قصة ولادتي والتمارين والمشروبات لي سويتها اول شي اشرب حليب مع ملعقة صغيره قرفه مطحونه وملعقة صغيره عسل في فنجان الشاي الصباح والمساء مع تمارين القرفصاء والكره المطاطية والمشي واكل التمر بعد الفجر مباشره باول الثامن 7تمرات بعد الفجر لما دخلت نصف التاسع صرت اكثر من التمر لين اقول. بس وجاتني اعراض مثل الدوره ومع شويه اسهال مده اسبوع والحمدلله تفتحت وجاني طلق بعد المغرب ساعه 9بليل زاد الطلق ونزلت الموية كثيره وعلى المستشفى فورا اول ماوصلت كنت مفتوحه 7وبعدها بنص ساعه انفتحت 9 كانت ولاده بس لمان فحصت الدكتوره لقت الحبل السري عند عنق الرحم قبل الراس واذا حاولت اطلق يمكن يلتف الحبل ولكن الحمدلله تحولت ع قيصري فورا كان كل شي سريع لحد الان مصدومه لاني تفتحت كامل لكن ارداه رب العالمين اللهم لا اعتراض والحمدلله على تمام النعمة واكتمال المنه❤️❤️❤️