قصة #عروس_من_بغداد
من كتابات زهراء العراقية
1
قبل ما ابدي بالقصة احب انوه انها لا تمثل محافظة باكمل وانما تمثل اشخاص ،، القصة حقيقة لكن اكرر لا تمثل محافظة بأكمل وانما اشخاص وتحية طيبة الى اهالي ذي قار ...
گاعدة بغرفتي او بالاصح غرفة امي بالليل وغرفتنا احنه البنات بالنهار !!!
وافكر اشلون اخلص من هاي المصيبة والدي مصر براسي يريد يكبر بيته ... ما كفاه دمرني اخر سنتين من الكلية مخلي عليه ابنه عواد يحرسني لا بعد يريد يزوجني ابن اخوه والله العظيم ان صار الامر جدي الا انتحر واجيب العار الهم ..تكدرخاطري من اذكرت اخر رساله من رافد كال الي اذا ما صرت نصيبة ينتحر .. ضحكت بداخلي اشو ازوج وعاش حياته ..واني الي ضليت عايشة بدوامه احاول انساه بس مكدر لا وبعد مرته وياي بنفس الجامعة اووف جانت ايام صعبة من اشوفها تداوم وهو يوصلها
كنت اتمنى لو بابا ما رفضة وقبل وصرت اني من نصيبة شاب متخرج جان كان من نفس القسم بس هو اكبر مني بسنتين صار بينا تعارف من گعدنا يمه اني والكروب مالتي حتى يلخص النا مادة كان شاب خلوق وصاحب نخوة بيه كل الصفات الي احلم بيها مدري هي اخلاقه خلتني اشوف كل صفاته اني اريدها واحبها ..
كذا لقاء جماعي حسيت نفسي اميل اله الا ان تطورت علاقتنا و صرت احبه من تخرج گبل اجه تقدم الي هو ابن ناس كلها واصله بالدراسة وعنده محل تلفونات اصلا هو كان يشتغل ويدرس وحالته متوسطة ما تصورت ينرفض
العضوة: 378864 , منذ 5 سنوات
عمتي ...... اخييج جواد صارت الرؤيا عندي مو واضحه و غواش على اعيوني ..... حسيت بآلم بگلبي واني اذكر اخر مرھ اتصل بيه جواد وسمعت صوته ...مات !!!!!! يعني شنو مات ؟؟؟؟؟ صار الالم يسكن كل جسمي وكل ناحية بيه .....حسيت بوجع قوي بخواصري عمي كدامي مدري شنو يكول الي بس فهمت لا بتي الغواش عمى على اعيوني .......ما اسمع عمي مدري شنو يكول الي بعد .....فقد اتصالي بالعالم .....ونمت وخلصت من الاوجاع الي تقطع بأحشائي صحيت ....لگيت مقدام واگف يم عمود المغذي ...اباوع بالوجوه .... مرت حماية ام كاظم و فاطمة يمي .... وين اخويه ...جواد وينك ؟؟؟ ودوني اله .. فاطمه ...اهدي يبت عمي والله جواد مابيه شي .. لعد وينه ....جواد هاي اشبيچ احنه بذي قار واخوج بكربلاء كربلاء ؟؟؟؟ اي اخوج اهناك رايح يزور و ومگلوبة سيارتهم مرت حماية گالت لفاطمه بسچ خل ترتاح البنية فاطمه گالت لا خل اريحها لا اضل اتلوج على اخوها ... ترة بس حالته جانت خطرة ... وهسة الحمدلله اتعدة الخطر وابوج يمه لا اتخافين الحسين يحفظه الكم ... سكتت اريد ماااي ....العضوة: 378864 , منذ 5 سنوات
اريد ماااي .... ماااي فاطمه گالت ...مقدام روح أسأل تكدر تشرب اميه لو بعد .... رجع گال اي تشرب .... شربوني ماي ..... خو ما بي شي ابني ...بالگوة احجي متبنجه من كثر المسكنات ... مرت حماية گالت ...ما لحگنا اعليه وگع قبل لا نوصل يتعوض انشالله هو مجان ثابت اصلا ما مكتوبلة عمر .... هي تحجي ببرود واني النار تسعر بيه طلعت على شكل دموع تكوي الخد كوي ... رجعنا للبيت واحس نفسي خاليه من الروح الي تسكن جواية ...