السلام عليكم صبايا الحمدلله على تمام المنة انتهت رحلة وهن على وهن ورزقني الله بطفلة اسميتها (حُـور ) انشاءالله تكون من مواليد السعادة حبيباتي بدي نوه ع شغلة بكل فحص لا تنسي تسألي دكتورتك عن نسبة ماء الجنين ..ولادتي الاولى كانت طبيعية .. ولادتي الثانية ما كنت حاطة احتمال واحد من ١٠٠انو قيصرية .. بس بسبب كثرة الماء خبرتني الدكتورة عدة احتمالات سيئة .. ف اخترت القيصرية .. يا بنات نزلت كمية ماء رهيبة اثناء العملية ولقو الحبل السري لافف حول رقبة الجنين مرتين .. قالتلي الدكتورة حتى لو ضليتي عشر ايام فوق شهرك ما كنتِ رح تولدي طبيعي لان الحبل السري كان رافعها لفوق وما كان راسها رح ينزل بالحوض وممكن لو ولدت طبيعي انو تتوفى ببطني او بعد الولادة لا سمح الله .. ف الحمدلله على تدابير رب العالمين وعلى كل اختيار اختارلي ياه بعد الاستخارة