أنا طلّقت من فترة يا ريت ما طلّقت يا ريت ضلّيت مع جوزي السبب كان خلاف بينه وبين أخوي (بدون ذكر السبب). دائمًا الزوجة لازم تمتصّ غضب زوجها بهيك مواقف وأنا يا غافل لك الله 😞 لأ، صرت أعاند. هو حكا إلي...ممنوع تزوري أهلك نهائي وأنا متأكدة إنه حنون ولين وثاني يوم كان رح يحكي...أهلك ما إلهم دخل بس أخوكِ لا يفوت بيتي 🥺 بس أنا صرت أجادله وأحكي ما إلك دخل بأهلي من مرة إنته شو خصك هو غضب صار يحكي وانا اعاااير وقام طلّقني قال إلي... يحرم عليّ إني أرجعِك وفعلاً رجعت على بيت أهلي وتمّ الطلاق، مع شديد الأسف .. عندي منه بنوته ❤️ صار بهذاك وقت إلي 8 شهور مطلقة بنتي بتيجي علي كل أسبوع مرة.. والله ندمانة 😞 أمي وأبوي وأخوي ذ،،لوني، خصوصًا اني تطلّقت عشانه أخوي، اللي طلع خنزير حسبي الله ونعم الوكيل. بعد الطلاق بشهرين رنيت عليه، حكيته بدك ترجعني يا أبو....المهم رد علي وقال لأ، ما بدي إياكي بالمرة. حكيتله نسيت الخبز والملح؟ خلينا نرجع أنا موافقة حكا إلي: انتِي بتعرفي شو بعرف عن أهلك، عمري ما عايرتك فيهم إنتي اللي عايرتيني وإنتي عارفة إنو أهلي أحسن من أهلك مية مرة. سكت، وما جاوبته،قلتله: انسا، هاي لحظة زعل وبس قال إلي: لأااا. استنيت 3 شهور رحت على محله، قلتله كذبة كذبه صغيره لأني بعرف دمه حامي، قلتله: بدك ترجعني؟ ترا برفض بس مشان عيونك عرسان حكا إلي: وافقي خليني أرتاح منك صرت أبكي وأحكيله..خلينا نرجع وما رضي 😭 عرفت بعدها إنه خطب قلت..هذا زوجي وأبو بنتي، والله لا أخليه إلي، ما يروح لحدّ غيري يا بنات، بعرف إني غلطت 💔 بس بدي أرجعه. تواصلت مع خطيبته، حكيت الها إني بدي إياه، والمصيبة طلعت حقيرة راحت فسدت عني وحكت أشياء مو صحيحة 😞 اشي صح باقي تاليف رنيت على سلفي الحمد لله طلع ابن حلال. حكت معه، وضَل وراه شوي شوي وأقنع أمه وأبوه، الحمد لله وافقوا رحت عند بنت خالتي اللي بثق فيها، قلتلها تروح تحكي معه بأسلوب غير مباشر. حكتله..في عريس متقدملي وأهلي هالمرة موافقين الحمد لله، تحرك شوي، ورن على خطيبته وحكا الها كل شي، وقلها..نصيب. رن على أبوها كمان، وحكا اله، والأب حكاله..يا ابني عادي، انفصلو كل اشي نصيب. الحمد لله، رجع وتقدّم إلي، ووافقت 🙏 وووووف، الحمد لله رجعت لبيتي، لمملكتي ❤️ أخوي اللي تطلّقت عشانه يوم ورا يوم كان يضر،، بني ويمسح فيي الأرض 😞 وأبوي يشدّ عليه، وما في طلعة إلا بخلاف امي واختي الحمدلله ضلو ورا زوجي يرجعوني. نصيحة من قلبي: كل بنت، لما تزعل مع جوزها، ضلي ساكته، لا تخلي الزعل يخرب بيتك. صدقوني، الأهل بيتغيّروا بعد الطلاق، مو مثل لما تكوني بنت الطلاق غضب، والله إنه غضب من رب العالمين 😥 الحمد لله، رجعت مكرّمة ومعزّزة، وهلّأ حامل بالشهر الثالث 🤍 دعولي يتمّ حملي على خير. رجعت، وحاولت أعافر، والحمد لله رب العالمين. والله ، الطلاق ذ،،ل، لا بنتك إلك ولا حياتك كامله نصيحه لا تنسو قصتي 🫣❤️❤️❤️