خابرت اهلي مخبوصين بجواد. ... اجتني عمتي تحمدت على سلامتي وراحت ..... دخلت ام امل ها شجاج رچيچه ( ركيكة )...يلا انشالله يتعوض ... ليش گلتي الي اخويه ماااات كله من وراج حسبي الله ونعم الوكيل بيج .... يا وانه اشعليه هااا سمعت عمتي اتگول مات انت وعمتج حسبي الله بيكم ...مالگيتوا غير الموت اتغلطون بيه .... دردمت وراحت .... واني المغص موتني .. ضليت كم يوم ارتاحيت ... واصريت على عمي يوديني لبغداد وياه حتى هو خطية انتظرني اشد حيلي الا گال راح اروح لأن يدري راح اصر اجي وياه عمتي هم راحت ويانا وفزاع ومقدام وحمايه حازم.... والباقي گالو من يتحسن اكثر .... رحنا اله والحمدلله صحيح صاير ت تفصيخ وراسه مخيط بس طلع منها سالم ... اعيالي يومين ورجعوا بس اني بقيت يم اهلي هم ضاجوا عليه من عرفوا صار بيه اسقاط ... گعدت بالليل فوك راس جواد والله ضجت من عرفت من ورايه راح جويد منو جويد ؟؟؟العضوة: 378864 , منذ 5 سنوات
منو جويد ؟؟؟ ابنج جويد ههههههه عود اسميه على اسمك ياريته شرف يگولون من سمعتي بموتي وگعتي هههههه اي حتى تعرف اشگد احبك اني ... اضحكين يا نشوى وانت بداخلج الم .... يمعود لا تخلي بالك ترة يتعوض مو على الطفل احجي ادري بيه يتعوض بس مقدام مراح يتغير ....تدرين اني يمكن اگول بيها حكمه من راح الطفل يا اشبيك .... ادري بيج ما رايده مقدام وبالگوة عايشه وياه ترة امي اتگول الي كل ما تتصلين اتگولين ليش ابويه زوجني هذا ... انسى جواد .... مراح اعذبكم بعد ولا اشكي لأمي هاي هي راضية بقسمتي ...اهم شي انتم بخير ... ولچ اني ما الومج يا خبلة ...ادري بيج ما طايقته من گعد يمنا وشفتكم ابد ولا متوالمين لبعض انت وووين وهذا وين ... والله حرامات انت عليه اهواي ...بس شحجي شگول هذا ابوج ما اگدر اعارضه بوقتها بس انطيته رأي سكتني .... اول مرة اسمعك اتگول هيج ؟؟؟ يمكن لأن وصلت للموت .... الانسان ما يفكر بغيره غير لمن يوصل للنهاية ....بهاي اللحظه وده بس يرجع حتى يصلح لليحبهم ضروفهم ... . بهاي الفتر دوم جواد يگلي گولي لابويه ما ارجع ويقنع بيه واني اصلا ما محتاجه احد يقنعني اني من وحدي كارهه حياتي اهناك .... واختي هم وگفت وياي ...مر اسبوع والاخر وما عالنة زعلي ورفضي بالرجوع خوفا من رد ابوية ..العضوة: 378864 , منذ 5 سنوات
ابوية .. ومقدام يتصل مرة ارد عليه بثقل كلمتين واسده ومرة لا اغلس ... . محد واگف بعيني غير عمي ....چنت اخاف من هاي الخطوة لخاطرة هو وبس ...اما مقدام ولا بعيني زعله ...هو شنو افرق اله اني او غيري المهم مرة يتسلى بيها لا يهمه شخصي ولا راح يأثر بيه طلاقي ابسرعه يزوجوه . جواد جان مستكثرني على واحد مثل مقدام ......اصلا هو بس لأن من العرب وما دارس كان رافضه قبل الزواج ..اما هسه من عرفه لا شخصية ولا فايده ضل يقنع بيه ... ... واجت اللحظة الحاسمة من طلبت منه هو يفاتح ابوية ...طبعا اخوية ايده مجبرة وراسه فتحوا الخياطات و متنه هم لان هم جان بيه جرح .... من راح لابويه لغرفته بالليل اني گعدت على سجادة الصلاة ادعي الله يهدي ابوية الي ... يتبع ... داوموا على تفاعلكم الجميل.العضوة: 378864 , منذ 5 سنوات
