العضوة: 1491002 , 3 years ago

الاسبوع ٢١ دخلت من اربع ايام وقبل ٣ ايام جاني الم فضيع في بطني زي الكهرباء واحس بثقل تحت شوي والنونو يطيح حرفيا كنت احس كذا لاني بس سويت الغداء وغسلت مواعين 🥲 ولاتشغلت كثير وتعبت ظهري وبطني وجلست يومين كذا كلمت دكتورتي قالت لازم تروحين المستشفى يا الطواريء او العيادات قلت لا بكرا بروح العيادات وللاسف هي مو فيه 😮‍💨 المهم اليوم الثالث كان الم اخف بس رجعت حالتي دقات قلبي سريعه ونفسيه مااااش شينه متضايقه وابكي كان نفسي اتنوم بالمستشفى احتاج اني مااشوف احد ابي اجلس بروحي واكلي يجيني والله كان ودي اقول لدكتوره كذا بس استحيت 🤭 شفت الدكتوره صاحبة كلمة السونار كتثيررر ما زين 🙄 الحمدالله نتفتي زينه وسالتني عرفتي الجنس قلت لها اي بنت انتي وش تشوفين قالت ٥٠ بالمئه بنت مااقدر اكد لك شي ولا تسوي سونار كثير لانه يضر الجنين وطبيعي وضعك لان الحمل متعب كل شي عندها طبيعي 🤣🤣 ع بالها اني اجي علشان السونار انا اجي من تعب حملي هذا غريب شوي ونوعا ما انا اوسوس كثير عندي خوف بعد ماقريت قصص عن انفجار الكيس وموت الجنين فجاء 😭💔 صرت اخاف كثير لكن توكلت على الله وربي يكتب للي فيه خير ويصبر قلب كل ام لفقدها لجنينها وصدمت الخبر ربي يعوضهم العوض الجميل والاجر الكبير وجات طلبات شي ان بس مو كامله🥲 اول مره يسوينها لكن بجد تهبل من جمال القماش والشكل وراحه وواسع باللبس بحط لكم صورها

العضوة: 1491002 , 3 years ago

هذا الثوب يجنن يصلح لصيف والشتاء كيووت

العضوة: 1491002 , 3 years ago

هذا خفيف لطيف 🤣

العضوة: 1491002 , 3 years ago

اااخ ياربي هاذي تهبل وقماش بعد وفي السروال مقاط توسعين وتضيقين مره حبيت 😍

العضوة: 1672004 , 3 years ago

ماشاءالله عليك احس وانا اقرا كلامك بطاقه ايجاببه 💕

العضوة: 1491002 , 3 years ago

يسلمووو كلامك صنع يومي 😍❤️ وذكرني بالمدونه 🤣🥹

العضوة: 1672004 , 3 years ago

كويس ذكرتك عشان تكملينها اتوقع الحين وصلتي الاسبوع ٢٣ 😂💕

العضوة: 1491002 , 3 years ago

صح 🥰😍 ابشري من امس ناويه بس كنت مشغوله

العضوة: 1491002 , 3 years ago

الاسبوع ٢٢ بصراحه كان اسبوع متعب وحزين بالنسبه لي كنت مضغوطه مع ولدي بالدراسه وهو بعد ما يساعدني لدرجه تزعلت مع ابوه بسبب وضعه تكونين تعبانه وتفكيرين بكل شي والنوم مايحتاج قليل وضغط بيت وتلقين ناس تلومك بكل شي انام ابكي اصحى ابكي نفسيتي حرفيا زفت ولا كنت حابه اكتب لكم شي ووضعي كذا غير الفايروس للي جاني انا وعيالي ومانقول غير الحمدالله على كل حال وتطور حملي صرت احس بثقل وحركات النتفه كثيره احيانا اخاف عليها اقول يمكن فيها شي 😅 ولا الحبل السري مضايقها 🤣🤣🤣🤣افكار عجيبه غريبه وانصدمت اني دخلت السادس ع بالي فيه وقت باقي بس بسرعه الايام تمشي ولا شي ان كلمت الباقي كنت طالبه ١٠ قطع فيها ثوب وملابس داخليه لكن ماجات الا ربع قطع وانتظر ع بالي بتجي بعد اربع ثلاث ايام لا مالهم حس ومشاكل انا وياهم ومع بعد شركة النقل 😡🤯 والمشكله خذوا مني المبلغ كامل وضعي كان لا تعليق 😢😭

العضوة: 1491002 , 3 years ago

الاسبوع ٢٣ صراحه برنامج الحاسبه صار ثقيل ع صدري بعض الناس للي فيه غريبه وخلتني اكره حرفيا وماادخل كثير بس ما راح اترك مذكرتي فاضيه ادري صرت اتاخر كثيير عليكم بالكاتبه وانتو تنتظروني 😮‍💨 اعتذر منكم 🥰❤️ بالاسبوع ذا نفس النفسيه الشينه 🤣🤣🤣 للاسف وكنت من التعب مااقدر اكل وبطني يكون فاضي ونتفتي ترفس وتحركني معها لدرجه صارت حركتها مؤلمه لي بسبب الضعف والحيل مابه 🥲 الله المستعان ولا اخفي عليكم اني دايم في قلق وتوتر وخوف من اني اخسر حملي وهنا عاد بدا الحرقان ❤️‍🔥ااااااااخ ياقلبي وتبدا رحلتي مع الثلج والتكسير والاكل بعد كل وجبه وللاسف صرت انسى اخذ الحديد والكالسيوم

العضوة: 1491002 , 2 years ago

٢٤ و٢٥ و٢٦ و٢٧ و٢٨ و٢٩ و٣٠ و٣١ 🧐مر كل هذا ولا كتبت شي مافي شي جديد غير الحركه البيبي القويه واحيانا مؤلمه ومرات اكون نشيطه ومرات ماودي اتحرك من مكاني ولدي الثاني زاد تعلقه فيني وعناده وشبه حرب يوميا معه 😅😅😅 صرت ما اتحمل اصواتهم ولا حتى مشاكلهم ضغط البيت كل يوم يزيد علي لدرجه ابي ابكي كله من الثقل ربي يخفف عنا ويعطينا القوه والصبر بطني مره صغير مو نفس حملي الثاني كان كبير المهم ان كل شي تمام ونتفتي بخير والوقت مصدومه منه مر بسرعه الحين انا بالثامن سبحان الله و مو مستوعبه 😅😅🤣🤣🤣🤣 والنسيان حدث ولا حرج يعني لو تقولين لي ابي كذا اقول طيب وانساك 🤣🤣🤣🤣

العضوة: 1587078 , 2 years ago

اسم الله على قلبك استمتعت مره مع مذكرتك الله يتمم لنا جميعاً ويرزقنا شوفة البيبيات بصحه وعافيه يارب سردك للكلام حلو ولطططيف انا تقريباً نفس وضعك عندي تسقيط اول حمل وولدين بعدها وحالياً حامل وقالت عندي بنت احسك كتبتي نص شعوري لما عرفت انو عندي💗🫦 ربي يبلغنا شوفتهم ع خير

العضوة: 1563606 , 2 years ago

دحين فالاسبوع الكم

العضوة: 1563606 , 2 years ago

حبيت المذكره للذكريات وكل لحظه عشتيهاا😭💕💕 انا للاسف م كتبت مذكره الا لما قدني الشهر ااثامن🥲🥲🥲

العضوة: 1491002 , 2 years ago

يسلملي قلبك من كل شر واذى اسعدني مرورك وتعليقك 😍❤️ اللهم آمين والله يجزاك كل خير ولك بالمثل ياقلبي