قصتي وكيف كانت ولادتي اخر دورة 9/9

قصتي وكيف كانت ولادتي اخر دورة 9/9 7amal /templates/dist/assets/img/logo.png
الحمد لله انجبت طفله صارلي اسبوعين انتظرت تصير صحتي زينه واسولفلكم قصه .....اني بامريكيا من بدايه حملي كنت ماعرف
اني حامل اخذت لقاح جان القاح حي يشوه الجنين ولمن كلت للاطباء حولوني اختصاصي وظليت طول الحمل اتابع الطفل الحمد لله كان حملي كويس ماعانيت من سكر ولا ضغط ولا تهديد بالاجهاض وصلت شهر ثامن كان رمضان وصليت ليلة القدر وبليل تسرب مني موية رحت للطوارئ وطمنوني انو ماكو شي وبعدها دخلت بأول تاسع رحت للاخصائي قال انو مويه الطفله نازله جانت 16 صارت 14 وبعدهي دخلت بالاسبوع 37 واني ورمت كل جسمي ورجلي اكثر شي صار منظرها يخوف وماكو بوادر ولاده رغم انو فاتح جان عنق رحم 1.5 سم بس قال طبيبي انو وزن طفل 3500 وراسه كبير ومنازل بالحوض.. بعدين حاولت اولد ضليت اربع ايام احاول وكل محاولاتي باتت بالفشل المشي والاناناس وغيرها نشرت موضوع اتكلم بي عن محاولاتي اخر يوم صعدت درج ونزل بس كان نزول كنما اريد اطرح يعني بالنزول اقفز واذب جسمي ضليت تقريباً 20 مره وبعدهي ايست ونمت اني بيومها جانت بطني توجعني مثل الم الدوره صار ب3 بليل وازداد الم استغليت الفرصه وسويت قرفصاء صار ب5 فجر ونمت تعبت مااحس غير صوت شي طك داخلي رحت للحمام ومااشوف غير مويه طفل كلها نزلت ورحت للطوارئ بالطريق اجاني طلق حامي لمن دخلوني لكوا انو طلق منتظم كل دقيقتين يجي وانفتح عنق رحم 2سم وظليت متوجعه من طلق لحد 12 ظهر طلبت ابره ظهر انطونياها وانطوني طلق صناعي وانفتح عنق رحم 4سم وجان كولشي بجسمي متهيئة للولاده ماعدا الحوض جنت احس بالطلق بس مااحس بدفع عرفت انوو اني مااكدر ادفع واولد طبيعي قالوا بالمستشفى انو عضمه الحوض صغيره متتحمل طفل وانو راس طفل ورم من كثر دفع ولازم نحولك عمليه قيصريه لان اذا بقيتي هيج راح بتأذه الطفله ودخلت عمليه بنج نصفي ساعه ب4:44 ولدت بنوتي سميتها شهد الحمد لله بقيت بالمستشفى 3ايام وطلعت بس تندمت لان ولدتها بالاسبوع 37واربع ايام اجتي صغيره كولش وطلع وزنها 2800 بس الحمد لله صحتها تمام وهاي قصتي ويه الحمل خلصت رحلتي بالحمل وبديت رحله امومه. متعبه ونسيت شي اسمه نوم 🥲✋