#عروس_من_بغداد من كتابات زهراء العراقية 7 والاخير الصبح صار وماكو رد .... كعدت اتريك وياهم ...ابويه جان مخلص ريوك وكاعد على صفحه بالهول وبيده تلفونه ... نشوى ... ها بوية حضري نفسج عكبة ترحين لبيت اعيالج باوعت لاخوية بعتب ....ورجعت باوعت لابوية بس بوي.... سكتني مقدام يمد ايده عليج .... هزيت راسي لا بوية ... اهلة يجاوزن عليج ؟؟. لاء احد معيرج بشي احد ماسج بضر ...عمج يضربج ؟ اهنا بدا يعلي صوته ويحجي بحركه ... همست واني اريد ابجي ... لا لعد شنو هذا الي سمعته تردين الطلاك ... شنو هو الزواج لعبة ؟؟. امي يااا ليش الطلاك ؟؟؟ عضت شفتها عرفتني موصله افكاري لابوية .... ولج عمج وردة مال الله ومدلليج شتردين بعد ..هااا معززيج ومكرميج اااااه يا گلبي امي ما فاهمتني شنو اريد ... وبابا انطاني ذيج الرزالة ..... گمت من يمهم دموعي غاسلة وجهي ...ليت عندي جرئة واكول اله الي بگلبي ....اني ما اريد اكل ولبس و دلال . اني اريد زوج افكارة مقاربه الي او حتى لو مختلف عني وعكس افكاري ميخالف نكمل بعض بأختلافنا ... المهم يكون من نفس المستوى الفكري ... اريد رجل اقوى مني .... اريد رجل اسلمه جسدي برغبتي مو بس حتى اخلص من لجته لو تهديد من امي النار تاكل جسمي بجهنم اذا تركته ليلة ما راضي ؟؟ ....وكأني غافلة عن دين ربي وهي اذكرني بيه اتندمت اذا بيوم حجيت الها شي .. هي ما فهمتني كل همها اضل بيت زوجي ما اتعب والديالعضوة: 378864 , منذ 5 سنوات
اتعب والدي .. اخذني ابوية ورجعنا للناصرية من كثر الحاح عمتي خلتني اراجع الطبيبه على الحمل گالت لأن اول طفل اجهاض عوفي نفسج ترتاحين .... بهاي الفترة صارت مشاكل نسوان و مرات انصف ومرات لا لأن عمتي و بت اختها وحتى جناتها ضدي فيزيفن الحقيقة عن عمي ... طبعا كنت مهتمه لزعله ورضاه وكانه هو زوجي اما الي عندي ما يسأل عن احوالي اهم شي عنده باالليل ما اختلف عليه .....!!!! حملت منه بالطفل الثاني سنة 2016 برمضان تحديدا جنت بشهر الثاني .... واجاني خبر وهل المرة مو كذبة من ام امل حتى تحرك گلبي وتهبطني لا حقيقة ..... والدي اتوفى هو اثنين من اصدقائه بأنفجار الكرادة ...وراح بابا ولكوا جثته خفت .... ضليت يمهم بهم جبير على صدري .... فقدان الاب هو مثل انكسار العمود الفقري للأنسان مهما قسى عليك بيوم راح ينكسر ضهرك من تفارق والدك .... اكتشفت اشكد اني احبه و غضبي منه ما هو الا زعل بسيط ...يروح بطبطه منه على الضهر .!!! ضليت اهناك ويه امي وخواتي مدري اواسيهم مدري اواسي نفسي بمصابي ...بس مو بس احنه صابتنا هاي المصيبة .... هاي المصيبة كومه ابيوت لبستها اسود ولحد الان ادموعهم ما نشفت اختصار لحزني لأن مو الوحيدة الي صابني بغداد كلها نزفت منه .....العضوة: 378864 , منذ 5 سنوات
صابني بغداد كلها نزفت منه ..... تانيت عشرين يوم ورجعت لبيت اعيالي ... وحالتي النفسية زفت ذني شادات وياي كلش وعمي بس يسأل عني ويشوف شنو محتاجه مگاعد.وياي بالبيت حتى يبعدهن عني .... لازم اني اتقوة واصد .....العضوة: 378864 , منذ 5 سنوات
