قصة ولادتي

قصة ولادتي 7amal /templates/dist/assets/img/logo.png
اولاً الحمدالله♥️
عصر 26 يوليو :
كنت طفشانه مره وكل تفكيري متى اولد فحاولت امشي الوقت وقمت سويت لي حلا معاه" قرفه " وهذي اول مره اكل قرفة من بداية حملي ثم جاء المغرب واخذت لي عصير "اناناس"طبيعي ، ثم جاء العشاء واحس بطني مره متحجرة حتى ماكان لي نفس اكل ابداً وامي حست لاني اول مره ما آكل 😂 المهم رحت شقتي حاولت انام عيى النوم يجيني لين الساعة 12:34 حسيت بشي مثل الموياء تنزل مني كان لونها مايل للصفار " موية الجنين " المهم اقوم مخروشه وقلبي يدق حسيت الولادة قربت واروح ع الحمام واطلع منه وابكي وزوجي يحاول يهديني وانا ما اعرف شي اول حمل لي مع اني تثقفت بس الخوف سيطر علي ، المهم ادق ع امي واخذ اغراضي وطايرين ع المستشفى بس ماكان فيه وجّع ، وادخل للطوارئ وتسويلي فحص وكان الرحم فاتح 4 سانتي قالت تبين تنويم قلت لا واطلع من الطوارئ الا الالم بدأ يزيد بشكل وكنت واقفه برى المستشفى وزوجي وامي معاي وامشي شوي واطرش وترجع تنزل موية الجنين واقول لامي خلينا نرجع البيت كان كُل همي ارجع انام كُنت مره خايفة 😭 وكانت الساعة 4:00 واذن وامي راحت تصلي وانا حسيت معاد اقدر اتحمل الالم ورجعت تنومت عندهم وكان كُل دقيقة الالم يزيد حاولت ما ابكي والله ساعتها تمنيت المُوت الم الم والله مُو طبيعي الله يكتب اجرنا🙏🏼 ، المهم كانت امي تدخل عندي واسوي نفسي عادي وانا خلاص ميته الم المهم تدخل الدكتوره وتشوفني بس الف يمين ويسار وما اصارخ تحسبني ماكنت أتألم وقعدت تناظر فيني ساعة كامله وانا بس ادعي واستغفر ♥️ ...
الساعة 6:00 قامت تسويلي فحص وكان فاتح 10 سانتي هنا الدكتوره انصدمت وقالت يلا يلا ولادة وانا حسيت بشي بارد نزل ع جسمي ويودوني غرفة الولادة وكُنت ادفع ادفع وكانوا يشجعوني وكلهم مجتمعين عندي بعد 8 دفعات نزل حبيبي ع الدنيا الساعة " 6:56 تاريخ 27 يوليو " سبحان الله الالم كُله راح بس اناظر فيه وابكي واضحك مُو مصدقة حسيتني في حلم المهم سوت الدكتوره تنظيف وخيطتلي وطلعوني وحبيبي معاي بس قعدت في المستشفى يوم واحد الحمدالله 🙏🏼♥️
-
" دعواتكم لي و لطفلي ، نصيحة وقت الالم استغفروا واذكروا الله لان الصراخ مايفيد ابداً والله يسهل عليكم يارب♥️