الحمدلله على تمام النعمة ولدت بتاريخ 28 سبتمبر صارلي اسبوعين والدة تقريبا آخر دورة كانت 9 يناير وكان موعدي المتوقع 16 اكتوبر الحمدلله اخذت عشرة ايام بس من التاسع وحبيت احكي لكم قصة ولادتي للعبرة .. بدأ الطلق معي من لما كملت اسبوع من التاسع وجلس رحمي اربعة ايام معلق على 3 سم وطلق بارد لحد اليوم اللي ولدت فيه اتذكر مشيت وشربت كمون ونمت وصحيت عالالم كان فيه ألم بس محتمل وغير منتظم رحت للمشفى قالوا لي فتح 4 خلاص ولادة لازم تنويم قلت لا بطلع قال الدكتور ماينفع وعصب عليا ورضيت بالامر الواقع وتنومت مرت اول ساعة اطالع فاللي حولي ومو حاسة بأي شي غريب بعد ساعتين بدأ ألم قوي وصرت ابكي واصرخ ونادوا الدكتور قال خمسة سم .. ويشتد الألم اكثر بعد الكشف صرت امسك فطرف السرير كل ماجاتني الطلقة ومن رحمة ربي ان الطلق مو متواصل يشد دقيقة ويعطيك راحة وكنت ماسكة نفسي عن الصريخ جات اختي قالت ماتحسين بشي تبغاني اولد بسرعة قلت الا بس ماسكة نفسي قالت لاتمسكين نفسك ورجعت للنواح 😂 لما شافوني الممرضات كذا نادوا الدكتور كشف علي قال ستة سم وانا اصرخ وشادة نفسي قالي انتي كيف حتولدي وجلس وقت يقيس استغربت ايش فيه لما جات الممرضة ومعاها شي غريب وفتح لي مويه الجنين وصارت الدنيا تحتي غرقانة وابكي واصرخ واحس شي بيطلع مني بس قلت دوبها ستة كيف بولد مسكت نفسي شويه وقلتلهم ودوني الحمام لما رحت للحمام احس ابغى اتبول بس مو قادرة واقوم واجلس على الكرسي ابغى شي يطلع وارتاح بس مافي شي يطلع والممرضات يخبطون عالباب ونادوا اختي تطلعني كنت خلاص ماني قادرة اقوم احس شي بيطلع شالوني بالقوة ونادو الدكتور قال خلاص ولادة يعني كنت بولد فالحمام 😭 بالولادة خلاص الألم راح كانت الممرضة هي تلمس بطني تشوف فيه طلق عشان ادف لان ماصرت اميز فيه الم او لا بس ابكي والحمدلله دفيت خمس مرات وطلعت للدنيا بنتي نور عيوني نصيحتي للبكريات حسب احتمالك للألم لو تقدرين تأخذين ابرة الظهر خذيها لأن كثير كذبوو عليا قالو نفس ألم الدورة والصدق انه ألم جديد ومختلف كليآ .. وثاني نصيحة لاتروحين حمام اذا حسيتي بشي بيطلع حتى لو كان بول مو البيبي سويه على سريرهم 🙊