قصة #عروس_من_بغداد
من كتابات زهراء العراقية
1
قبل ما ابدي بالقصة احب انوه انها لا تمثل محافظة باكمل وانما تمثل اشخاص ،، القصة حقيقة لكن اكرر لا تمثل محافظة بأكمل وانما اشخاص وتحية طيبة الى اهالي ذي قار ...
گاعدة بغرفتي او بالاصح غرفة امي بالليل وغرفتنا احنه البنات بالنهار !!!
وافكر اشلون اخلص من هاي المصيبة والدي مصر براسي يريد يكبر بيته ... ما كفاه دمرني اخر سنتين من الكلية مخلي عليه ابنه عواد يحرسني لا بعد يريد يزوجني ابن اخوه والله العظيم ان صار الامر جدي الا انتحر واجيب العار الهم ..تكدرخاطري من اذكرت اخر رساله من رافد كال الي اذا ما صرت نصيبة ينتحر .. ضحكت بداخلي اشو ازوج وعاش حياته ..واني الي ضليت عايشة بدوامه احاول انساه بس مكدر لا وبعد مرته وياي بنفس الجامعة اووف جانت ايام صعبة من اشوفها تداوم وهو يوصلها
كنت اتمنى لو بابا ما رفضة وقبل وصرت اني من نصيبة شاب متخرج جان كان من نفس القسم بس هو اكبر مني بسنتين صار بينا تعارف من گعدنا يمه اني والكروب مالتي حتى يلخص النا مادة كان شاب خلوق وصاحب نخوة بيه كل الصفات الي احلم بيها مدري هي اخلاقه خلتني اشوف كل صفاته اني اريدها واحبها ..
كذا لقاء جماعي حسيت نفسي اميل اله الا ان تطورت علاقتنا و صرت احبه من تخرج گبل اجه تقدم الي هو ابن ناس كلها واصله بالدراسة وعنده محل تلفونات اصلا هو كان يشتغل ويدرس وحالته متوسطة ما تصورت ينرفض
العضوة: 449672 , منذ 5 سنوات
@user-378864 ليش مافهمتيها هاي عود صدك كلش فهمتها والله لان لهجه اجدادي وامي هيج اصولهم عمارچيه من الاهوار العماره متعوده دايما اسمعهمالعضوة: 449672 , منذ 5 سنوات
@user-378864 دكملي اول قصه احبها بقصصصج كلهاالعضوة: 378864 , منذ 5 سنوات
تراج زودتيها وصوجي انه انطيتج مجال يلا انطمري عساج ما صحيتي ..... تركني وزعل .....عباله سهله عليه اشوف حياتي هيج خربانه .. دموعي نزلن ورافقني بهذي الليلة ... ومرت ايام الى ان عمي بعدله يوم واحد ويجي من السفر اووف واشگد خايفه منه اذا هو فزاع بجبروته يهابه اكيد هم يشيب وراح يمرمرني ... اني ما لحگت اتعرف على طباعه من جان يمنا جنت عروس واستحي اگعد اهواي يمهم ... ۔ جان مقدام مواعدني نطلع للولاية ...لبسنا اصريت اليوم اخليه يشتري بنطرون وقميص .. خابر عليه واحد اسمعه يگله حاضر يخوي جاااي ها مقدام منو خابر ؟ هذا اخيي ابو امل ...يريدني يمهم .. شنو يعني دنريد نطلع؟؟ خليها غير يوم .. راح مقدام لاخوه وربعه وتركني بناري ...طلعت ورة اشوية بس بعدني بعباتي ..شفت ام امل بالهول شافتني ضحكت ... رحت للحديقة گعدت على الكرسي اباوع للغنمات ....ضايجه ..خابرت امي مردت خابرت اختي الوسطانية سلمت عليها من غير ما احسسها بيه شي مجرد اريد استمد طاقه اتحسسني اني اهنا مو بغربة ...اتصلت بفاطمة ... دعيتها تجينا ..گالت ما اگدر ابني الصغير مريض ...بس حستني ضايجه ...گالت الي انت تعالي رجلي بالدوام لانه عسكري ... والحت وگالت ادز الج ابني ...كيفت وخابرت مقدام بلغته ووافق ضليت على گعدتي منا من اجه ابنها وداني الها .... الحت عليه اضل للعشا من ردت ارجع المغرب . غيرت جو يمها واجاني مقدام الساعه ب 10 بالليل الا اخذني ....بالطريق واحنه نتمشى مسافه دقايق ...العضوة: 378864 , منذ 5 سنوات
