قصة #عروس_من_بغداد
من كتابات زهراء العراقية
1
قبل ما ابدي بالقصة احب انوه انها لا تمثل محافظة باكمل وانما تمثل اشخاص ،، القصة حقيقة لكن اكرر لا تمثل محافظة بأكمل وانما اشخاص وتحية طيبة الى اهالي ذي قار ...
گاعدة بغرفتي او بالاصح غرفة امي بالليل وغرفتنا احنه البنات بالنهار !!!
وافكر اشلون اخلص من هاي المصيبة والدي مصر براسي يريد يكبر بيته ... ما كفاه دمرني اخر سنتين من الكلية مخلي عليه ابنه عواد يحرسني لا بعد يريد يزوجني ابن اخوه والله العظيم ان صار الامر جدي الا انتحر واجيب العار الهم ..تكدرخاطري من اذكرت اخر رساله من رافد كال الي اذا ما صرت نصيبة ينتحر .. ضحكت بداخلي اشو ازوج وعاش حياته ..واني الي ضليت عايشة بدوامه احاول انساه بس مكدر لا وبعد مرته وياي بنفس الجامعة اووف جانت ايام صعبة من اشوفها تداوم وهو يوصلها
كنت اتمنى لو بابا ما رفضة وقبل وصرت اني من نصيبة شاب متخرج جان كان من نفس القسم بس هو اكبر مني بسنتين صار بينا تعارف من گعدنا يمه اني والكروب مالتي حتى يلخص النا مادة كان شاب خلوق وصاحب نخوة بيه كل الصفات الي احلم بيها مدري هي اخلاقه خلتني اشوف كل صفاته اني اريدها واحبها ..
كذا لقاء جماعي حسيت نفسي اميل اله الا ان تطورت علاقتنا و صرت احبه من تخرج گبل اجه تقدم الي هو ابن ناس كلها واصله بالدراسة وعنده محل تلفونات اصلا هو كان يشتغل ويدرس وحالته متوسطة ما تصورت ينرفض
العضوة: 449672 , منذ 5 سنوات
@user-378864 ياقرووب ولجن حقيره انتن صحبتجن للركبه تف ولا وحده ذكرتني يابذاتاتالعضوة: 357306 , منذ 5 سنوات
كملي حبابهالعضوة: 378864 , منذ 5 سنوات
عروس_من_بغداد 3 من كثر ما يردد مخاوفه من اهلة ..خطرت ببالي فكرة اهدده اااه دتوجعني ايدي تذكر هو الجرح الي ب ايدي ... لزمتها واني اتوجع اذا ما اتعوفني اصيح والم اهلك واگول الهم ابنكم ما دبرها .... قاطعني ينهر بيه كملت وجرحني بزندي واذاني ......... وخر مني اخر كلمه عطت بيها خليته يتراجع خايف لا اسويها وافضحه يم اهله ويطلع كذاب ...التهى بالضيوف والغدة واني بغرفتي ما طلعت بعد .. اهلي كلساع واحد منهم جاي يمي .. ومرت خمسة ايام على عرسي واني مثل ما اني اماطل واتهرب منه .. وهو ماعنده وسيلة غير التوسل بيه . . راحوا اهلي لبغداد ...واشگد توسلت لأمي تاخذني وياهم ...عبالها دلال عروس ويروح .... بذيج الفترة صرت ادعي على ابوية على هاي الذبة الي ذبني بيها لمصلحته هو وبس والا اني شنو مصلحتي ؟؟ عبالي يطلع بيه خير بس اي صفه مابيه لا احس عنده رجولة من توسلة كالأطفال و لا شهامة اهل الجنوب الي رجيتها .كل ليلة تمر بالكوة انام من الحاحة...... عگبت السبعه واني منطوية على نفسي ..عمتي گالت الي اطلع اشتغل حتى أتالف وياهم ...هنه النسوان عدهم يطلعن الصبح ينضفن و يروحن للبستان ...هنه يگولون نطوش اني اكول يرعن البهايم و الزرع .... وعمتي تشرف على الفلاحات الي يحشن خضروات .. واتبيع المخضر على البگاله ..يعني بستنجية درجة اولى ...اقصد عمتي اخت ابويه مو عمتي مرت الشيخ .. الي استغرب منه نسوانهم تشتغل من تفتح عينها لحد ما اتنام والزلم دوم كاشخه .. وگاعده ؟؟العضوة: 378864 , منذ 5 سنوات