رحت لأربعين ابوية ... ورجعت الهم طبعا عمي الشيخ مراح الاربعين سواه اهنا .... وراها حسيت بتعب من السفر وقهري على ابويه وعلى اهلي ..... گلت لمقدام اخذني للطبيبة كال ميخالف العصر انروح ... خليها باجر ليش ؟،مو تعبانه فد نوب اي اي ميخالف كالها بقلة صبر ... العصر ....دورته ماهو خابرته مايرد ... من رجع بالليل كلي نسيت رحت لبيت عمتي ...عودك باجر انشالله .... اني غاسلة ايدي منه بس شسوي عمي ملتهي عندة مشكلة صايره بالعشيرة ويفتر بيها اقاربهم ضاربلة واحد ،، ورة اربعين ابوية وضليت تحت رحمه مقدام ... هم ضرب تغليسة ..... واني هم تعبت من الملحة محد بحالي . وحزني على ابوية خلاني اهمل نفسي ،ورة كم يوم ...كمت احس طفلي نازل ووجع ...فكمت ما اتحرك ودوم انام وعمتي عبالها اعاند وياها وجناتها يعاينني ويگولن مو نحبل ونجيب ورة يوم نكرب وطول الحمل نفتر اشمعنا هي ..ادري شسوي قابل بايدي ضهري ما يتحمل ولأن اول طفل سقط اخاف لا هذا هم يروح محد يقدر احجي من ازهك ومحد يصدك اني ما امارض نفسي اني بالفعل مو گد الشغل بالحمل .... طلعت اريد اجيب ملابسي شارتهم بالحوش ...... وجان اشوفلك ... ابن فزاع ومقدام يتماطلون يا يا ولك عوف عمك ولا يسمعني ...وبس صوت من مقدام اسمع جنه يبجي انهبطت .. اتقربت يمهم مكدر اصيح اني برة لا اسويها فضيحة فلزمت بأبن فزاع من ياخته من خلف عوفه اسحل بيه اريد يهده ... يماطل بيه يريد يوكعه ...ومقدام هم لازمه صارت حركه و ابن فزاع صار يطخ بيه واني اوخر عمه عنه ما مهتمة .من انتبه على نفسه ابسرعه هد عمه هااا نشوة اشبيج ويضحك هالمراهق المزعج ليش ويه عم...العضوة: 378864 , منذ 5 سنوات
ليش ويه عم... بعدني ما مكلمة رفع راسه مقدام هلكان من الضحك نشاقه انت شدخلج ..اريدن اشوف يوكعني لو اوكعه ههههههه صفكت أيد بأيد عبالي يبجي ،رحت للحبل لا حول ولا قوة الا بالله الحبل خلف البيت افتر اله من ممر يم گن الدجاج يعني بالحديقة الخلفية لميتهم ودخلت ...من هذا الموقف حسيت بنظرات ابن فزاع مو راحه وعرفته دا يراهق هذا من طخيته حطني ببالة مثل هيج موقف لازم ناخذ حذرنا من المراهق ما اصير تصرفاته محسوبة واستمر بمضايقتي من خلال تركيزة بيه وبدا يجاسر من يشوفني وحدي يوكف خلفي اني ابسرعه اتحرك و اتركه لا عندة ام بيها خير تفهم ولا اب متفهم ايده والضرب فما حجيت الهم الام اخاف لا اذب الصوج بيه واطلع كلام انوب عليه والاب لا يضرر الولد من قساوته .. عمي استحي شكولة ...... الاحسن اكول لرجلي . بغرفتنا اي مقدام ابن اخوك عينه علية ... حاول اتخوفه وسوي نفسك منتبه انت عليه من وحدك و خوفه ... منهو انت شتهذرين ....ابن اخوي طفل هالطفل هذا صاير بطولك ومضايقني ... زياده لهمي وحزني على والدي طلع الي هذا كلشي ما سوى مقدام .... لا وبعدها راح للنجف ويه احد اخوانه وجماعتهم ومناك كالو نروح لبغداد ونسة !!! ... المغرب طلعت بعد ما تأكدت فزاع طلع هو واضيوفه جانوا بالحوش ... وبايدي صحن بيه تمن ومرك ...حطيته للدجاج اكل ... اني من خطفت من الممر شفت هذا العوينجي عينه عليه .. بس لا يلحكني ومثل ما توقعت لحكني ..كلت بس لهنا وكافي اذا هم حاول يلطش بيه اكلمه اليوم ما اغلس واهددة اخوفه .. طبعا بمسافة عني تواليت للخطار حاطيه وابصفه مغسله فوكاها سقيفه ...و حاطين تعلاكات وخاولي ومشط ....العضوة: 378864 , منذ 5 سنوات
