العضوة: 1491002 , 2 years ago

اسبوع ٣٣ وخمس ايام

العضوة: 1491002 , 2 years ago

يسلمووو ياقلبي 😍❤️ مو مشكله اهم شيء تكتبين وتفرغين مشاعرك وراح ادخل اشوفها

العضوة: 1491002 , 2 years ago

اسبوع ٣٢ هنا عاد تعبت فجاء من ظهري وبطني😭😭 والله يابنات ماقدرت اقوم من فراشي الا بس للدورة المياه الله يكرمكم وتحجير يومين ثقيله صراحه 😮‍💨😮‍💨 المهم رحت المستشفى كنت مسويه قبل تحاليل وابي اشوف النتيجه واقول للدكتوره عن تعبي المهم شافتني كل شي تمام الوزن والراس والرجول وكانت الحلوه وضعتها عكس الرجول تحت والراس فوق بس الحمدالله غيرت الوضعيه😇😇 وطلع عندي نقص في حديد وزدات لي الجرعه وسويت تحاليل عن وضعي والآلام للي جاتني طلع بسبب الالتهاب في بول وووو 🫣🫣 عاد اعرفوا بس هي ماخذت مني مسحه المهم عطتني الدواء ورحت البيت استخدام علاج للاتهاب حبوب وفي الدواء الثاني للمنطقه صراحه اول يوم ماقدرت الدواء غريب ومخيف واحس اني مااحتاجه بس خفت ع بنتي وقلت توكلي اول استخدام عدا ع خير ثاني استخدام لا سبب لي حكه وقرف وانا ما كان فيني شي وسحبت عليه بصراحه انا نادر ماتجي مشاكل الحمدالله في ذيك المنطقه وبعد العلاج الحمدالله تحسنت وصرت غزال🦌🦌 يارب لا تحرمنا الصحه والعافيه ويخليها ربي تاج ع راسنا لاننا بدونها ولا شي نعمه عظيمه لازم نعرف قيمتها ونحمد الله دوووم عليها 😍 وصرت غزال ثقيل 😂😂😂😂😂 غسلت ملابس حلوتي وجهزت اغراضها بعد جهاد مع النفس وتاجيل كل يوم بكرا اساسا بس عرفت اني دخلت الثامن 🙄🤐 وانا في صدمه يعني احس الوقت مر طائره ولا ابي استوعب

العضوة: 1491002 , 2 years ago

اسبوع ٣٣ زي ماقلت لكم يومين نشاط وحيويه ويومين خمول ونفسيه 🤣🤣🤣🤣🤣😅😅😅😅 طبعا الايام للي احس فيها بنشاط مااقصر فيها اكرف نفسي في البيت للي عيالي ماخذين راحتهم وحريتهم اقوى شي لان القطوه حقتهم مشغوله مو حولهم صايرين يبدعوون في الخراب والدمار في المنزل 😂😂😂😂😂😂😂 وانا ما انتبه لهم الا اذا جاني النشاط وابي ارتب هنا تبدا الحرب العالمية معهم واتوقع الجيران ودهم يتدخلون بس للاسف يخافون ع انفسهم 🤭🤭🤭🤭 شفتوا المقطع اللي يكنس البحر هذا وضعي مع البيت وكرهت بيتي بس ساكته وش اقول و ودي اهج منهم بس وين ياحسره 🥲🥲😅😅 والنوم الله الله عليه انام الفجر واصحى الظهر واحيانا ٩ او ١٠ وخلاص ماعاد اقدر ارجع للنوم والعيالي بعد مايخلوني 🥲🥲🥲 وكاني ندمت اني حملت استغفر الله العظيم هي حاله تجي وتقولين ياليت وياليت الحمدالله على كل حال 😌😌 والشي الحلو اني خلصت ايام القضاء مع قروبنا للي بنفس الشهر قبل لا يجي رمضان والله اجواء حلوه والوقت يساعد انك تصومون ولاحظت نفسي مع الصيام اكون خفيفه ومرتاحه نفسيا وفيني نشاط يعني الصيام الحمدالله ما كان متعب