@user-449672 ماشفتي مال بارحه تخبلالعضوة: 378864 , منذ 5 سنوات
مسافه دقايق ... ما گلتي لامي من اجيتي ؟؟ لا ليش ..اصلا هي جانت طالعه .. لو گايلة لام امل لا هي بس هاي ناقصة اخذ اذن من الحية ههههه وصلنا للبيت اول ما دخلت للهول ..الالسن انفتحت علينا ما اعرف ارد على منو لو اجاوب منو وين جنت وليش طالعه وليش ما گلت عمتي وجناتها بس ام امل مكترة نفسها على صفحه وساكته .. عمه مجنتي بالبيت ...واني كلت لمقدام مقدام مو بالبيت ...توه اجه وكال النا انت ماكو . طول هذا الوكت احنه ننشد عنج كلنا خطفوها سون نفسهن خايفات عليه لو صدك قلقانات مجان اتلكني بهذا الاسلوب المندفع .. سكتت وتحملت حجي عمتي ... طلع فزاع ...صاح شكو شصاير ...امه جاوبته طالعه وما مبلغه احد بالبيت ... اشو هذا استلمني رزايل ... ليش اطلعين وحدج وماكو احد يلمج وشنو هذا المكياج الي بوجهج عمي ابو امل انت مو من حقك تحاسبني ... مو مسؤؤل عني نتر بوجهي لان جادلته وامه اسكت بيه وكلهم ضدي اكلوني اكل ... صحت بصوت عالي شنو القضيه اني الاذن اخذته من زوجي وابن فاطمه اخذني ؟ فزاع وهذا المكياج واللمعه مالتج مالها داعي اهنا اتنزعين ثوب بنات المدينة المايع واصيرين مثل نسوانا معدلات لا والله ابتلي بيج ما اسمح الك انت منو وما اسمحين الي ترباية علي ابو الدكايكالعضوة: 378864 , منذ 5 سنوات
الدكايك غصيت بعبرتي من ذكر والدي اووف ماضي والدي راح يضل يطاردني ... ردت اشرد منهم ..لزمتني مرته وگالت من يكمل ابو امل كلامه الا ترحين صدگ كمل زفته الي واوامرة عليه وانطاني محاضرة كاملة على السلوك.گدام اعيون رجلي الي ساكت .. من اطلع لازم اخبر امه او زوجته ما حط مكياج والاحسن اتبوش لان وجهي ملفت و البس جواريب و اذب الكعب يعني اشياء جدا خاصه تدخل هو بيهن محد يصدك اذا اسولف اله .......رحت من خلص لغرفتي منهارة تماما مو لان زفني لا والله بس لان ذلني حسيت نفسي بلا وطن ياهو الي يجي يدخل بيه شريدة وعيرني بسالفه ابوية الي كنت اني ما اعرفها كلها بس بعدين عرفتها شغله ما تسولف اصلا ... دخل مقدام ... وگعد يمي حبابه لا تبجين ... صرخت بوجهه انت هم رجال هم محسوب زلمة هاااا يغلطون على مرتك وانت واگف ..وينك بابا اشلون شمرة شمرتني ....وينچ يمه تعاي شوفي حالي واتگولين الي اصبر شصبر ااااه وينك يا رافد مو گلت الي راح اصيرين امريتي شوف اني صرت مرت منو كنت ابچي واضرب برجليه ماحاسه شنو اگول .. العتاب الي بداخلي للناس الي خذلوني طلع غ على شكل صرخات للخارج .. عافني وسد الباب حيل مقدام .... . الساعه فوك ال 11 واسمع فزاع واخوته بالهول يسامرون ...ويمكن مقدام طالع لبرة ما اسمع اله حس ..... اريد انام مگدر راسي يون عليه .... صعدت على السرير حتى ارتاح .... سمعت صوت اصياح مقدام .. انت ما الك كلمة على مرتي ومالك علاقة بيها .. سااامع ما اعليك بيها ..... يتبع توقعاتكم ....العضوة: 449672 , منذ 5 سنوات
