من حوامل سبتمبر انا اخر دورة كانت 2021/9/22 بكرية وهاد كان اول حمل الي بعد زواجي بسنة بنفس بوم عيد زواجي الاول اكتشفت اني حامل 🥺❤️وكانت الفرحة لاتوصف لانو من اول الزواج كان بدنا يصير حمل وماصار بسبب عندي تكيس ع المبايض وعالجتهن بالاعشاب لي هيا ميرمية وبردقوش ولعبت رياضة وسويت دايت لمدة اسبوع واحد فقط وبعدين حملت المهم تابعت عند الدكتورة وكل شهر اروح اطمن ع البيبي لما دخخلت الشهر الرابع قررنا نسافر علئ تركيا بطريقة غير شرعية((ت ه ريب))وياريت ماقررنا. لانو حرفيا كان الطريق متعب كتير ونقضيها مشي وكان الدنيا ثللللج شي متل الخيال ومع الاسف بقينا شهر كامل ع الحدود وماقدرنا ندخل قررنا نرجع ع بيتنا ورجعنا وبدينا حياة جديدة من الصفر وتحت يعني ههه الحمدلله بس انا ضل وسواس جواتي انو لاسمح الله الجنين صابو شي من كتر المشي او انو فيه تشوه او اي شي مو منيح كان بيخطر عبالي حسيت حالي مذنبة مرت الشهور ودخلت الشهر التاسع وصرت امشي مشي قليل موكتير بصراحة وبالاسبوع 38رحت ع دكتورة سوتلي فحص قالتلي حوضك ضيق مابتحسني تولدي طبيعي طبعا انا كنت مقررة روح اولد بمشفئ حكومة بسبب الظروف والتكاليف وكذا ف رحت معاينة ع المشفئ ورجعو فحصوني قالولي طبيعي حوضك فيكي تولدي طبيعي مرقو الاسبوعين الاخيرين وبلشت بالاسبوع 40وفجاة هيك العصر كنت نايمة فقت حسيت في وجع ببطني وجع اول مرة بجربو حاولت ارجع نام. ونمت صار يجيني الوجع بفترات مختلفة ومتباعدة عرفت انو الولادة قربت رتبت بيتي ونضفتو وتاني يوم حسيت الوجع صار يزيد رحت ع المشفئ قالولي مسكر الرحم بس يزيد الطلق تعالي ورجعت ع البيت صار العصر وبدات تجيني كل طلقة والتانية 10دقايق وطلق قوي رجعت رح ع المشفئ قررو يخلوني هنيك حطو الابرة بايدي وعطوني غرفة واتصلت ع خالتي مشان تجي لعندي وصارو كل ربع ساعة ينادو علئ اسمي مشان يعملولي فحص نسائي ومن الساعة 8المسا للساعة 1بليل عملولي 100مرة فحص نسائي وماكان يفتح الرحم ولا سانتي بالاخير قررو يخرجوني طلعت من المشفئ انا وعم ابكي من الوجع رحنا ع البيت خالتي بقت عندي مانمنا طول الليل يجيني طلق وهيا الله يسعدها تقوم تمسح ع ضهري وتساعدني وساعة 3بليل قررنا نطلع نمشي 😂😂لعل وعسئ يفتح الرحم فيقت زوجي وطلعنا انا وخالتي وزوجي. مشينا للصبح ورجعنا ونمت واختفئ كل الطلق للضهر ساعة 1. كان يوم الجمعة قلت خليني اكشف عند قابلة لشوف اذا فاتح رحم او لا رحت كشفت قالتلي فاتح 1سانتي ووضع الطفل كان لافف الحبل السري ع رقبتو وقالتلي اليوم لازم تولدي رجعت ع البيت حكيت مع حماتي ام زوجي قالتلي انا حاسة انك اليوم رح تولدي لانو ززوجك اجئ بيوم الجمعة وابنو ان شالله بيجي بيوم الجمعة اخدت دوش دافي ورتبت حالي ورحت ع المشفئ ولما دخلت عند الدكتورة مشان الفحص النسائي اجت حالة طارئ مرة عم تولد 😭انا هون صرت ابكي قلت بقلبي ياربي كيف رح اتحمل هل عذاب يارب اولد قيصرية المهم اجئ دوري فحصتني وقالت مو. فاتح الرحم وطبعا انا طلق ماعم يوقف معي كل 5دقايق طلقة مع ذالك رجعتني ورجعت طلعت من المشفئ عم ابكي زوجي شافني بهل حالة مارضي نرجع ع البيت فورا اخدني ع مشفئ خاص عند نفس الدكتورة لي قالتلي حوضك ضيق وفعلا اتصلنا عليها لانو كان يوم عطلة ولبنما وصلنا ع المشفئ الدكتورو وصلت عملتلي سونار قالت الحبل لافف ع الرقبة وسوتلي فحص نسائي قالتلي انا مو قلتلك حوضك ضيق ليش حتئ تتحملي كل هل طلق وخلال نص ساعة زوجي سوا اوراقي وطلعت ع غرفة العمليات وهون بدا الرعب اول مادخلت خطر ببالي ابرة الضهر كنت كتير خايفة منها قعدت ع تخت العملية دكتور التخدير قلي نامي ع ضهرك ونمت حطلي ابرة بايدي وحسيت حالي عم روح ع دنيا تانية بلحظة هيك عيكت وقلت دكتورة انا تخدرت؟قالتلي اي اي تخدرتي باي باي 😂😂😂ونمت قبل ما اطلع من الغرفة بعشر دقايق حسيت بجرحي وبوجعو وحسيت ايدين الدكاترة عم يلمسو جسمي بس ماكنت قادرة فتح عيوني لحد مااخدوني ع الغرفة وكان جايني ضيوف لما دخلت ع الغرفة كنت عم نادي ماما حرحي ع يوجعني وانا امي متوفية حسيت الكل صار يبكي لانو انا عم اسمع صوتن وحكيهن بس ماعم اقدر فتح عيوني وبعدين انا بلشت خبص بالحكي 😂😂مرة قول ابني حلو ولا لا ومرة قول كم وزنو ومرة قول لزوجي تعال بوسني 😭😂وخوالي وخالتي وخوال زوجي موجودين وخالت زوجي 😂😂والكل كان عم يضحك المهم نمت ليلة وطلعت كانت تجربة حلوة وبتمنئ عيدها عشر مرات لاني كتير بحب الولاد الله لايحرم حدا يارب واليوم ابني عمرو 20يوم وسميتو اياد