بنات رح احكيلكم قصتي بحملي الاول ان شاء الله تبعث الامل والتفائل والراحه وعدم الخوف من الولادة وحسن الظن بالله قصتي هي باول ثلاث شهور كان زي اي حامل تعب وغثيان واستفراغ والحمدلله عدت وثاني ثلاث شهور كانو اجمل شهور عندي راحه وخفه ونشاطي زاد ومافي تعب لكن اخر ثلاث شهور هان قصتي باخر الشهر السابع مرضت بكورونا وبعدها صار تجيني حكى بجسمي مي طبيعية كل يوم تزيد بطلت اعرف انام من كثر ما احك لدرجه كان يسيل دم من كثر الحك رحت على الدكتورة وحكتلي معك حساسيه واعطتني دوا لكن ما اتحسنت بعدها فتت على قوقل واكتبت الاعراض وطلع انو ممكن يكون السبب ارتفاع انزيمات الكبد وفعلا رحت ثاني يوم وحللت وطلع عندي ارتفاع بانزيمات الكبد وبسببها دخلت المستشفى مده اسبوع كامل لحتى انزيمات الكبد نزلت شوي وحكولي مجرد ما تدخلي التاسع لازم تخلفي لانو خطر على البيبي وحددوا موعد للخلفة كان يوم خميس كان بدهم يبلشو معي طلق صناعي واذا ما زبط عملية وطول الاسبوع يلي قبل خايفه وادعي وابكي لانو سمعت بوجع الطلق الصناعي والخلفة لكن زوجي كان يطمني والحمدلله انو قريب من ربنا كثير وحكالي ان شاء الله فجر الخميس رح تخلفي طبيعي من دون ولاشي وكنت احكيلو كيف ما صارلي كم يوم بالتاسع وكان يحكيلي ربك على كل شي قدير وفعلا فجر الخميس الساعه خمسة صحيت فجأة من النوم لحتى ادخل الحمام واذ مية الراس تنزل من الفرحة 😂 طلعت من الحمام بسرعه و وسخت البيت بمية الراس لحتى اخبر زوجي واصحيه والله يا بنات خلال ساعتين كنت مخلفة والحمدلله سهله ما توقعتها هيك والله طلعت الخلفة سهلة وجعها محتمل وحتى الفحص الداخلي لا تخافو بنات والله عادي مافي وجع الحمدلله وسميت البيبي ربيع ومن كثر ما كانت سهله حملت بالثاني بسرعه 😂وانا الان حامل ببنوته بالشهر السادس ان شاء الله ولادتها تكون اسهل واسرع من اخوها اهم شي الدعاء بنات ♥️