وگاعده ؟؟ الاراضي اراضيهم بس منو العمال .؟ هه نسوانهم العمال ؟ عمتي ام رجلي روحها بالدواب والدواجن وصنع الجبن والگيمر الطيب يبيعون منه . يجن الضهر تعبانات ينامن واني هم بديت اتعب بس اني ونسوان حموين اثنين يخلن يمي نشتغل بالبيت والبقية يطلعون نسوان حموين الي يبقن بالبيت مو دوم لان يتناوبن بس اني ثابتة بالبيت ما اطلع ... الشغل متعب وضيوف عمي الي ما يخلصون متعبين اكثر ..واگفه على رجلية من الصبح لليل . اكتشفت بهاي الايام بعض الامور واولها ان زوجي مستضعف اهنا ؟ الك مستغل طيبة قلبه الي يطلقون عليه على البركة من اهل الله حتى امه اكثر واحد تطلب منه طلبات هو مقدام ، فزاع الي بس ينهى ويتأمر عليه دونا عن اخوته ... صحيح هو على كل اخوته كلمته مسموعه لكن لاحظت مقدام من دونهم يعيط عليه وما يحترمه حتى اولاد اخوته ما يصيحوله عمي وماخذين عليه .. هذا الشي زادني نفران منه اكثر واكثر واستغليت ضعفة برفضي اله .... جنت انام على الارض وعايفة اله السرير ...مرات من يضل يلح اضل اضرب بنفسي وامعش هو يشرد ويلف راسه وينام .. مقدام عنده بيكم حمل ....... و اخوته هم ياخذون بيهن المحاصيل والبضايع ويطلعون بيهن خارج المحافظات ......العضوة: 378864 , منذ 5 سنوات
بيهن خارج المحافظات ...... بيوم جنت اطبخ على المشعل لان الطباخ مشغول هم وبس بنات حماية فزاع المراهقات وياي يشتغلن على الطباخ ...اني گاعده على تخت و اقلي سمچ ...مادة رجليه من كل جانب .. دخل عمي فزاع ...اني اصيحه بعمي لانه رجال داخل بالاربعين و هم هيبة يخوف مثل عمي بضخامته و تسلطة . لا يتأخر غداجن ...عيب جدام الوادم ...العضوة: 378864 , منذ 5 سنوات
تم عمي .... باوعلي بطرف عينه وراد يروح .صارت خلفه مرته ...هي اليوم عليها وياي بالمطبخ ما طلعت ويه النسوان تطوش بس توها الا طلعت من غرفتها ها ابو امل رايد شي بس عجلن ... راح فزاع ... ام امل وهي تنفخ نفسها بقلة صبر وتالي وياج بت بغداد ليش مطلعه رجليج موش عيب انتبهت عليمن تأشر على رجلية اشوية طالعات ..نزلت ثوبي من غير اهتمام غمتني امدة حظي اي والله اشبيج ام امل ... عادي يعني ملتهية اكرب مثل ما اشوفين ...ما كفرنا وانوب اتاردد شفتها اتعيط سكتت منا خطار وهاي مبينه مرة عرمة .... مرت فزاع مثل رجلها عكرة ومتسلطه وبت اخت عمتي وعمتي كله وراها والشور شور مرت فزاع ........كلها تعاني منها طلعت لا شغله ولا عمله لا من تطلع بالبستان ولا بالبيت اتمد ايدها مكضيتها تأمر بيوم كعدنا كلما دناكل و مجموعه على صينية ميدورة كبيرة تاكل ... اووف هذا مقدام يحب ياكل بايده ... لا وبعد گاعد يمي ... اخذت ماعوني ورحت گعدت بالصينية الي ابصفي ..يم فزاع ومرته وبناته كانت اقرب صينية النا .. شفت ام امل اتخوزر بيه .. اهناك ماكو مرگ بيتنجان بس سوب عوجت حلكها وعادت وراية بيتنجان شنهو .... سكتت و زادت توتري خلت رجلها ينتبه الي ضل يباوع الي ....انوب باوع لأخوه وهز ايده وكمل ياكل .... بيوم طلعت مع عمتي لبيت فاطمة ... طبعا اني محافظة على لياقتي وقيافتي مو المكان الي يغيرنا ... مكياجي الخفيف مجرد.تنوش مكياج للتجميل مع رموش . و كعب اسود. ضبطت عباتي ورحت مع عمتي ورجعنا المغرب .....شو اول ما دخلنا ...اتلگانه فزاع يحجي على امه لان جان عدهم خطار ادري انتم هذا العادي مالتكم شنو احنه بقر لا طلعه لا طبهالعضوة: 378864 , منذ 5 سنوات
