسدن على خدي المطلخ بالكحل .. كال . لا لا اسكتي ... الله يطيج العافية لا تنحبين ما اگدر اطلع شيخلصني من عگال فزاع ((اخوه الجبير الي مرته انتقدت فستان نشوى )) يعني شنو ... راح اغمض والعباس يعميني اذا تنوعت الج اشو هذا راح يم البرده وسد اعيونه و وضهره عليه .... گمت طلعت ثوب كشمير . تاركه الروب الابيض على السرير .... واني اعيوني على عريسي .. صحت اووووف هااا خلصتي شخلص ما انوش السحاب ... شنهي يعني ... مدا احجي كردي ... تعال افتحه هو شنهو ؟؟ سحاب الفستان يمعود انطيته ضهري ... فتح السحاب لا تفتحه كوله اااااااافييييش هاي علباچ جنها سطل الماي تلمع سطل ماي ؟؟؟ ابتعدت عنه واشرت اله يرجع لوضعه واني اكمل ... كملت .. وكعدت افل بالتسريحة ... بس من حقدي عليه ما كتله فتح كل ما يسال خلصتي كوله بعدني ... فتحت التسريحة ..شعري مبسمر من السبريه تعبت انه ما طلع نفنوف ..العضوة: 378864 , منذ 5 سنوات
تعبت انه ما طلع نفنوف .. ما جاوبته انطرحت على السرير ....واني خايفة من الجاي ..... بس هذا مبين عليه حيل غشيم لو حباب ... خلصت اييه مدري شنو رطن ما فهمت عليه .. اجه يمي .. اني صرت بالحافة اشمالج ...تعاي اهنا مقدام عوفني اليوم حباب يا وخلق السموات والارض ابوية وفزاع يعلگوني فلق اليوم اذا ما ارفع راسهم اشمدريهم همه اشلون وهنه ينتظرون المعلوم باوعت لوصلة بيضة حاطيها على طرف السرير .. كمت اخذتها .. اجه يمي يلا يا نشوة خل نخلص هاي السالفة . تراها اسهلة .... باوعت اله بطرف عيني ما اگدر اني تعبانه ... حبابه ضل يتوسل مثل الطفل ... ارتاحيت من حسيته مسالم رغم هو يگدر يكسر راسي وهذا الي جنت متوقعته ياخذني بالغصب زاد رفضي من طريقته وزاد جحودي عليه .. شفته سهل ... ما اگدر مقدام مريضه اها .. اشبيج وهسه مو راح اتوذر باوعت اله بطرف عين محد يوذرك ... النيشان يردوه هلي وتراهم محد نايم ينتظرون البشارة .. زفرت نفسي بهم واخذت الوصلة ورحت يم الصينية اخذت السكين شنو اسوين ؟؟؟العضوة: 378864 , منذ 5 سنوات
شنو اسوين ؟؟؟ كمت ابچي واشاهگ واني اتخيل ايامي مع رافد. ومخططنا لعرسنا قبل سنوات .. والاقدار احالت بيني وبينه .... اشاهگ.واني اباوع لعريسي الي يتوسل بيه اذب السكين رفعت ردن ثوبي وضربت زندي .. واني مغمضة سقط السكين مني ....و قطرت على الوصلة واشمرتها وبوجهها وكمت الوج من الالم ... هو رمى الوصلة وفتح الكنتور مالتي ... وطلع شي ما انتبهت اله شدة على زندي ..... لج انت اتخوفين اشلون هانت اعليج روحج الروح عزيزة .....العضوة: 378864 , منذ 5 سنوات
اطلع لبرة ما اريدك ...... مع صوت نحيبي گلت اله اطلع ...اهلي غصبوني عليك ...... هدوء قاتل بس صوتي انيني اسمع ... رفعت راسي شفته گاعد يمي اشوية مسافه عني ويباوع للسكف .... باوعلي شافني ساكته واباوع اله گام اخذ الوصلة ... وصل يم الباب .. اول ما تنوعت الج (شفتج) كلت هاي اجثير اعلية !!! طلع . وتركني .....سمعت صوت الهلاهل رن باذني رن . بعدها صوت طلق ناري .. ندگت بابي ... يمة ادخل .... هذا صوت امي ... نزلت ردني لا اشوف الجرح خايفة لا اتحس بشي غريب لأن هذا شد ايدي بشال ... دخلت ... اشعندچ كاعدة اهنا . يلا يوم كومي ... شافت وجهي ملطخ بالمكياج ابتسمت ...