صبايا هاي قصه حقيقيه ..
القصة تقول :
انا بنت عمري 8 سنين كنت عايشة ببيت بسيط وسط عائلة بسيطة كنا اربع بنات وخمسة شباب ،كان بابا وماما عطول متخانئين عطول مشاكل وصياح وضرب .آاااخ شو كانت حياة كئيبة حزينة
في يوم من الايام مرضت إمي وصارت مابتقوم من الفرشة وصرت انا وإخواتي كل يوم نقلا روحي ع الطبيب وهي كان جوابا لأ مابدي ، بدي موت وإرتاح وريحكون من كل هي المشاكل ،وانا كل مابسمع هي الكلمة بتصير دموعي تنزل وماعاد توقف .وظلت إمي معندة ومابدا تروح للطبيب وكل يوم تسوء حالتها اكثر وبابا كل يوم بقلا يلا خليني آخد للطبيب بس هي مثل العادة مابترد .
ولما لقيتا مكبرة راسا قلت خلاص بكرة ماراح روح ع المدرسة وإعمل حالي مريضة وإذا طلبت إمي ياخدوني ع الدكتور مابروح إلا إذا راحت هي كمان وبالفعل نجحت الخطة ورحنا انا وإمي عالطبيب فتت انا بالاول وبعدين إمي وياريتني مااخدتها معي
لانو الطبيب طلع وقال لبابا البنت مافيا شي بس الإم لازم تاخدوها ع المشفى فورا حالتها خطيرة وبعد ماسمعت حكي الطبيب بلشت إبكي بس عم حاول مابين دموعي لحدا وصارت إمي تقول مابدي روح عالمشفى خلينا نرجع ع البيت بلكي
العضوة: 378864 , منذ 4 سنوات
خلينا نرجع ع البيت بلكي بموت وهيك بترتاح مني قصدا ابي يرتاح منا قام بابا ماسمع كلاما واخد ورقة من عند الدكتور لحتى يدخلوها ع المشفى . ركبنا السيارة ورحنا عالمشفى عطى البابا الورقة لدكتور هنيك فجاة إجو اخدو إمي وهي كانت جالسة جنبي والوجع عم ياكلها وهي عم تحاول ماتبين نيموها ع سرير متحرك وبلشو يحطو إبر كتيرة ع إيدها وانا بس عم إتفرج ماني فاهمة شو عم بيصير بعدين إمي قالتلي بنتي ياروحي قربي لعندي شوي قربت لعندا وحطيت راسي عصدرا وهي عم تبكي وتقلي ماتبكي حبيبتي خليكي قوية وديري بالك ع حالك وعلى إخواتك وانا بقلا لا إنت طيبي ورجعي لعنا وساعتها إنت ديري بالك ع ولادك انا مادخلني ضحكت إمي رغم كل وجعها وقالتلي ماشي ياروحا لإمك راح طيب وإرجع المهم امسحي دموعك وبعدين إجا دكتورا وقالي يلاإنت ارجعي ما البابا ع البيت وإمك راح تضل زيارة عنا راح ندير بالنا عليها وقرب مني وحضني وقالي إنت بس ادعيلا إنو تطيب وترجع هزيت انا براسي يعني إيالعضوة: 378864 , منذ 4 سنوات
انا براسي يعني إي رجعت قربت من إمي وبستا من وشا وقلتلا إمي انا بحبك وعفكرة ضحكتك كتير حلوة لانو إمي كانت قليل لتضحك لدرجة اني نسيت ضحكتها وبعد ماقلتلا هيك بلشت تبكي بس عم تحاول تمسك دموعا وماعم تقدر واخدتني في حضنا بكل قوتا حتى حسيت إنو هي آخر مرة راح احضن فيها إمي اخدو إمي وطلعت انا مع بابا وانا قلبي عم يتقطع من جهة وفرحانة من جهة ثانية . إذا عجبتكون راح كمل باقي القصة شكرا كتيرالعضوة: 378864 , منذ 4 سنوات
..تكملة القصة .... الجزء الثاني كنت فرحانة لانو قدرت آخد إمي عالدكتور وحزينه لانو مارجعت معي عالبيت ركضت ومسكت بابا من إيدو ونحنا ماشيين سالت بابا راحترجع إمي مو؟ مارد علي قمت قلتلو إمي راح تطيب وترجع مو ؟ مارد كمان بعدين اطلعت عليه وقلتلو با.... وسكتت وضليت عم إطلع عليه مصدومة وبعيدن قلتلو عم تبكي لا مابصدق بابا عم يبكي قام ضغط على إيدي وصار عم يسرع بمشيتو حتى صارو رجلي ماعم يلمسو الارض من كثر ماعم يسرع وبعدين فلتت إيدي من إ يدو بكل قوتي وقفت وقلتلو ليش عم تبكي ليش إمي شو مرضا يلا جاوب وماتقلي مابها شي دموعك اكيد وراهون شي وانا عم إبكي وصرخ وصار كل المشفى عم يطلع علي نزل البابا ع الارض وقالي يابنتي ولله إمك مابها شي وانا ماعم إبكي قلتلو وانا عم إطلع بعيونو إلي كان لونون احمر مثل الدم ودموعك هدول شو ابتسم وقالي مابعرف شو فات على عيني مشان هيك هي مانا دموع صدقيني وحضني وقالي يلا نرجع عالبيت يابنتي الحلوة حملني وطلعنا من المشفى وانا مو مصدقة ولاكلمة من يالي قالو ...العضوة: 378864 , منذ 4 سنوات