وكف خلفي واني بالي يمه ومنطيته ضهري ... من شافني ساكته ... راد يتقرب اكثر ..درت عليه الكلب مسوي حركه سخيفه فقدت اعصابي .... ولك ما احترمت عمك ولا الثوب الاسود الي لابسته وعينك عليه ولك بعد شلبس حتى اجوز مني .... يا كلب .. انت كلش حلوة خرب بالحظ يباوع الي بهيام انجب لك زعطوط توك طالع من البيضة يالمطي احترم نفسك نشوة احبج حبك ابو ابريص مطي صيحني عمه والله والي خلق السموات اكول لأبوك اذا عدتها بس والله احب...... اهنا اثنينا جمدنا اني و الولد من سمعنا صوت فزاع صاح لك عااااار ... انفتح باب التواليت و اعيون فزاع بكصته تبث شرر وغضب وحماوة .... طلع مثل الزيبگ اجانه ... ابو امل ...الله يخليك اعصابك ... معش ابنه من راسه واشلون الخروف من يريد ينحروا على الارض بس ما حط السكين برقبته لا دك وكتل برجليه واديه والولد لحظه وحده وصار وجه ينزف دم من خشمه وحلكه .. عفيه ابو فزاع الله يخليك ... كمت ابجي واتوسل على اصياحنا ....اجت بت فزاع اخترعت والتموا الجهال صاحوا لهلھم .. النسوان تصايح اتخاف تقرب لفزاع ..... بس ام امل اجرجر برجلها اتريد تنقذ ابنها ....ولك مرت عمك یالفاسق طميت راسي ...وخري ودفع مرته وگعها على الارض ...حاولت ترجع ادافع عن ابنها لاحها من الكتل نصيب هي وابنها شبعوا كتل بس الابن رفس وضرب بلا رحمة ....العضوة: 378864 , منذ 5 سنوات
رحمة .... حسيت نفسي راح اوگع من الهبطة والمنظر ..خليت ورحت عنهم ... اااه طلع فزاع ما طالع ويه الضيوف بس اخوته هو بعده بالتواليت وضال يسمع كلشي يمكن ما طلع ابسرعه حتى بس يفهم ابنه الي عايل لو اني ..من فهم السالفه طلع اله متحلف اوووف ياربي سترك لا يقتل ابنه والله مو هذا الي ردته .. صار هدوء .... وما اعرف شنو صار طلعت ..عرفت فزاع ذابه ويه الغنم والصخول .. وام امل متخربطه بغرفتها يمها خالتها عمتي ... كلت بلكت يجي عمي ويطلعه .... واجه عمي ... اول ما اجه وشاف الولد هيج راح يفهم من فزاع ... اضاهر كال الھ كلشي لهذا ما طلعه للولد.طلع عمي لا يقل قساوة عن فزاع ...وصاحني بالاستقبال واني خفت .... رحت اله گلي سدي الباب ... نشوى ..الي صار اليوم ما يطلع لنفر فاهمه ..بس انت وفزاع وانه والعار ابنه اذا طلع لحد ... والله ليصير الي ما يعجب عزة عمي يهددني كنت واگفه گدامه وهو جالس ومدنگه راسي فاهمة ؟ مجاوبت صاح .... مفهوم صارت عندج معلوم لو لاله فزيت من اصياحه .... اول مرة يصيح بوجهي !! وملابسج لا اتخليها ضيجه .. بس عمي ردت اكوله ملابسي عاديات دشداشه .صح مو كلش عريضه مثل نسوانهم بس عادية مو ضيقة ... قاطعني ونهرني وخفت حيل منه ... طلعت دموعي بخدي اني شنو ذنبي ياربي .... يومين والبيت كارهني ..عبالهم اني حايله فزاع على ابنه بس ما يعرفون مضمون السالفة كلمن يألف بكيفة ..... اما ام امل عبالي راح تزعل لبيت اهلها على الضرب الي اكلته ...اشو ضاله لا وبعد هو زعلان عليها وهي تحجي وياه ثكيل وياها ...اما اني تجنبني .... خابرني جواد قبل يوم وكال مقدام يمنا هو وجماعته اشكد فشله ياربي هذا رايح لهلي ويه جماعته ...زين هو على البركه اخوه اشبيه ما كله عيب انروح للناس وانبات ويه وجماعتناالعضوة: 378864 , منذ 5 سنوات
