السلام عليكم ورحمة الله وبركاته بنات موضوعي اليوم بعيد عن الحمل وزوج والأطفال امانه اي وحده تشوف الموضوع تعطيني وجهة نظرها في الموضوع، لأني في حيره وهم وتفكير متواصل ما يعلم فيه الا الله ، عاد انتم تعرفون الحامل ونفسيتها كل شيء يتضاعف الحزن وصداع وتفكير وقلت النوم … انا لي سنتين ونص ساكنه في بيت ملك، وانا اول وحده من اهلي اسكن في بيت ملك على اني الوسطى من خواتي واخواني ، اهلي كلهم من أمي واخواتي واخواني بخير ونعمه بفضل من الله .. الله يزدينا ولا ينقصنا ، المهم يوم جو يزوروني اول صدمه لي من أمي جعل ربي يطول في عمرها جابت لي هديه ( دفاية زيت ) واللي صدمني اكثر انها ما دفعت فيها ولا ريال اخوي هو اللي دافعها ، على إن زوجي ما قصر مع اهلي وخاصه أمي يعاملها كنها أمه ولا تدخل بيتنا الا يذبح لها هي واخواني ، ولا تتصل علي تبيني اجيها الا اكون انا اول وحده حاضره ، بنات تكفون افهموا علي ادري بتقولون هذول اهلك اللي اقصده ان خواتي ما يسون ربع اللي سويته ، حتى مصروفي اللي من زوجي قسم الله اقسمه بيني وبين أمي ، الصدمه ماهي هنااا 😭 قبل كم يوم اختي اللي اصغر مني سكنت في بيت ملك الله يمهلها ويبارك لهم فيه ، الا امي تكلمني تقولي محتاره وش اقدم لهم قلت وش راح تقدمين قالت بقدم لهم ١٥٠٠ جتني صدمه ولا قدرت اكتمها والله العظيم بسرعه تفعلت بنات يشهد الله ماهو غيره بس حسيت بشعور كني ما استاهل على اني والله انا وزوجي حنونين مره مع أمي وكل شيء اقوله لأمي اي شيء يصير معي اقوله لها انا لها كتاب مفتوح😭، غير عن خواتي ما تعرف أمي عن حياتهم شيء .. المهم نفعلت بس والله بهدوء قلت يمه انا معطيتني دفايه زيت قيمتها ما تسوى حتى ٢٠٠ ريال ولا دفعتي فيها ولا ريال واختي راح تعطينها ١٥٠٠ يمه اعدلي بينا تكفين ، أمي وقتها جتها صدمه قالت ابشري اذا جيتك مره ثانيه اللي بعطيه اختك بعطيك مثلها .. قلت لا عطيها مثلي ولا انا مابي شيء بس قلت اعدلي تكفين يمه بينا😞، وقتها زوجي جا وطلعت البيتي ما مداني وصلت البيت الا اختي اللي اكبر مني تتصل علي تقولي أمي أم كبيره تعطي اللي تعطي انا ماقصرت معها تقصدني انا 😞 صارت تذكر اختي يومي عزوبيه عندها قالت سويت وسويت وسويت لها .. بنات جتني ضيقه وحزن وهم ما يعلم فيه الا الله ليه كذا يا يمه ليه يا القلب الحنون 😭😭 بعدها بكم ساعه حولت لي ١٥٠٠ المهم بنات كنت في بيت أمي قبل كم يوم انا وخواتي ، اجتماع عائلي ، انا من دخلت بيت اهلي حاسه بضيفه وحزن ودي اصيح ، بديت احس ان مالي قيمه عند أمي وان الشخص الطيب مهما قدم وضحى الا انه مالها قيمه ، ولا حترام ، وان الناس تحترم وتقدر وتحسب حساب الشخص اللي عنده حدود ولا يجامل على حساب نفسه ويحسبون الف حساب له ويفكرون الف مره اذا بيقدمون له شيء انت الطيب اخر شيء يفكرون فيه … بنات تكفون اعطوني وجهة نظركم وتعليقكم مع اللي حاصل معي ، يشهد الله انا شخصيه حساسه وخذلك حساسه وموضوع يخص الاهل تحسين وقتها ضيقه ضيقتين 😞♥️