هاي شصاير بحالچ ... دگومي ... لزمتني من زندي اتريد اتگومني ....اني تأوهت موجوعة . وابعدت ايدها اسم الله شنو مسوي بيج هذا ... گمت وگفت وانتجيت على الكنتور .. يلا يمة شدة وزالت ...هذا لأن سابق اله الزواج فروحه ملهوفة ...تعاي اسبحج .. لااااا اريد انام تعبانه .. ما يصير يمة افهمي اضلين تتوجعين ... گومي اسبحي حتى اتنامين مرتاحة راحه عن اي راحة تحجي امي ؟؟ وهي ما كلفت نفسها توكف وياي وتخلصني من حكم ابوية .. اني اسبح وحديالعضوة: 378864 , منذ 5 سنوات
اني اسبح وحدي على راحتج ... طلعت اسبح ... ابعدت الشال عن ايدي وغسلت دمها ... وسط دموعي ... طلعت ....ردت اغفى من تعب اليوم .. سمعت صوت الباب ...اول ما دخل خلع گلبيته واجة يمي .... رحت للطرف ....والله اذا اتقربت نصل السكين بگلبي اغرسة هالمرة ... نتر عليه ..ضايج ... نامي نامي منهو يمج شفته عافني وراح نزل الصينية وگعد ياكل بأيدة ... انقرفت منه اشلون يلطع بأصابيعه دهن الدجاج ... ضل يگرط ...خيار واني سديت اذاناتي اريده يخلص ... واخيرا گام ... راح غسل .. ورجع الي .. نام ابصفي اول ما حط راسه على الفراش شخر ...! الصبح گمت بدلت ثوب كريمي . ولبست ذهبي واتمكيجت بالگوة ضبطت الآيلاينر دموعي وحدها تنزل .. حسيته يوم كئيب من اوله ..الندم ااه من الندم شيفيد بعد ..والله لو ضاله من غير زواج جائز بابا يغير رأيه بس الصوج بيه اني الي عبالي بيها امل ابن شيخ و عدهم خير من الله انعميت على عيني وقبلت ... دخلت مرت حماية الوسطاني وبيدها الريوك حطووه والعريس بعده نايم على بطنة ... هلهلت گعدته وطلعت ...راح للحمام واني سويت لفه بالكوة بلعتها .. من اجه گمت ما اطيق مجالسته ... ورة الريوگ اجتني امي وامه بوسني .. وامه انطتني هديتي .... عبارة عن طقم محبس وقلاده و تراجي ... صاحولي اسلم على الشيخ و اولاده ...العضوة: 378864 , منذ 5 سنوات
صاحولي اسلم على الشيخ و اولاده ... دخلت للديوانية مالتهم ... سلمت ... عمي انطاني .. افلوس بايدي من الإحراج ما باوعت الهم اشكد .... ونسوان حموين غراض مثلا دواشك و بطانيات و سيتات اكلاصات اما رجولتهن انطوا لمقدام افلوسواجبهم ثكيل .. امي وصتني اضمة للزمن رحت للغرفة .. ومقدام خلفي .... شافني كدام المراية اعدل مكياجي .... اباوع اله من المراية ....واكف خلفي حيران كضي ذني مني الج .. باوعتله بحيرة ممزوجة باستصغار ليش بلا هيج هدية الج ... حط الواجب مالته من اخوته وصحبانه كدامي على ميز المراية واذا اجاني بعد هم الج ندشهن للزمن ها اوك ... اخذتهن ضميتهم وقفلتهن امام اعيونه ... يلا ما حنيتي اعلية ...؟؟ شنو !؟ جا غير احنه عرسان ....ولا اضلين تتبجبجين ترا اني ازلمة ماحب المرة الخايبة .. جرني من ايدي على السرير ... ضليت اصد بيه .. وهو يكول لج شخصلني من فزاع .. اذا عرف تعاي يبت الوادم ...هو ضعيف و اني عودي خشن و متروس جسمي دفعته بالگوة وضل يركض ورايه داير مداير السرير ... اخر شي لزمني من زندي تأوهت ... دتعاي ....... من اسليمة تكرفني اذا عفتج !!! يتبعالعضوة: 449672 , منذ 5 سنوات
وينج سليمه تلطمج كمليالعضوة: 378864 , منذ 5 سنوات
@user-449672 😂😂😂ها زهيره مختفية كاعدين نطبخ بقروب