المهم ...اجتني ام امل وكالت .... كله بسبتج ابني انكسرن اسنونه ، منج لله تغرين بالولد شنو شنو كمت من السرير ... كلي ابني ترة كلج هو يتحرش بيه اشمعنا انت .... هاي نسوان عمومته ما عاين لوحده منهن وهنه جمال و اعيون ملونه جا مثلج زريكه بس انت مقدام مو بعينج ترديلج رجل وما لكيتي غير اوليدي اتلفين اعليه أسفه السفهاء المتبجح بفحش الكلام وانت سفيها ومراح ارد عليج اكثر .... راحت وهي تتوعد الي .. خابرني مقدام كال اني بالطريق .. صار الغروب ...جنت على السجادة بغرفتي كاعده واسبح انتظرة يأذن ..... وما احس غير الباب انفتح على مصرعه دفع .. التفتت شفت مقدام خلفي ... ولج حقيره سد الباب و اجاني اشو هذا نزع عگاله ويضربني بيه ... اااخ لزمته وهو يجر واني اجر ..هدة و كام يضربني بايده .. دخت گعدت على الارض .... وهذا يضرب حيل ویصيح ليش ورطتي الولد ذابحيه .... وخر عني .... عضيت ايده ...گام وكف واستمر يضربني برجليه ... اااه اااخ لا تضرب ..ولك حامل ...ابن اخوك هو تحرش لا انت تحرشتي بيه ام امل شايفتج ....انه الج ولج اتحيلين فزاع اعلى الولد ليش يا حية ....حتى يموت الولد ... عبنج اكرهين المرة اكتلين ابنها حلتيني وما صدكتج رحتي لفزاع يحجي ويضرب ويرفس بيه ....اني ...نفس الالم السابقه ... بس كمت اصيح ما استسلمت الها .....بس ااااخ محد دخلي عدهم عادي الرجال يأدب مرته محد يدخل .... من شاف الدم طكع ملابسي من جواية الا اتراجع للخلف اني اباوع اله بشحوب عين عليه وعين على نفسي ....العضوة: 378864 , منذ 5 سنوات
وعين على نفسي .... خله وطلع شارد .... بصوت واهن وضعيف وريق ناشف اااااه ابني ...راح ... ابني...الحكوني ....احد يجني ابجي واناشغ .... دخلت الي عمتي ... عافتني وطلعت صاحت لجناتها ... اجني النسوان غطني بعباية .. عمتي لحد تاخبر ...اش اسكتن ناخذها للطبيب عمة اعتقد جانوا الزلم بالجامع ....وعمتي ماقبلت يكولن الهم ... بديت افقد الوعي من النزف ...فزيت من شفت مرة ..كاعده جوة رجليه .. هاي اسقط عيني ام فزاع ودوها للطبيبة انه ما اكدر اقطع النزيف ...جايبة الي جده ... حسيت بصوت برة الغرفة يكول شنو صار اريد اصيح عمي الحكني بس صوتي ميطلع ... عمتي اسقاط ثاني هاي موش كد الحمل .!! اخذوني للطبيبة كالت هاي شنو انت مدمرة من داخل ، الطفل متكون ...واكع نصه .. متقطع بالنص نص واكع اني حسيته من وكع ونص ضاله برحمي من الضرب .... احالتني للمستشفى وانطتني حبوب اسقط ....لنص الليل حسيت بألم يهد جبال ... الا اجهضت بالكامل ... بعدها نمت ولا ردت اصحى من جديد .... رجعت للبيت .... وما اعرف شنو صار بينهم وعمي عرف الحقيقة لو لا . وهذا مكان بفكري بوقتها ...بس اريد انام اخذ بالمسكنات من غير اكل وانام ....... صحيت ما ادري اشوكت على صوت مقدام يبجي يمي ... وينعى على ابنه ...!!! شفت تلفوني على الميز مال التواليت .. كمت بالكوة امشي .... سحبت الفون ودكيت على جواد .... رن كم رنه وردالعضوة: 378864 , منذ 5 سنوات
