حابة اكتب ل تضل للذكرى ...
انا حملت بتوأم وراثي ..وطلع معي بنتين
بحملي الأول بكري جبت بنوته زي القمر
والحمد لله ربنا اكرمني ومن علي واكرمني بكمان وردتين .....رح احكيلكم عن يوم ولادتي
من اول السابع وانا باخد ابر تثبيت وتحاميل مثبتات بس كان معي التهابات وكنت دايما خايفه اولد قبل موعدي
صرت ب اسبوع ٣٤ ... كان علي وجع من ايام لا يعتبر طلق مش منتظم زي حملي الأول ولا حامي ه القد ... ف استبعدت يكون ولاده !
بس كنت قبل يومين فاحصة عند دكتورتي وخبرني اني الرحم مفتوح ف كانت ايدي ع قلبي يزيد التوسع ، فحصتني بالسونار المهبلي دكتورتي خوفا من انها تعمل تحريض باليدوي
و يوم ١٧.٧ ...ب اسبوع ٣٤ علي وجع اسفل الضهر بيسخن ...ومش منتظم
بس احساسي قلي في اشي غلط
جهزت شنتاتي وقلت اروح اشيك بالمستشفى ويا خوفي اكون ولادة
ودخلت ع الطوارئ ....فتت ع الفحص
والدكتورة تغير لونها وصارت تلاخم وترن ع الدكاترة ، بدون مبالغه ٤ دكاترة فوق راسي غير العاملات والممرضات
التوسع كان عندي كامل ١٠ سم وانا مش حاااااسة!!! رنيت ع زوجي بسرعه ما بعرف كيف دخلت التلفون اساسا ممنوع! وحكيتلو انا داخلة عملية ولاده طارئة وهو يحاول يفهم ويحكيلي ليش شو في شوو صار حكيتلو عملية بااااااي
بس راس بنت تحت والتانيه فوق
شلحوني بسررعه ولبسوني الروب وانا بهاي اللحظات حرفيا لحظات بس بحاول استوعب شو في حتى ما لحقت اخاف او ابكي !
وودوني بالمصعد ع غرفة العمليات والكل بيركض ....بالمصعد ما بعرف شو خطرلي سألت الي معي انتي رح تولديني! ...حكتلي اه ...قلتلها " امانه ديري بالك علي "
كنت لحالي مش فاهمه شو بصير بحاول استوعب .....
وبعدين بلحظه صرت ادعي واقول ربي انزلني منزلا مباركا وانت خير المنزلين .....وانا يا بنات والله ما بعرف متى وكيف سمعت ه الذكر لكن سبحان الله ربنا اذنلي بالذكر وضليت اكررو ....٣ أنفاس وصحيت ع صوت حد بنادي علي رااااما راااما ....كانت ممرضة بتنادي علي اصحى
وانا كان الي يومين مش نايمه .....اول فكرة خطرتلي للوهلة الأولى " مين المزعج يلي بصحيني خلوني نايمه" ههههههههههه
وبس استوعبت اني ولدت صرت انادي ع الممرضة تيجي تعطيني مسكن لاني حسيت بالجرح
وبعدين بس ردو علي سألت ع بناتي
هما مناح!
أمورهم تمام !
