اللهم لك الحمد انا من حوامل فبراير اخر دورة ٤ فبراير بيوم العاشر من الشهر التاسع بلش معي وجع خفيف لمتوسط بس ماكان طلق لانو ماكان منتظم اخذت حمام وارتحت راح الالم ثاني يوم تقريبا الساعة ١١ صباحاباليوم ال١١ من الشهر التاسع بلش معي طلق كان خفيف جدا ومحتمل كل ٥ دقايق طلقة بس ماكان الم قوي انتظرت لصارت الساعة خمسة المسا ورحت لعند دكتورتي ع العيادة فصحتني قالتلي ٣ سانتي فاتح الرحم بس بعيد لسا وفي طلق عم بجي اتمشي شي ساعة وروحي ع المشفى رجعت ع بيتي ضبضبت غراضي ومشينا ع المشفى ماقبلو يدخلوني لصالة الولادة لحتى تصير الساعة ٧ كرمال يغيرو شفت الممرضات وتستلمني ممرضة جديدة وكنت اتمشى وكان لهلاء الطلق كل خمس دقايق وكان محتمل مو هالوجع القوي ........ طبعا زوجي يطلع عليي ويقلك والله شكلك مو ولادة وهلاء رح يرجعونا ع البيت 😅بفكر متل المسلسلات بتفوت الوحدة تصرخ وصوتها بعبي المشفى وانا بطبعي ما بصرخ بس تيجي الطلقة بكتمها وصارت الساعة ٧ وفتت والحمدلله كانت الممرضة بنت حلال الله يجزاها الخير هيا صح صارمة بس ساعدتني الحمدلله فحصتني قالتلي صار ٦ سانتي وركبتلي المصل (وعفكرة يبنات المصل يلي بركبوه اول ماتفوتو لصابة الولادة كلهو فيه طلق صناعي )وهون بلش الوجع المزبوط طلق قوي وحامي بس كمان حسيت بقدر اتحمل يعني لسا محمول معي الوجع ومن الساعة سبعة لصارت ٩ وانا اتلوى من الوجع فحصتني قالتلي صار ٨ بس الراس كتير عالي وماعم بلف وكنت بس تروح الطلقة ادعي واقرا قراءن بس حكتلي الراس عالي انا اتوترت والوجع صار اقوى واقوى وهيا تحاول تبرم الراس كرمال تساعد ينزل والرحم كان فاتح ١٠ سانتي بس الراس ماعم ينزل صراحة يابنات اخر نص ساعة شفت الموت وتعذبت طلعو عيوني ربع ساعة كانت وجع قوي وموقادرة اتحملو واحكيلها بدي ابرة الصهر تقلي مافي البيبي لازم يطلع لو بدي اعطيكي الابرة بيوم كامل ما بتولدي ربع ساعة وقالتلي شفت شعراتو واخذتني لغرفة الولادة شي ٣ او ٤ طلقات وشفت ابني حبيبي😍 اخ يبنات مابقدر اوصفلكم هاللحظة احلا لحظة بحياتي كل وجعي راح بس بشوفتو كان تعبان شوي لانو اتاخرت بالولادة بس الحمدلله اجا الدكتور وطمني صحتو منيحة بس تعبان منهك من مرحلة الولادة وقالتلي الدكتورة راسو كبير لهيك اتاخر لنزل مع انو الرحم فتح ١٠ سانتي بس طول لخرج الراس والف الحمدلله على هي النعمة ربي يحفظلي اياه يارب واليوم يتمم ٦ ايام من نفاسي انا وأميري يارب ربي يتمم لكل حامل حملها بخير وسلامة 🩷😍💙يارب ربي مايحرم حدا هي اللحظة