جواد ...الو جواد نشوى .... ها اشلونج جواد اشبيه صوتج .... جواد وياج نشوى اشبيج .. تعال اخذني منا ....اخذني جواد احلفك بروح بابا تعال اشبيج اش صار .. كتلني مقدام .....جواد كطع ابني بأحشائي ...تعاال .. هو يسمع مكالمتي مع اخوية ويعلي صوته يبجي ...من خلصت عافني ......وطلع اجاني عمي كعد يمي وهو نادرا ما يدخل غرفه احد من ولدة ينشوة خابرتي اهلج ؟؟ اي عمي ... مقدام كتل ابني ... وكتلني هم وياه .. يبعد عمج ....روحي لهلج ...وياج اني بس ليش ما كلتي الي اخذج جم يوم واترجعين .... سكتت ... واسالني عمي ... عرفت مقدام كايل على اتصالي ثاني يوم انتظر جواد يجيني .... اجاني هو وامي .... شافوا حالي مزوركه امي كالت الي جانو رابطينا بيهم ماتوا ابوج وابنج راح ....جنا متحملين لخاطر ابوج يكول اهلي عزوتي اريدهم ياخذون مني مرة ... هسه ابوج راح كامت تبجي واني ابجي وياها .... جواد جان يم الزلم .... طلعت ذهبي والفلوس الي لامتها وملابسي بنفس الجنط الي اجيت بيها من بغداد حطيت بيها الغراص فضيت الكنتور من كل ملابسي والغرفة خليت امي تاخذ كل متعلقاتي اخوي عاتبهم على ضرب مقدام الي بس هم عدهم عادي الضرب مو مشكلتهم بس لأن مسقطني اتعذروا اهواي من اهلي ... .عمتي شهكت من امي طلعت الجنط للهول ... هاي شنهو ... رايحين ام فزاع .. جواد يمه جواد .. طلع جواد تعال ... شوفنا تكسي يا اشمالج مستعجله ...باتوا صدك جذب الطريج مو هين ....؟العضوة: 378864 , منذ 5 سنوات
الطريج مو هين ....؟ جواد ...لا انروح الولد هم حلفوا ما يطلعون .... وعمي ضل يحلف بجواد ....بس جواد من يقفل بعد ما يتراجع كان طالعه روحه منهم بالمناسبة مقدام ما شوف اهلي وجهه طلعنا وعمي خله سيارة خاصه اتوصلنا وعرفوا طلعنا زعلانين من بيتهم .... صعدت بالسيارة شفت عمي واكف بالباب وفزاع خلفه ..... باوعت للستارة مال البيت .... تذكرت اول ما اجيت ودخلت لهذا المكان كنت استاحشه واحسه يخنك ...... وصار مكاني الي متعودة عليه ..... احنه العراقيات حتى لو ما نرتاح بوضع نتألف عليه ونعيشة ونتعلق بيه !!! مشينا بنفس الطريق الي اجينا بيه اول مرة وبنفس الجنط ... من اجيت جانت مليانه ملابس عروس وفرحة مغموته بغصة وامل صغير بأن نصيبي زين هسه ملينات ملابس سود وكلبي مابيه غير الحرگة على الي راح ....... وصلت للبيت جنازة .... قضيتها بس نوم واكل قليل .... هذا البيت الكبير الي بابا سواه من افلوس عمي وانطاني الهم حتى يرجع يكون واحد منهم ...ما يدري من زرعني وسطهم الف سكين سكن بگلبي من عرفت بحقيقة طرد ابو اله ما استطرقت لهذا الموضوع لأن السبب صعب صعب جدا عليه اذكره لكن كان ابوه عنده حق يمكن ابوية بعدها رجع للطريق لكن بعديش المهم عرفته مرة من فزاع تلميحات واصريت على احد عماتي وكالته الي وريتني ما عرفت تأذيت بوقتها كان عبالي بس طيش شباب بس ما تصورته السبب كلش قوي... المهم اصريت على الطلاق .... وعمي خطية حاول يصلح الامور وعافني ثلاث اشهر حتى بس اهدأ ماكو مني فايده شافني قافله واتوسلة بروح ابوية يخليه يطلقني ....