العضوة: 1491002 , 3 years ago

المهم اني انتظرت أحمل بفراغ الصبر لدرجه اني بس اذا اتأخرت الدوره انبسط وافكر اني حامل 😂وبعدها بخمس ايام تجي نذله🌚الدوره خفت من انو اللولب يسبب لي عقم وافكار مادري وش تبي بالحياه وانا خاطري بالنونو وحسيت بكل وحده تنتظر الحمل وكنت ادعي لي ولكل امرأة ودها بالحمل و جلست ٧شهور واللولب مسوي مانع بعدها قلت ليه ماروح المستشفى واكشف واتطمن ع وضعي ورحت والحمدالله قالت كل شي تمام بس اذا جاتك الدوره ثاني يوم تعالي نسوي فحص قلت طيب وعطتني حمض الفوليك وشلت من بالي الحمل وقلت خليها على الله وانتي بس تفكرين بالحمل وعيالي بعد فديتهم كلما شافوني اكلت وبطني انتفخ قالوا ماما فيك نونو 😂😂😂😂 مايدورن انه قالون 🌚 صرت اسوي فيهم مقلب كلما كبرت الكرشه🤣🤣😅

العضوة: 23122 , 3 years ago

@user-1491002 كملي

العضوة: 1491002 , 3 years ago

ابشري 😂😂

العضوة: 1491002 , 3 years ago

وابد جلست انتظر الدوره تجي علشان احلل لكن ماجات قلت الظاهر انها بعد بتتاخر 🤣🤣🌚 غساله ايديني منها مو بس كذا صارت بس تجيني خمس أيام مو عادتها ابدا اول يوم وثاني وثالث ورابع ولا شكيت ابد رغم خمول والهدوء للي انا فيه وانا من النوع للي نشيط اشتغل واقلب البيت هههههههههه بس ماش ويوم الخامس قلت هااااا والله شكلها صارت يؤؤ بديت اوسوس وماخليت فيديو باليوتيوب عن اعراض الحمل ومافي مقطع اقنعني بالحمل الا وحده قالت حطي اصبع السبابه على السره اذا فيها نبض مو حامل واذا مافي نبض يعني حامل والتجربه ذي سويتها قبل وطلع فيه نبض وهالمره لا لا أحاول مره ومرتين وصدق مافي نبض ولاصدقت وانتظرت الين سابع يوم عاد قلت خلاص لازم اجيب جهاز تحليل منزلي 🤔

العضوة: 1491002 , 3 years ago

وسوت التحليل وطلعت النتيجه بسرعه خطين😍 والله جلست انط من الفرحه مو مصدقه فرحت الين بكيت😭 وجلست تقريبا ١٠ دقايق وانا ماقادره اصدق يالله شعوري كاني اول مره احمل بحياتي❤️ 🤲 اسال الله بهذا الايام الفضيلة ان يزرق كل أنثى تتمنى الذريه الصالحه يارب لك الحمد والشكر على كل نعمك وسبحان الله اذا ربي كتب لك الحمل راح يصير واذا ماكتب وانتي مافيك شي مايصير بنهايه كل شي بقدرة الله عز وجل كنت محتاجه شي فرحني وينسيني هموم كنت محتاجه هديه من ربي 😭❤️ وبشرت زوجي شفت الدمع بعينه 😢 وفرحت عيالي وقالوا أخيراً ياماما وكل شوي يسالوني صدق انتي فيك نونو يافديتهم 🥰