@user-378864 مال ذولي الختصاب موالعضوة: 378864 , منذ 5 سنوات
@user-449672 اي😆العضوة: 378864 , منذ 5 سنوات
#عروس_من_بغداد من كتابات زهراء العراقية 4 سمعت اصواتهم علت اكثر رحت وگفت خلف الباب واسمع مقدام ينهر فزاع مالك دخل بيها يز عنها جا آنھ شنهي مجود تنكة مزنجرة .... مرة ما گادر الها ولافه عگلك يالدثووو وفزاع يغلط ومقدام بس يصد من غير غلط ...بس اخر شي من فزاع گله ضب مرتك صاح مقدام ....انت ضب روحك بالاول مالك شغل بينا اااااخ ....ما اسمح الك .... اااااااخ لا تضرب ... حطيت حجابي على راسي وطلعت شفت الاخوة يگولون كافي فزاع ...دعوفه هذا من اهل الله مو گدك ... ((طبعا همه كلامهم بلهجة اهلنا اهل الجنوب الارياف وترة الناصرية اهل الولاية لهجتم مثلنا احنه اهل الوسط لكني ما اجيد لهجة اهل الارياف عذرا)) طبعا بس كلام يطلع منهم ... محد يدخل يبعده عنه ...كان منظرة جدا صعب عليه اشوفه مدفوع على الجلسة واگع و بس ياشر بايده لفزاع يكف عنه شرة ما يدافع يوز عني لا تضرب ما اسمحلك ... دخذها مو انت عود رجال ...جاي على اخوك الي رباك ...مطي دثوووو مرة ما گادر الها .. ااااخ .. وحيل بالعگال يضرب بيه .. وووخر عنه يا ظالم .. انبتهوا لوجودي من حشرت نفسي بينهم وبلا وعي توسلت اله يكف عنه ... سخر مني ومدري شنو غلط وشمر العگال على مقدام وراح ...طبعا شفت ولا مرة طالعه من غرفتها ..كلها مكترة .. انحنيت عليه اگومه .. ما اخذ ايدي وگام وراح مسرع للغرفة واني خلفه ....العضوة: 378864 , منذ 5 سنوات
خلفه .... ردا يسد الباب بوجهي صديته اووگف ليش طلعتي ... باوعلي بأنكسار .. سد الباب بوجهي ...انطبگت مشاعري وية الطبگة الباب وانهضمت احس روحي شي انطبگ عليها مغموته وثگيلة مگدر اتحرك ..... اجتني امه الي مدري وين كانت من ابنها اتولها مقدام .. ارتاحيتي .... ام الدگايگ خليتي الولد ينحاز اعله اخوووه ... رجليه وحدهن تحركن وعفتها ....طلعت لبرة .... اباوع للصخول والغنم نايمات .... حتى الدجاج ماله حس ....بس صوت الصرصر يرن بالحوش الموحش وگلوبة يسلط الضوة عليه ...گعدت جواه على الكرسي الخوص واني معرف افكاري وين رايحه ..احس بضياع ...ساعه اتذكر طفولتي ...ساعه سوالفي ويه صديقاتي .... عرس بت خالتي ...وكأن ذاكرتي دا اتعيني ابتعدت عن واقعي بالذكريات القديمة ...... ضحكت من تذكرت كتبت اسمي جوة حذاء بت خالتي العروس .... وجنت اضحك وفكرت اكتب اسم رافد وياي بس استحيت خذلتني ذاكرتي ورجعتني للحاضر وشنو من قسمة غير مرضية وگعت بيها .. لمت نفسي ... اشلون حلت مقدام على اخوه هو مو گده .. هذا امر مو بيده ضغطت عليه و هنته گدامي اوووف ما اعرف انتم هم يجيكم تمني انكم لو اترجعون للمضى تمحون شي اني اتمنيت لو ما مراددة هذا فزاع ولا ضاغطه على مقدام ... شترجى حماية من شخص هو مو كفيل بحفظ كرامته ... شسوين اهنا دشي داخل ... فد كرهت صاحب هذا الصوت المتسلط ويا سبحان الله اكثر صوت اسمعه بين اخوته ما التفتت عليه .. گومي ... دشي لدارچ .. مالك دخل بيه ... صكيت على اسناني حيل ... لا والله هسه اخابر ابويه ياخذني منا .العضوة: 378864 , منذ 5 سنوات