طلعه لا طبه بس مدري ليش حسيته مدفوع علينا من وحده مسمومة تتبسم ومخوصرة وواكفه خلفه ...اي مرته الي صرت ما اطيقها .. اتوجهت لغرفتي وانت اشعندج طالعه بهذا المنظر حشمي البيت الي طالعه منه ... انصدمت هذا كلام فزاع موجه الي كلت بعفوية نعم !!!!!! يشمر باديه ويحجي وياي وما يشوف الي گدامه ذيج الرزالة حصلت على لبسي ومكياجي وانتقدني باسلوب جارح انت موش ببغداد فاهمة ....اذا بعد عتبت رجلج الباب هيجي اكسرها الج واحسبي الله خلقج مكسحه اخي انت ماالك حق تحجي وياي هيج طبعا على اصياحه لمحت مقدام واكف خلفي ..التفت عليه ردته يگول شي لاخوه يرده ...ما اتكلم ... ماعندي خوات يجادلن يلا انگشعي لكبرج (غرفتج)... انغثيت لزمت نفسي وما بچيت گدامهم ....شفت الشماته بعيون امل والشفقه بعيون نسوان حمويني .....مقدام عنده خمس اخوة وهو السادس ...مرتبته الرابع بينهم و عندهم اخت وحده الي ھي فاطمة مزوجة . همه البستان هذا مالتهم والي يحيطه هم . فاي واحد من ولده يريد يزوج يبني اله غرفة واسعه و يكعده بيها مقدام مزوج قبل اخوته الاصغر منه زوجته الاولى لكنها اتوفت مريضة اصلا الي عرفته ما متهني بزواجه خادعيه بوحده مريضه الناس الي صفطوها اله الي همه اهل صديقه حتى ابوه بعد ما حجى ! كله وانت ردت اخت صويحيبك اشرب ..العضوة: 378864 , منذ 5 سنوات
دخلت للغرفة منهارة تماما ... دخل خلفي لك انت ليش تسمح اله هيج يحجي وياي هذا اخيي .. ااااااوووووووف ضليت اجنب فزاع ومرته وحتى عمي ...ذوله صرت اخاف منهم ...كل يوم اخابر امي تقنع ابوية اني ما مرتاحه ويجي ياخذني منا لكن لا حياة لمن تنادي فقفلت كلش من ناحية مقدام لان عرفته مو ضهر ولا سند صرت افكر اشلون اهرب منا واتخلص منهم اجمع ....لكن الخوف مانعني .... عمي سافر للعمرة ... وهذا فزاع شاد وياي كلش ... بيوم هم فشلني على العشا .. ماكملت ورحت بالحديقة طالعه روحي فد نوب اني هلكانه ويجي هذا تالي الليل يجرح ويفشل .. اجاني مقدام واني كلش كارهته الي من دون نسوان حمويني كلش احس فزاع مستضعفني مثل رجلي واكفلي على اقل تصرف امي تنشد اعليج واكول ماعندنا مرة تزعل على النعمة ... باوعتله صفح مقدام طلگني ....طلگني كلتها بعصبية بصوته الناصي انه لان بت عمي ما اريد اكسر ضهرج وصابر اعليج .. ههه صابر عليه لو خايف لا تنفضح من يعرفون اهلك احنه لساتنا اخوان ما احس غير ايده على حلگي سدته .. ابعدتها عني ورجعت كعدت على كرسي من خوص ...ورة اشوية طلع فزاع لبرة ...هزيت ايدي واني اباوع لمقدام الي لساته واگف فوگ راسي .. ورحت لغرفتي ارتاح جانوا همه مخلصين عشا ... هم اجه گابلني .... اندگت الباب وصاحتلي بت فزاع الصغيره عمة اتگول بيبي تعاي نضفي المطبخ .. ما اجي... مقدامالعضوة: 378864 , منذ 5 سنوات
مقدام هسة جاية كولي لامي باوعت اله بستنكار والله تعبانه اني شصير لا عبالك اعاند وياكم ..بس من صدوك تعبت من الصبح لهسة اني على رجل وحده .. المواعين على مرت فزاع وبناتها اليوم اني شلي دخل مو اصير مشاكل .... هاي محد يحبها غير امي .. حبابة ... اوووف مقدام ما اصدگني ساعتين اني واگفه على التنور اخبز . والحوش كله نضفته و البيت كله فوگ راسي عبني ما اطلع وياهن اشتغل شغل ثلاثةنسوان حتى اتكفى شرهم واگول الشغل ما ينقص .. بس لا والله طلع ياخذ العافية ...رجلية يونن عليه ون چنت احجي بتعب وارهاق شاق مال يوم كامل . شنو اليوجعج .. رجلية يونن عليه گعد يم رجلية وفرق اصابيعي بدا يطقطق بيهم بالبداية گرگشني بس بعدها حسيت براحة تامة ... كان يفرك بيهن برقه رجليج چنهن رجلين الريم يابت عمي ابتسمت حلو هالتشبيه مو مثل رجلين سليمة چنهن رجلين هايشة منو سليمة زوجتي المرحومة جانت مريضه وسمينة الله يرحمها يلمعن متوكدة انت جنتي تشتغلين هم گول جنهن سطل ماي هههههه لا ذني الماي نفسه ههههههه تشبيهاتك خرافيةالعضوة: 444988 , منذ 5 سنوات
