قصتة ولادتي الثانيه. 😪✌️

قصتة ولادتي الثانيه. 😪✌️ 7amal /templates/dist/assets/img/logo.png
رحت للدكتوره اول يوم بلتاسع جان موعد مراجعتي طبعا. ولادتي السابقه جانت كلش صعبه وولدت اصطناعي لذلك هذي الولاده كنت خايفه. والتزمت بمواعيد الدكتوره.
المهم. رحت جيكت الوضع. وكان كلشي تمام من حركة طفل ومن مايات ونبض. وماكان عندي توسع ولااصبع. اعطتني الدكتوره 20 يوم كالت راح تولدي. بهاي الفتره. وفرضا ماولدتي ترجعيلي. اسويلك اصطناعي. مااعرف ليش كانت مستعجله رغم كلشي تمام حسب كلامه نصحتني. بلجماع والقرفه والهيل اشربهم سواا ومنعتني منعا باتا من صعود الدرج لان ينزل الرحم. ونصحتني بلمشي. والحركه رحت وهل 20 يوم طبقت كلامه صار 17 يوم بلتاسع واي بوادر ولاده ماكووو وقت قلقة خفت يوصل موعدي وساعة يحولوني اصطناعي رحت علمستشفى بسبب تقلصات جدا خفيفه. بشرتني السستر الي بلمستشفى قالتلي كلشي تمام الطفل نازل بلحوض. والتوسع اصبع. لو زاد التوسع وزاد الالم. نولدك. اني فرحت رجعت علبيت. وبقيت اطبق كلام الدكتوره. يوميه امشي واتحرك واكل تمر اشرب قرفه الوجع بليل موجود وبلنهار يختفي صار 20 يوم وماولدت 😢😢😢😱 هناا دخلت انذار وعندت ماارجع علدكتوره خفتتت من الاصطناعي لان جربته رحت علمستشفى. نفس التوسع. طبقت الطريقه مالت زيت الزيتون قلت عساا تفيد سويته بليل. 2 يوم حسيت بوجع اكثر شوي من قبل رحت ولكيت التوسع 1 ونص فرحت رجعت علبيت. ونفس الروتين بقيت 3 ايام على هل حال وماكو اي بوادر ولادة
رحت عدكتوره ثانيه طمنتي كلشي تمام وهلاسبوع راح اولد. فرحت من ساعة الرجعت من الدكتوره. واني احس بتحجر كل ربع ساعه بقيت 3 ايام علىى هل حال والمستشفى ماتستقبلني الااذا طقت المايات او صار طلق مايحتمل. بقيت اخر ليلة للفجر واني ماكدرت انام بسبب التحجر واحس اكو ضغك جوه رحت علحمام وتفاجئة 😱😱 شي منفوخ جوه بدون طلق. خفت رحت من التعب نمت الفجر كعد الساعه 11 الصبح اكلت شي قليل بس المشكله مو كادره اكعد على مقعدي احس شي جواي المهم. هنا بلش عندي الوجع مثل الام الدوره. شوي اكثر تروح وتجي. رحت علمستشفى كان التوسع 2 ونص. طبعا نسيت اكولك. من اسبوع صار التوسع 2 ونص سانتي. وماقبلوا يولدوني. عند مارحت. نفس الشي كالولي راح نعطيك ابره لو صار عندك طلق خير علخير ولو ماصار شي ترجعي على دكتورتك لازم اصطناعي هنا خفت بس كلت الله كريم اخذت الابره شي 10 دقايق. وشفت الموت بلش طلق قوي 😢😢صرت ابكي. بقيت من ساعه 2 الظهر واني اطلق اطلق وكل 10 دقايق الوجع يزيد الى ان وصلت مرحله صرت اصرخ اجت فحصتني كالت صار التوسع. 3 وعندك طلق بس لازم يصير 4 يله ندخلت صالة الولاده بقيت للساعه 4 احت شافت التوسع صار 4 حولوني لصالة الولاده طققت المايات. وصعدت على ذاك السرير الصغير للولاده متملكني خوف. وقلق. من كلشي من وجع عايشه ومن خوف علبيبي ومن خوف من شق العجان ساعة تتجمع كل المشاعر ببالي وانسى كلشي وقت يجي الطلق. وابلش اصرخ وادفع. سمعت السيتر الي تولدني تقلي اجه والله اجه ادفعي ادفعي. صرت ادفع ادفع. فجئه كالت وقفي لاتدفعي. لاتطك اخياطك القديم. الالم لايحتمل وقت يجي الطلق غصبا عنك تدفعي طلع راس البيبي وهنا الصعوبه زاد ان الحبل ملتف على رقبة الطفل. ومخنوك. الي ولدتني كانت شاطره. فرت الطفل مرتين وخلصته وكالت ادفهي بسرعه. حتى اساعدك بلسحب دفعت دفعت بكل كلةمره كنت ادفع. نص طقت جسمي كنت تعبانه من السهر بليل المهم بقيت ادفع طلع الطفل وانتهى الوجع نوعا مااا خلوه على بطني. واني اتمنى المسه بس صراحه مالي قوه حتى احرك جسمي هههه اخذ ماريا بنتي علغرفة الثاني. للتنضيف وبقيت اني. اجه دور الجاره الي هيه المشيمه صراحه مزعجه جدددا والمفاجئة كانت المشيمه مفتوحه ماعرفنه السبب وماشقوني شق العجان الحمدلله بس انجرحت جرح بسيط واني طلبت تخيطه اخياط واحد حتى لايتوسع بلمستقبل. وخلصت قصتي. وصار كلشي ذكرى ربي يهون التعب على كل حامل ويسهل لكل مقربه ولاده. ويفرح كل مشتهي ياارب. 😘👋