العضوة: 504273 , 3 years ago

التاريخ اليوم ٥-٨-٢٠٢٣ وحالياً انا بالشهر الثالث.. بالاسبوع ١٢.. الوحام بهالفترة زاد عن قبل كتير او بشكل خاص الغثيان واللعية كل يوم اصحى من النوم على لعية.. وما ارجع انام وهالموضوع متعبني كتير، اكلي منيح الحمدلله وطاقتي منيحة بس فورا بتعب من اي شي وبصير بس بدي اقعد وارتاح.. .. اليوم بنتي فيقتني من ال ٨ مع انو الجو حلو ومستمتعة بالنومة بس خلص حابة تفقسلي نومتي بدها نوتيلا وزبدة فول سوداني.. قمت عملتلها وطارت النومة ههههه..

العضوة: 504273 , 3 years ago

سبحان الله كيف بتمرق الايام.. عم بتذكر شعوري بالاسابيع الاولى.. كنت استنى اليوم يخلص بالساعة والدقيقة بس لحتى يمضي شوية وقت طبعاً مع شعور الوحام والتعب والبدايات.... كانت نفسيتي تعبانة والجو متقلب وصرت ابعد عن بنتي كتير وما اشيلها اخاف ياثر.. وبس تنام ازعل واحسها بعدت عني هههههه الله يحميهاويحفظها.. فعلا مشاعرمتقلبة خصوصا باول اسابيع.. .. اكيد مع خوف سماع النبض وشوفة الجنين بضل عاعصابي كنت لحتى يجي موعد الدكتورة واتطمن الحمدلله.. بس بالاخر كلها ايام.. والايام بتمشي بسرعة بلمح البصر لذلك بقول لازم استمتع بهالكم يوم لانه فجاة رح لاقي حالي بالتاسع😅

العضوة: 504273 , 3 years ago

بعد تلات شهور انا حاليا بالشهر السادس وحاسة حالي صرلي سنة عم بستنى شوفة البيبي😅.. عم بعد الايام والساعات بس لحتى يقرب الوقت بس يلا هانت راح الكتير وضل القليل.. ما بقى شي للشتا مع انو نحنا بشهر ١١ بس لسا الدنيا دفا 😅.. وكل يوم بصحى عضيق نفس وخنقة مع اني لسا بالسادس بس انت متعبني يا حبيب ماما... عم بفكر ابلش اجهزلك من هلأ واجيب اواعي الك والي احس ما يجي الشتا والمطر ويزيد التقل والتعب واضل أأجل الطلعات😅... الحمدلله هاد الشهر من اخف الشهور بتحس بالطاقة والتفاؤل صح في تعب بس باقي اعراض الوحام كلها اختفت وزاد الجوع والاكل 😂كل شوي جوعانة وبفتح التلاجة... باقي اسبوع لادخل السابع باذن الله واسبوع لحتى اشوفك عند الدكتورة واطمن عليك يا قلب الماما..❤️ 6-11-2023