السلام عليكم صبايا بحكي لكم قصة ولادتي بحملي في بكري كان حاملي جديد خفيف ولله الحمد والمنه مرت الشهور بدون ما احس مافي وحام ولا تعب ولا وهن لدرجة كنت اقول الحريم يكذبون ويسوون أفلام المهم جا الشهر التاسع مضى اول أسبوع وأنا مداومة أنا موظفة الاسبوع الثاني من التاسع أخذت إجازة لمدة أسبوعين قلت أكيد بولد فيه عدا الاسبوع ٣٧ وعدا الاسبوع ٣٨ اخر يوم فيه كلمت الإدارة أقولهم ابغى امدد إجازة لان ماعندي بوادر طلق او ولادة المهم انا كنت عند اهلي لما شافني زوجي كذا قال ارجعي لبيتك شكلك مطولة رحت لبيتي طبعا بين بيتي وبيت اهلي ١٥٠ كيلو هم في مدينة وأنا في مدينة ثانيه المهم رحت بيتي ونمت ولما صحينا فالليل ع الساعة ٣ بالليل قمت عملت لنا مقالي 😂😂 واكلنا وبعدها صار جماع قوي تحممت وسويت لي بركوة كبيرة ميرامية وخليتها تغلي لين قالت بس صفيتها وشغلنا لنا فلم انا و زوجي وقعدنا نتفرج عليه صار يجيني مغص مش مؤلم بس مزعج ويزيد شوي صار ينزل علي افرازات شفافة مع دم ع الساعة ٦ رحت المستشفى كشفت علي الدكتورة في الطوارئ وقالت هذي سدادة الرحم وفاتح رحمك ١ سم بس انتي بكرية مطولة تولدين روحي تمشي طبعا انا ما أخذت بكلامها لان رجولي توجعني مافيني امشي رجعت بيتي وسويت لي حليب ساخن شربته وجبت كرسي وقعدت تحت الدش مويه حاااااارة بعدها صار يزيد الوجع كلمت امي وقلت لها الوضع قالت اطلعي تعالي عندي قال لها زوجي اخاف تولد معاي بالطريق لان المسافة ساعة ونص قالت لا ماعليك هذي بكرية المهم طلعنا وهو ماشي ٢٠٠ خايف وأنا طول الطريق كل ما حسيت بوجع اضرب كتفه ذبحته 😂😂 وصلنا مرينا أخذنا امي وأختي ورحت المستشفى من دخلت قلت لهم ولادة سألوني عندك تحسس قلت كان عندي ربو سابقا المهم طلعوني لقسم الولادة وقامو يفخصوني فالوا ٢ ونص وصرت احس بألم شديد وصرت استفرغ ورجع الدكتور قاس قال ٤ المهم نقلوني لغرفة فيها حريم أربعة نفس وضعي كان جنبي وحدة تصارخ وتبكي الله يهديها توتر والله صليت أتألم واستفرغ يمكن خمس مرات والغرفة باردة جدا وكل مايجيني طلق أتألم وبعدها أغفى بعدين جا دكتور وقال اللي تبغى تمشي خلوها تمشي رحت مشيت وأنا امشي ما قدرت اكمل شوي انفرجت موية الرأس رجعت لسريري غصب مو قادرة امشي بعدين حا الدكتور فحصني قال ٧ ساعتين وتولدين ان شاء الله المهم بعدها صار الألم غير محتمل صرت ابكي ناديت الممرضة مطنشة بالعله جت اخر شي كشفت قالت ولادة ونقلوني غرفة الولادة صارت تقول يالله دفي ادف ادف قلت لها متى أولد قالت انتي وشطارتك صرت اسوي نفس مقولة ( شمي الوردة طفي الشمعة ) يعني اخذ نفس بقوة واطلع بعدين وسعت لي وطلعت (دييييييييم ) تبكي جميلة كأنها مارشميلو وزنها ٣ ونص ماشاء الله ❤️❤️❤️ قلت اعطيني يأها حطتها على صدري احلى شعور بالحياة راح الوجع بلحظة (سبحان مخرج النفس من النفس )بعدها طلعت المشيمة وخيطتني والله من الفرحة ما حسيت بألم وبعدها بقيت ثلاث ساعات وبعدها أخذت بنتي وطلعت لبيت امي (الحمدلله حمدا كثيرا مباركا فيه ) خلاصة القصة انا كان حملي خفيف وولادتي شبة سريعة كوني بكرية بدا الطلق ٦ وولدت ١٢ مع اذان الظهر طبعا انا ولدت بدون اي مسكن عشان الربو 💔 كنت مدخله جوالي في أدعية تسهيل الولادة كنت اقرها الميرامية و الموية الحارة تسرع الولادة إذا في طلق و سلامتكم