وانا مو مصدقة ولاكلمة من يالي قالو ... ركبنا السيارة وطول الطريق ساكتين ماحكينا ولا كلمه ، وصلنا ع البيت دخلت وإجو إخواتي شو طلع معك شو قال الدكتور وهنن عم يحضنوني ويلاعبوني هاد انا اشتقتلك وهاد ياملعونة وهاد البيت مابيسوا من دونك بس انا ولاكلمه ساكتة وعم إطلع عليهون . وبعدين قالت إختي لكبيرة صحي وينا إمي وبابا . نزلت راسي ع الارض وبلشت إبكي وبهي اللحظة دخل بابا ركضو لعندو بابا...بابا...بابا وينا إمي ... اطلعت ع بابا روحت ع غرفتي لانو بعرف ماراح يحكي شي وانا موجودة وانا كنت حابة اعرف شبها إمي ... فتحت باب الغرفة بس مافتت ورجعت سكرتو ورحت اتخبيت بالحمام إجا بابا لحتى يتاكد إنو فتت ورجع عند إخواتي طلعت انا ورحت إتسمع ع حكيون.. بابا: إمكون اخدناها ع المشفى وبلشو إخواتي ليش ...ليش ....شو بها إمي شو طلع مرضا وبلشو يبكو وانا حطيت إيدي عتمي ودموعي تنزل مثل الشلال وانا ناطرة بابا ليحكي .العضوة: 378864 , منذ 4 سنوات
ناطرة بابا ليحكي . بابا:راح قلكون بس مابتحكو شي لاختون قامو كل إخواتي قالو وهنن فارطين من البكي وعد يلا شوبها إمي بابا: معها مرض خطير ويمكن ماراح تطيب لانو اتاخرنا كتير لحتى اخدناها ع المشفى... وفي هي اللحظة حسيت للوقت وقف وقلبي راح يطلع من محلو وجسمي عم يرجف ورجلي ماعادو حملوني وصارت الدنا الدور فيني وما حسيت ع حالي إلا وانا ع الارض والكل عم يحاولو يصحوني ..... رح كمل الجزء الاخير شكرا لانو قبلتو تسمعونيالعضوة: 378864 , منذ 4 سنوات
الجزء الثالث و الاخير من قصتي .... صحيت لقيت بابا حاملني بحضنو وإخواتي عم يبكو شي علي وشي على الخبر لي سمعوه ولسا ماعم يستوعبوه مثل ماني مصدقتو ولا فايت بمخي . اطلعت بعيونو لبابا وكانو نفس لعون لي بالمشفى لونون احمر وشفت فيون ندم وإنكسار وخوف وكلشي بعدين قالي ياعمري إنتي شو حاسة قلتلو نفس لي حاسو إنت قام ضمني وقالي ياروحو للبابا إمك راح تطيب إنتي بس ادعيلا .قلتلو بابا إنت بتحبني مو ؟ قالي لك مو بحبك بس إنت روحي وكل حياتي قلتلو بابا ...قالي يا عيونو لبابا امرني قلتلو انت راح تعالجها لإمي وماراح تخانقها وراح ترجع لعنا مو ؟ قالي وعد ماراح خانقها وراح اعمل لي بيطلع بإدي نحنا بس ندعي الله يشفيها ويرجعها ع البيت قلتلو بصوت خفيف انشالله ماتخلف بوعدك لانو ماعم اقدر صدقك ونمت بحضنو . فقت بنص الليل مرعوبة لانو حلمت إنو إمي ماتت وانا عم صرخ وينا إمي جيبوها لعندي إجو اخواتي وهنن عم يحاولو يهدوني بس انا ماعم اسمع شي غير بدي إمي وبدي إمي ...... إجا بابا واخدني عغرفتو وعم يحاول يقنعني وانا غير عم صرخ وقول انت السبب انت مرضت امي من كثر الضرب والصراخ وبابا صابر وساكت وبس عم يقولي يابنتي ياحبيبتي إمك راح تطيب ...العضوة: 378864 , منذ 4 سنوات