العضوة: 1491002 , 3 years ago

وعطول نزلت برنامج حياة حاسبة الحمل رفيقي الدائم وقت الحمل وكنت بالاسبوع الخامس 💝 وماكنت احس بشي غير الخمول والهدوء والله اني مستغربه وضعي يابنات الهدوء ولا مبالاه بشي يعني ما اشيل هم شي افكر هو من الحمل ولا من الظروف للي مريت فيها خلتني كذا 🤪 شعور حلو اني وصلت لمرحله ماافكر في الماضي ولا اشيل هم المستقبل حتي حملي هذا كنت ابيه يصير رغم الظروف الصعبه وحياتي المنقبله فوق تحت وللي حولي احسهم مستغربين 🌚 كيف تحمل الحين 😁😂 والحمدالله اعرف نفسي ويقيني بالله وموكله اموري كلها عليه ليش مااعيش يومي بيوميه ليش اوقف حياتي عند كل صخره تجي قادمي واندب حظي لا بالعكس لازم يعرفون الناس ان الله كاتب كل شي ومقدره والرزق مستحيل احد يوقفه عليك او يمنعه انه يجيك بكل الطرق ولا يصلح ان الواحد يفقد الامل بالله ولازم نحسن الظن فيه سبحانه وتعالى واستقبل باذن الله تعالى روح جديده 👶 رحت المستشفى وكنت خايفه يكون الحمل خارج الرحم لا سمح الله والحمدالله الكيس في مكانه الصح 👌😂 وحجمه كويس وقالت لي خمس اسابيع واربع ايام لكن مافي نبض ولا جنين لانه لسه صغير وتعالي بعد ١٠ ايام يبين كل شي ان شاء الله اووه حبيبي نتفتي الصغيره 👶😍 من الفرحه قلت قبل لا اطلع اعقم ايديني واضغط العلبه الا يطلع لي صابون 😲😬 ولا ابي افتح الباب 😖 قلت للدكتوره ممرضه هذا معقم ولا صابون قالوا صابون ههههههههههههه واغسل ايديني وقلت معليش من الفرحه وانا اساسا مرتبكه شعور غريب حتي الممرضه ع بالها انو اول حمل لي ماتدري انه الثالث 🤣😊

العضوة: 1491002 , 3 years ago

الاسبوع السادس 6️⃣ عاد هنا بدا الغثيان🤢 من اصحى الين انام وانا اعاني بحملي هذا مره قوي ومع استغراغ بس مره في اليوم يوم اصحى نشيطه ويوم لاا الحمدالله اكره نفسي اذا تعبت 😵 كل شي في حياتي يوقف زين عيالي هم للي يقومني غصب اجهز لهم اكل بس لو يخلون الشروط الكثيره 😭 وانتظر متي يجي الاسبوع الجاي وروح للدكتوره علشان اتطمن ع النونو

العضوة: 1511014 , 3 years ago

ياقلبي الله يتمم عليك حملك يارب ويرزقني ويرزق كل وحده يارب الذريه الصالحه في الأيام المباركه يارب

العضوة: 1491002 , 3 years ago

الاسبوع السابع 7️⃣ كنت نايمه وصحيت وقدام عيني مكرونه بشميل يااااااالهويي جا خاطري فيها بس وين اغراضها مو عندي وكسلانه اني اسويها قلت ليه مااسوي محاشي واروح المطبخ اطلع العده واسوي غدا والمحاشي ع العشاء واخرتها تغديت ونمت نومه اليمه😴😴😴 هههههههههههههههه 😂😂😂😂😂😂 وصحيت مكسره حرفيا اي شي اسويه يتعبني حتي انفاسي كاني بالشهور الاخيره ربي يهون علينا جميع وبعد يومين رحت أخيراً المستشفى وشفت نتفتي جد نتفه ياربي سبحانك وسمعت النبض لكن لاحظت شي دقات القلب صوتها هادي مدري فهمتوا علي يعني مو سريع وسويت تحاليل وان شاء الله بعد العيد اروح موعدي

العضوة: 1491002 , 3 years ago

🤲امين يارب ربي يعوضك العوض الجميل اسعدني مرورك 💕🌷

العضوة: 1463110 , 3 years ago

ماشاء الله قصتك جميلة الله يتمم عليك بالخير والعافية وادعي معي ومع كل الحوامل

العضوة: 1511014 , 3 years ago

كتبي ياقلبي سوي لك مذكرات كتبي وش حسيتي قبل الحمل وكيف عرفتي انك حامل واعراض الحمل منها تكون ذكرى ومنها تفرغين الي في قلبك وترتاح نفسيتك منها الأمهات يستفيدون من ملاحضاتك وشعورك ان شالله ربي يرزقني هشهر واسوي لي مذكره🤍🤍🫶🏼❤️🤭

العضوة: 1491002 , 3 years ago

انتي للي جميله وروحك اللهم امين الله يسهل علينا ويبارك لنا بعيالنا ❤️😍🌹

العضوة: 1491002 , 3 years ago

يا قلبي الله يبارك فيك 😊❤️ جعل ربي يجبر بخاطرك و الله ماتدرين الحكمه للي ربي كاتبها لك مافي شي عند الله يضيع لا المك ولا همك وكسرك وباذن الله يعوضك عوض جميل يفرح قلبك ويسعدك وتولدين بالسلامه وتحطينها بحضنك ويجعلها بار بوالديها ومرضيه الله ورسوله يلا اكتبي وانا اول المتابعين 😍😊

العضوة: 1491002 , 3 years ago

يارب الله يرزقك ماتتمنين وبشريني 😍❤️