يابنات أنا زوجي ماشاءالله تبارك الله مو مقصر واحنا متزوجين جديد لنا بس ٥ شهور لكن المشكله انه صامت ما يشاركني بشي يعني اعرف أخباره من الناس والا من زوجة اخوه لان زوجها يكلمها بكل شي والموضوع هذا مرا يزعلني حتى إذا رحت بيت اهلي مايتواصل معي كثير ولا يسولف بس يسأل عن حالي وخلاص مايفتح مواضيع رغم إني احاول قدر المستطاع افتح معه مواضيع على طول يسكرها أنا فهمت أنها طبيعته من وهو صغير قليل الكلام وكتوم بس يضايق الموضوع كثير لمن تجيك اخبار زوجك من الناس وانتِ مثل الاطرش بالزفه ماعندك خبر بشي 💔 شنو الحل برأيكم كيف اقدر إني اخليه يتكلم ويشاركني ؟ طبعاً صارحته اكثر من مره ويتفهم ويعتذر ويضل يومين ثلاثه يتكلم ويحاول لكن يرجع بسرعه لنفس العاده ويقول هذي طبيعتي حاولي تتقبلينها