ما افهم الكلام العراقيالعضوة: 449672 , منذ 5 سنوات
@user-444988 عمرج خساره هاي الهجه القديمه الها نكهه خاصه هههههههالعضوة: 449672 , منذ 5 سنوات
@user-378864 لهجه مسلسل بيت الطين اعشقهاالعضوة: 378864 , منذ 5 سنوات
شحلاتچ وانت ما مبوزة شنو قصدك هاا اني بومة دوم شايفني مبوزة؟ والله انه من شفتچ اول مرة وابوي عرفني اعليج وشفت اول تبويزة هههههه ههههههههههههههههه غير انصدمت بكشختك ههههههههه يباوعلي ويضحك وياي ... شفته ترك القدم وصعد لبداية الساق ..اني هم عفته لأن رجلية كأن الدم متوقف ما يسري بشرياني ... من دلكها اعاد الها الحياة ...بدا يصعد لا تصعد زايد بطرف حلكي ابتسامة على لواته ضحك وگال حبابة اطلعي واسمعي كلام امي من اخلص اوك بالفعل طلعت لگيت كلهن بغرفهن وعايفات المطبخ مگلوب گلاب ....طلعت مرت حماية الصغير .....كيفت ...اشو هاي اخذت صينية صغيره و اگلاصات وطلعت عيني هي تعلل مع زوجها واني الضيم كارفني ياريتني اتعشيت وياهم اشو كربت وگليت طاوات وياهم اكل وما اكلت نغصوا عليه اكلي وزعلت وهسة اكرب الهم ..رجعت لغرفتي ....ورة مدة انفتح الباب ...وعمتي اتصيح شنهو هاي المزعطة بت بغداد موتينا بدلالج ...اطلعي نظفي المطبخ لا اغسل شراعج ... راحت واني فايرة فور مقدام اتوسل الي اطلع بزعل وخذلان باوعت اله واخذت حجابي ورحت للمطبخ مقهورة عمتي ما تتجرئ وتدخل هيج على واحد من ولدها ..حتى امه ما تحترمه ...نضفت المواعين وحدي نص ساعه اني بس اعزل عنهن الفضلات واصفيهم بعدني لا غاسلة ولا جالفه احسهن كلهن متفقات عليه ..اني عازلة نفسي عنهن وذني محرضات عليه من قبل ام امل راس الحية.... اجاني مقدام انطيته ضهري وگف يمي .. لا گولي سوي الي چاي ترة اهفك بالقوري روحي طافرةالعضوة: 378864 , منذ 5 سنوات
حتى اني بس اكو كلمات مافهمهالعضوة: 378864 , منذ 5 سنوات
روحي طافرة همس عيب ترة زحمة تكولين لرجلج اهفك بوزت لعد ابن اخوك وضاح حتى يجاوز عليك وانت تاخذها من باب ميانه لو بس يمي تشتغل الاحترامات على العموم هي واضحه اني خدامة اهنا لا اكثر . دكتري اكتري اشوية خل اعاونج صفنت عليه اشويه معرف شگول اله مايعرف يخلي الي احترام بين اهلة لا بعد يجي هو يساعدني من اهل يستغلوني بدل ما يصدهم ....ضحكت ودنيت اني اجلف وهو يشطف ... تاكدت هسه اني نخدعت لو ابوية خدعني لو عمي خدع ابوية وما سولف اله عن مقدام بهذا الزمن صعبة اعيش ويه رجال على البركة .... خلصنا سوة ترست الثلاجة ماي كاسات ههههه ضحكت من حطيت سطلة الماي الاستيل وتذكرت رقبتي .... ذبيت نفسي وغفيت من التعب محسيت على نفسي ... وادري وراية كعده اهنا كلشي بتقييد . حسيت بحركة واحد يحضن بيه مهما عقلي يرفض واحد مثله لكن ابقى ابنية عذرية اختلطت احاسيسي ما بين اجرب هذا الشعور لاول مرة لو ابتعد منا من الگه حل وافلت منهن ماناوية استمر وياه ..... هو زودها لان اليوم ضحكت بوجهه وانطيته وجه ... الاحضان اخذتني لعالم ثاني گعدني منه من بدة يتعمق وتذكرت هذا نفسه الي يسكت مثل البنية من اهله يزفوني ويزفوه على اقل شي .... لعبت نفسي من راد يقبلني خرمشته وخر عني موجوع اشمالج ..؟ وخر عني ولا تتقرب مني مرة ثانية