إمك راح تطيب ... طلع الصبح ورحت ع المدرسة وعيوني مو قادرة افتحون من كثر البكي وصارو كل رفقاتي يسالو شو صاير معك وانا ساكتة فتت وجلست بمقعدي .إجت أستاذتي وقالت طلعو واجباتكون وانا ماحليتو للواجب لانو غبت ع المدرسة مبارح إجت لعندي وقالتلي ليش غبتي مبا رح وانا ساكتة ولاكلمه رجعت سالت مارديت وبلشت إبكي قامت معلمتي طلعتني لبرا وقالتلي حكيلي شو صاير معك ليش عم تبكي قلتلا ممكن تتصلي ع البابا يجي ياخدني قالتلي ليش شو في ممكن تفهميني وانا ساكتة راحت ع الادارة وطلبت منون يتصلو ع البابا ليجي . إجا بابا قالي شو ساويتي قالتلو معلمتي ماعملت شي بس يمكن لساتا مرضانة خدها ع البيت رحت انا ع السيارة وبابا ظل شوي وإجا وراي . ونحنا راجعين ع البيت قالي بابا ليوم رايحين زيارة لعند إمك ا وبلشت اصرخ من فرحي رايحين عند ماما هاااي ...... رحنا ع المشفى ركضت ع الغرفة لي كانت فيها إمي بس ما لقيتا اطلعت عالبابا وإخواتي وعيوني تعبيت دموع وينا إمي !!!!العضوة: 378864 , منذ 4 سنوات
!!!! صارو الكل يركضو وخايفين حتى إجا دكتور وقال لاتخافو اخدنا مشان التحاليل ونجيبا قلت في نفسي اووووووف الف الحمد لله وبعدشوي إجت إمي وهي مو قادرة لاتحكي ولا تفتح عيونا قام الدكتور قال للبابا ولله لو ترجعو بكرة بكون احسن لانو المريضة تعبانة مو خرج زيارة بس انا مثل كل يوم عنيدة رحت غصب عن الكل وبستا لإمي وحطيت راسي ع صدرا وقلتلا إمي إذا كنتي تحبيني طيبي ورجعي ع البيت ولا تحرميني من حظنك لانو انا مابقدر عيش بلا حنانك ونفسك و.... وحملني بابا وطالعني لبرا وصرنا عم نبكي والبابا ماعم يلاقي شي ليعملو مشانا ركبنا السيارة ورجعنا ع البيت وكان ثاني يوم عيشو من دون إمي ... ثالث يوم لإمي بالمشفى فقت الصبح ورحت للبابا وهو نايم بابا ...بابا ...بابا صحي بابا وقالي شو في ليش فايقة من الصبح .قلتلو ليوم ماراح روح ع المدرسة بدي روح عند إمي .هز بابا براسو يعني إي وقالي يلا خلينا نام لسا بكير ونحنا نايمين رن تليفون بابا وياريتو مارن ..... بابا : الوالعضوة: 378864 , منذ 4 سنوات
بابا : الو المشفى :السلام عليكم إنت زوجا للمريضة .... البابا : إي انا المشفى : المريضة بدا تشوف ولادا لانو حالتها في مرحلتها الاخيرة البابا: وهو عم يحاول يخبي خوفو ماشي بعد شوي راح نجي يعني هي اتحسنت وفيها تشوف ولادا يلا بعد ساعة بنكون هنيك وسكر الاتصال رحت انا فيقت إخواتي ولبسنا وطلعنا عالمشفى وهنيك كانت الصدمة الكبرى بكل حياتي كان في ناس كتيييييير قدام غرفتا لإمي وبلشنا نحنا نطلع ببعض ونركض وانا دقات قلبي عم تزيد وصلنا ع الغرفة مالقيتا لإمي وماراح القاها بكل حياتي لانو رجعت للي خلقها سال بابا وينها المريضة قالتلو مرا هنيك كانت الصبح حالتها مو مستقرة وطلبت تشوف ولادا بس الوقت ما سمحلها تشوفون وهي بتسلم عليكون وقالتلك دير بالك عولادك وع حالك وسامحوني ماقدرت إرجع لانو الله اخد امانتو وبعدين قالت هديك المرا وينا مريم اطلعت انا عليها وعيوني كلون دموع وحسرة وقلتلا انا ..... قالتلي تعي يابنتي إمك طلبت مني بوسك على خدك وقالتلك سامحيني ولله كنت حابة ارجع لعندك بس مو بإدي ولله ومابعرف شو صار بعدين لانو غفيت عكلمة ولله .....العضوة: 378864 , منذ 4 سنوات
انتهتالعضوة: 450198 , منذ 4 سنوات
اوووف الله يساعدج حزينه هلقصه الله يحفض لامهات ويشافي المريضاتالعضوة: 196411 , منذ 4 سنوات
@user-378864 حلوهالعضوة: 309892 , منذ 4 سنوات
😭😭😭😭 مع الأسف لا نحس بقيمة الأشخاص واغلاطنا إلا عندما نفقدهم قصه حزينه وجميله احسنتيالعضوة: 378864 , منذ 4 سنوات
@user-309892 سوتلج منشنالعضوة: 249880 , منذ 4 سنوات
😭😭😭😭😭