صباح الخير يا بنات. اني من حوامل فبراير شهر 2يوم10. عندي 3بنات اكبر وحدة اول ابتدائي. وازغر وحدة عمرها سنة و9اشهر. بداية حملي ماشية الامور زينة. سويت سونار بشهر الخامس من حملي طلع ولد.وحيل فرحنا اني وزوجي. ومشت الاشهر دخلت بشهر السابع من حملي.رحت سويت سونار طلع بنية صح انقهرت باالبداية بس بعدين كلت الله شيرزقنا خير من اللة. وطلع عندي فقر دم.والتهاب مجاري بولية.والتهابات داخلية.والطفل نازل بيت الرحم.. انطتني علاج الدكتورة واستمريت علية.دخلت بشهر التاسع.. نص التاسع .كملت 20يوم بشهر التاسع ماكو ولادة رحت للقابلة فحصتني كالت ماكو اي توسيع والطفل عالي.وتتاخرين بالولادة.روحي لدكتورة خلي سويلج سونار وشوف راس الطفل وين.رحت لدكتور كالت راسة نازل للحوض شي قليل وبادي يصير عندج توسيع.وصتني باالمشي. خلصت 40اسبوع وماكو ولادة تجيني طلوكة بس باردة صرت 40/اسبوع و3ايام رحت للدكتورة سوت سونار جان دكول راس الطفل عالي وتوسيع ماكو.والمي بادي يقل.دزتني اسوي دبلور سويت دبلور ورجعتلها جان ادكول لازم اجيبين عملية بسرع وقت لوهسة بليل لوالصبح يوم الثلاثاء الماضي.سوتلي احالة المدينة الطب.رحت ثاني يوم المستشفى النعمان لان كالو موشي مدينة الطب.دخلت لاالاستشارية جان دكول الطفل نازل وعندج توسيع اصبع ونص حرامات اجيبين عملية.وانتي بناتج 3طبيعي كالت انطيج فرصة منا لااحد.اذا مجبتي رجعيلي سوتلي تحاليل..طلعت زينة..طلعت من المستشفى رحت الموسى الكاظم.ع.مشيت مسافة طويلة وطلبت مراد ورجعت هم مشيت.رجعت للبيت غسلت بمي حار ورجعت العصر طلعت تمشيت ورجعت تبخرت بمي حار وغلست بمي حار يوم الاربعاء بدت الاوجاع عندي كعدت الصبح يوم الخميس الساعه 6ونص الصبح نزلت علية السدادة وبدت الاوجاع تقوة.ظليت تبخر بمي حار وبطنج صارت طلوكتي كل ربع ساعة.رحت للقابلة ب7ونص بليل جان دكول صاير توسيع اصبعين بلكي اللة نص الليل لوالصبح اجبين.كالت رجعي للبيت وكل ماصير الطلوكة كل 5دقايق مرتين تعاليلي..رجعت زاد الوجع صار كل 10دقايق وهاي كل شوية اتبخر بمي حار وبطنج الساعة ب10ونص بليل بعد متحملت صارت كل 3دقايق طلكة..رحت للقابلة فحصتني وظربتني ابرة توسيع.ومن 10ونص للساعة ب11الاثلث بليل يلة جبت..وجبت ولد بعدة معانت بس وصلت الموت يلة جبتة وطلع الطفل ازرك والمسر ملفوف لفتين ع ركبتة.. وشارب مي الراس... وهسة شوية احسن...اتمنى تستفادون من قصتي.... وسميتا علاوي.....