تهددين ..بت اعليوي .. اعليوي هذا عمك ...عيب ترة كلساع وذاكر اسمه .... روحي لدارج ... السياج موش عالي لا يطلع احد يشوفج .. هزيت بأيدي ....وين اروح ...اخوك طردني تأفأف واستغفر ... ما ردت امدن ايدي اعليه هو على صوته .. اعوذة منك يا ابليس ... تقصدني ...كمت متحملت .... اشرت على نفسي وقابلته بدموعي ... شسويت اني الك ...ليش تكرهني .... ضل صافن على ملامحي الباهته .. انت اشجابك لهني ....ليش قبلتي باخوي ..؟؟ ليش ابوچ عرضچ على اخوي .. وانت شلعتي گلبه ! كنت امسح بدموعي ...واشاهگ .. بسچ يبت العم ....كافي ... روحي دشي داخل وابن ابوه اذا مادخلج هالمقدام ... ردت اروح وانت همين طخي راسچ ولا اشلعين گلب هالفاهي تراني ادري بسالفتكم ما اكرهنج بس ما احبن اخوي يضل مغبون .... جمدت اطرافي وگلبي فز من كلامه ...رجعت باوعت اله ... ش شتقصد ... الي فهمة عقلج يا بت الكليات ..عيب المرة اصير ناشز ...... دخلت مسرعة كاني شارده منه ..عزة هذا يدري بسالفتي ويه اخوه ...واگول ليش شاد وياي ...العضوة: 378864 , منذ 5 سنوات
يدري بسالفتي ويه اخوه ...واگول ليش شاد وياي ... دگيت الباب حباب مقدام دخلني ....الله يخليك ...ماكو رد .فتحت الباب ..طلع فاتح القفل اصلا دخلت شفته نايم على السرير ومنطيني ضهره ... نمت بفراشي ...بالي يمة ..اريد اروحله بس اشوفه بس خفت لا ازعجه ...لو مطالعه وشايفته احسن ...... الصبح گعدت على دگه الباب احد البنات اتگلي گومي عمه .... باوعت للساعه ب7 عزة فاتتني الصلاة ....مقدام ماكوا ..... گمت صليت قضا ورحت اتريگت لگيتهم عاجنين اخذته شنگته بيه ثلاث صواني كبار ...و اني مرت حماية خبزنا اني اصفگ بأول صينية وهي تحط ثاني صينية هي گعدت تصفگ واني احط ثالث صينية ضليت اني واگفه وكملنا ..رحنا نظفنا باجات خمسة و ركبناهن وبنات فزاع نظفن البيت .... عمتي طبعا راحت اتسوي زبد اليوم ... ونسوان حموين اثنين رايحات للبصرة من الصبح هنه خوات واهلهن اهناك وداهن حمايه الوسطاني .. ومرت فزاع گالت الي مرت حماية من جنا نخبز غارت وراحت لهلها . گلت بگلبي خيرا ما فعلت ... عمتي وجهه ثگيل حيل عليه .. حتى استحيت واني اتغده وياهم بالگوة اكلت ...حسيت نفسي ما مرغوب بيه ..العصر رجع عمي ... اني جنت بغرفتي ... طلعت ....شفته گاعد ...واولاده حواليه معدا مقدام ماكو ...........العضوة: 378864 , منذ 5 سنوات
مقدام ماكو ........... دخلت بصوت يرجف ...السلام عليكم عمي باوعلي من فوووك لجوووة ...وعليكم السلام بست راسه الحمدلله على السلامه تقبل الله عمو الله يسلمج يبعد عمج جا وين رجلج ....غير يسلم على ابوووه .. طالع وين ؟ ما يدريني جاي اليوم مادري ... دخلت فاطمه ... وسلمت على ابوها هي وأطفالها وگالت من يجي زوجها من الدوام يجيك بويه ... شفتهم بلمة اهل ..الي يساله بويه جبت الي فلان حاجه والي يسولف وياه عفتهم ورحت افكر بمقدام ...ياربي وين راح مو من طبعه يفوت هيج شي .. بس هج الرجال ... من الصبح وهو ماكو ...