كان قلبي يغلي عليهم
الله يحميهم
وصرت احكي الحمد لله حتى يبلغ الحمد منتهاه واكررها ..... وبس ودوني غرفتي استلمت ذكر ربي اني لما انزلت الي من خير فقير
بنات والله عمري ما حكيت ه الأذكار والله
انا لهلا مصدومه من وين اجو ع لساني
سبحان الله
انا من اول حملي مسلمه أمري ل الله والله يا بنات بنام وبقوم بقول لا حول ولا قوة الا بالله سلمت أمري لله وراضيه بقضاءه
والحمد لله ربنا كان معي
جبت آيلا وآيسل
آيلا قلبي معي ما احتاجت خداج وآيسل روحي بالخداج الها اسبوع محتاجه جهاز الأكسجين في تحسن بس لسا بدها وقت
امانه يا صبايا تدعولها موجعه قلبي 🥹
وهاي قصتي
ادعو كتير وآمنو انو ربنا رح ييسر الأمور، وانو كلشي ب ايد رب العباد
❤️
العضوة: 910598 , منذ شهر
الله يحميهم يارب ويحفظهم ويجعلهة من البارات الصالحاتالعضوة: 1832488 , منذ شهر
هههههه يا حبيبتي ولاده مسهله الحمدلله الله يطلعها بالسلامة يارب والحمدلله على سلامتك وسلامتهن❤️العضوة: 767147 , منذ شهر
@user-1720482 الحمد لله عسلامتك وربنا يكرمك باحتضان بناتك وهن بصحه وعافيه ماخاب من سلم امره للهالعضوة: 1635240 , منذ شهر
ليش ماولدوك طبيعي بما أنه الرحم فاتح حتى لو طفلة طبيعيالعضوة: 1720482 , منذ شهر
الله يبارك فيكم حبيباتي ويقر عيونكم بتحقيق مرادكم يا رب ما ولدوني طبيعي لانو الروس مش تحت وحده نازلة ب ايدها وراسها ع الجنب وحده اجريها تحتالعضوة: 1672385 , منذ شهر
مبروك ياقلبي والحمدلله على سلامتك وسلامة البيبيات وربي يرد بنوتك لحضنك باقرب وقت وهيي بكامل صحتها وعافيتها يارب ❤️العضوة: 1743369 , منذ شهر
ياااه والله ان دمعتي نزلت وجاني خوف وفرح بسلامتكم تستاهلون العافية وربي يحفظ لك بناتكالعضوة: 1844805 , منذ شهر
الحمد لله حمدا كثيرا طيبا مباركا تتهني ب توام يتربون ف عزك الحمدلله ع سلامتكمالعضوة: 1720482 , منذ شهر
الحمد لله بنتي طلعت بعد ١١ يوم بالخداج ، الله يبارك فيكي ويسلمك ويناولك مرادك يا ربالعضوة: 1720482 , منذ شهر
حبيبتي الله يجبر خاطرك ويسلمك والحمد لله بناتي معي ومناح اللهم لك الحمدالعضوة: 1720482 , منذ شهر
الله يسلمك حبيبتي الحمد لله توأمي مناح ومعي اللهم لك الحمد وربي يجبر خاطرك ويناولك مرادك ❤️العضوة: 1426918 , منذ 4 أسابيع
ي عمري كيفك هلا و البنت التانية طلعت بالسلامة ذكرتيني يوم ولادتي نزل علي وحي كنت عم اقرأ قرآن بالترتيل و أدعية ما شاء الله و حتى في بنت معي كنت عم تولد لما يجو يشيكوا علينا يلاقوني عم اقرأ و البنت الي نعي عم تبكي و تسخر صاروا يحكولها شوفي الي معك و اقرأي متلها قالتلهم نسيت كل شيء المسكينة ضلت عم تقول يا الله يا الله و انا عم اقرأ عليها و عليالعضوة: 1720482 , منذ 3 أسابيع
والله الذكر مأذون من رب العالمين ، الله يسهل ع جميع الحوامل ويقومهم سالمات.....سبحان الله من أعجب الأمور في الدنيا الولادة ...كيف روح بتطلع من روح وبيكون بني آدم كامل جوا بني آدم ....الله يطعم كل مشتهيالعضوة: 1783071 , منذ 3 أسابيع
ألف الحمدلله على سلامتك وسلامة الحلوات وربنا يكرمكِ بخروجها من الخداج بخير وصحة وعافية وتفرحي بيهم والله يسهل علي وعلى كل حامل ياربالعضوة: 1844547 , منذ 3 أسابيع
الحمدلله ع سلامتك وربي يجعلهم من نصيبك يارب