العضوة: 1491002 , 2 years ago

اسبوع ٣٤ اليوم كلمت ٣٤ ودخلت اول يوم ب٣٥ وضعي في بدايه الاسبوع مافيني حيل والضيقه الف 😮‍💨 انا مو ع طبعي الحمدالله ع كل حال قررت امشي وابدا رياضه قبلها سويت الكوره الحمدالله مره ريحتني خاصة الم الحوض والظهر مره مريحه بصراحه بعدين قلت ليه ما امشي من الحين ١٠ دقايق منها اتحرك واغير المود واطلع من البيت 🥹 لان سيارتنا خربت والنفسيه خربت معها مو وقتها ابد المهم طلعت انا والفروخ 🤭 وماكنت ابيهم يجون لان برد وانا بس ابي امشي حول البيت المهم مشيت تقريبا ٩ دقايق والله تعبت تعب صدمني 🤣🤣🤣 حرفيا جاني طلق اول شي تحجير 🥴 بعدين مسكني الم مو طبيعي لا بظهري ولا بطني واحس اني بستفرغ الله يكرمكم 🤢 انا اضحك ع نفسي قلت ابي اطلع من للي انا فيه واتحرك وتزين النفسيه 😂😂😂😂😂😂😂😂 الوضع عكس تعبت وانسدحت وخفت والله يصير فيني شي وانا توني بالثامن واقول بخاطري شكلها ولاده قريبه اتذكر ببكري امشي بالثامن والتاسع صح احس بتعب وثقل بس مو نفس كذا 😅😅 صدق بطن عن بطن يفرق وانسدح من اليل الين الفجر وانا اتالم نمت بعد ماخف علي وصحيت الظهر وارسلت للدكتوره اني عادي اكمل ولا اوقف وتعصب علي 🤭🤭 قالت مين قالك تمشي الحين اذا دخلتي اسبوع ٣٦ يعني التاسع هنا عادي تمشي وتسوين بس حاليا لا علشان ماتجيك ولاده مبكره وتتعبين انتي والبيبي 😬😬 قلتها مو افضل علشان مادخل التاسع وجسمي يكون مستعده للرياضه والمشي وبعدما مشيت وتعبت خفت قلت اكمل او لا قالت افضل ترتاحين وحتى شغل البيت ماتكثري منه لان شهر الثامن خطير وما نفضل الوحده تولد فيه 😅😅 انا بصراحه ماعندي نيه اولد بدري عادي اخذ رحتي متى ماربي كتب اولد ولدت باذن الله واحس نفسي مو مستعده حتي كل شي حولي احس مو مستعد صح جهزت اشياء كثيره ومهمه باقي اشياء بس مدري احس باحساس غريب مشاعر بداخلي كثيره ودي اتكلم واعبر عنها بس عاجزه اقولها 🥺💔

العضوة: 1491002 , 2 years ago

بكمل لكم باقي الايام من اسبوع ٣٥ <<< الاكشن هنا 🤭 طبعا بدا يزيد الثقل صح والتعب ريحت يومين في السرير والحمدالله ردت علي العافيه ياربي اكثر شي احمد الله عليه وقلت خلاص دامني صرت زينه ليش مااكمل شغلي الملابس مليانه والمطبخ يشتكي قلت ابد فيه غلست المواعين ممكن بس لمدة ربع ساعه ورتبت الصحون في مكانها فجاء حسيت دقات قلبي سريعه وارتجف 😵😵‍💫،خفت قلت اروح انسدح وارتاح انسدحت لكن نبضي يدق بسرعه حتى نتفتي حسيت نبضها زاد واحس جسمي يثقل وعيوني تتسكر غصب عني .

العضوة: 1698709 , 2 years ago

ماشاء الله عليكِ ❤❤❤