محد سأل عنه ولا احد بحاله .. ادگ عليه ما يشيله دگت عليه الباب .... ابويه الشيج يصيحج ملاحظه احفادة يصيحون اله بوية الشيخ .. گلت هاي هي راح اترزل ومو بعيد يكتلني بالخيزران لان فزاع جان گاعد يمه لطش اكيد كله على سالفتي ((اني حزرت هو عرف من جنا اني ومقدام بالحديقة وگلت اله احنه اخوان وطلع فزاع لبرة )) .... اتمنيت قبر وانحشر بيه بهاي الساعه ... انوب گدام الاهل صاحلي ...لا هاي هي مدري اشبيه اريد اتحرك مگدر يعني معقوله الخوف هيج يسوي بالبشر وين قوتي وين ذكائي وين راحت سرعه البديهة الي عندي بهيج مواقف ....صرت چني سعفه خاوية الهوى يجيب وودي بيها..طلعت ...مديت بس راسي ..اوووووف ياربي .. اخوه واهل بيته اجو قصد عمي الوسطاني صارت هوووسه ...خل اغلس ..عاد مو هسه ... دخلت لغرفتي ....... الحمدلله نسوني ... ندگت الباب عمه يگول بوية شيخ وينج ؟؟؟العضوة: 378864 , منذ 5 سنوات
عمه يگول بوية شيخ وينج ؟؟؟ عاااا ما نساني ياااارب انت تدري بنواياي يارب انت العدل ما يرضيك زواج بالغصب هي گوة مدا اتقبله .... طلعت واني اردد وجعلنا من بين ايدهم سدا ومن خلفهم سدا فأغشيناهم فهم لا يبصرون ... همه انتقلوا للديوانية نسوان وزلم والهوسه زادت عمات وحتى كناينهم وزلمهم احنه من يجي واحد عدنا من العمرة ثاني يوم الا يهلون الضيوف وبالقطارة . اشو ذوله جوگه(هوسه ) ... وگفت يم الباب ... گعدت الهوسة الي اجت ... وهم بعدها هوسه اطفال حواليهم ...صاحت مرت الشيخ لوحده من البنات اطلعهم ۔فزاع طلعهم .. بالهول .......... بوسط الاحاديث الجانبية عمي الوسطاني گال والله الگعدات ماتسوة بدونك ابو فزاع ... ابتسم عمي ودگ على صدره بخفه .... وصارت عينه عليه .... نشوة بصوت يرجف رديت ها عمو اقصد عمي .... تعاي بويةة من گال بوية اجيت ابجي . تعاي اگعدي اهنا .....يمه مكان فارغ تعجبت اشلون فارغ و الاستقبال متروس ناس ليش محد گعد رغم الهوسة صار هدووء قاتل ... گعدت يمه ......وگلت ابشر عمي عود ردت الوك اشوية بلكت يأجل الموضوع .. انه فرغت هذا المكان الج ...ههههه كأنه قرة افكاري ابتسمت ببهوت من ضحكلي شوفي عمي .....اكو موضوع وانه مسافر خابروني گلولي اعليه ..... ونغص اعليه سفري ... بس شفافي تحركت .مگدرت اسال اعيوني صارت على فزاع الي گاعد بشمال ابوه ابتسم وحك لحيته كأن قرة سؤالي و توسل اعيوني كون يطلع ما گايل لعمي ... رجعت باوعت للارض .... اسمعي يبت اخوي ....انه من ازمان صحيح اتمنى اناسب اخيي واخذ منه نسوان لويلادي بس ما خذيت لأن اعرف عز المعرفة انتن بنات المدينة والمدارس صعبة اعليجن عيشتنا بلاكت من اخوي هو الي شارني اعليچ من ردت مرة لمقدام گلت هاي هي البت بتنا .. ما غصبناچ اعلة شي واصريت اعلى اخويه كون برضاتچ وانتظرناچ اكملين مدري شنو ادرسين ... رفعت نظري على الحاضرين شفت الموقف لا يحسد عليه لا وبعد الكل ساكت يسمع الشيخ وينك يا مقدام تعالي ......... يتبعالعضوة: 449672 , منذ 5 سنوات
@user-378864 شطولها هههههه اختصرتها بس الماعرفته زين هيه اول طفل بلاغتصاب ذبته لو هوه الحمل نفسه استمرت ويه حسين